Tonatela omadhiladhilo goye

1. Oshigongi shoshikandjo shomumvo gwiilonga 2013 otashi ka kala shi na oshipalanyolo shini, nosha longekidhwa nelalakano lya shike?

¹ Jesus okwa li a gandja elombwelo kaalongwa ye ya kale ye hole Jehova nomutima aguhe, nomwenyo aguhe nonomadhiladhilo agehe. (Mateus 22:37, 38) Oshigongi shonuumvo shoshitopolwa, shoshikandjo noshesiku lyi ikalekelwa oya longekidhwa nelalakano lyoku tu kwathela tu koleke omuntu gwetu gwomeni. Oshigongi shetu shoshitopolwa sho 2012 oshi na oshipalanyolo “Tonatela omutima gwoye.” Omanga oshigongi shesiku lyi ikalekelwa shomumvo gwiilonga 2013 shi na oshipalanyolo “Tonatela eiyuvo lyoye.” Noshigongi shoshikandjo, shoka momahala gamwe tashi ka tameka okuningwa momwedhi tagu ya, otashi ka kala shi na oshipalanyolo “Tonatela omadhiladhilo goye,” sha kankamena kuMateus 22:37. Oshigongi shika osha longekidhwa nelalakano lyokukwathela kehe gumwe a konakone omadhiladhilo ge, opo e ga zule ga kale ga hokiwa lela kuJehova.

2. Poshigongi otu na okukonga omayamukulo gomapulo geni?

² Shoka tashi ka kundathanwa: Sho tu li poshigongi shoshikandjo, natu konge omayamukulo komapulo ga simana taga landula:

• Oshike tashi ke tu kwathela kaatu kale tu na ‘etaloko lyopantu’?

• Ongiini tatu vulu okupukulula omadhiladhilo gaamboka kaaye na eitaalo?

• Iikala yopamadhiladhilo yini tu na okukala tu na?

• Uuwanawa wuni hawu tu zile mokutedhatedha momukalo gu uka?

• Ongiini tatu vulu okweetha Jehova a zule omadhiladhilo getu?

• Ongiini aasamane, aakulukadhi, aavali naanona taya vulu okukaleka po ombili megumbo?

• Ongiini tatu vulu okukala twi ilongekidhila esiku lyaJehova?

• Okukala twi ilongekidhila shoka tu na oku shi ninga otashi ti shike?

• Mboka haya tula miilonga shoka yi ilonga ohaya mono uuwanawa washike?

3. Omolwashike sha simana okukala poshigongi omasiku agehe gaali, okupulakena neitulomo nokutula miilonga shoka tatu ilongo?

³ Satana ota kondjo opo a kwate ko omadhiladhilo getu noku ga nyateka nenge oku ga yonagula. (2 Kor. 11:3) Onkee ano, otu na okutonatela omadhiladhilo getu noku ga pangela. Otu na okutsikila okukala tu na omadhiladhilo ga fa gaKristus nokukondjitha enwethomo lyuuyuni mbuka wa yonana. (1 Kor. 2:16) Ano ninga omalongekidho opo wu kale po poshigongi shoshikandjo omasiku agehe gaali. Kala to pulakene wi itula mo. Ngele otwa tula miilonga uuyelele wa simanenena mboka tawu ka gandjwa, otashi ke tu kwathela tu kale twi ilongekidha okulonga iilonga yUukwaniilwa nuulaadhi. —  1 Pet. 1:13.