Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaSeptemba

“Molwaashoka opu na omaupyakadhi ngoka gi indjipala muuyuni auhe, aantu oyendji otayi ipula unene kombinga yonakuyiwa. Mbela owu shi kutya Ombiimbeli otayi popi shike kombinga yonakuyiwa? [Tegelela a yamukule.] Tala shoka oshifo shika tashi popi.” Pa omunegumbo Oshungolangelo yaJuli-Septemba e tamu kundathana uuyelele mboka wu li kohi yokapalanyolo okatiyali hoka ke li pepandja 17 e tamu lesha enyolo limwe nenge ge vule po. Mu pa iifo e to ningi elongekidho wu galuke opo mu ye mu kundathane epulo lya landula ko.

Oshungolangelo Juli-Septemba

“Mbela owi itaala kutya ehulilo lyuuyuni mbuka oli li popepi? [Tegelela a yamukule.] Jesus okwe tu pa endhindhiliko ndyoka tali ulike kutya otu li momasiku gahugunina. [Lesha Mateus 24:3, 7, 8.] Oshifo shika otashi popi kombinga yehunganeko ndika, notashi popi wo omahunganeko galwe gatatu ngoka tatu ka mona taga gwanithwa masiku.”

Awake! Septemba

“Aantu oyendji ohaya ti kutya siku limwe evi onali ka hulithwe po kiita yopalute nenge koshiponga shopaunshitwe tashi etwa kemanya ndyoka tali gu mewangandjo nenge kelunduluko lyonkalo yombepo muuyuni awuhe. Mbela oto dhiladhila kutya iiponga ya tya ngawo otayi ka ningwa shili nenge aantu owala taya fekele? [Tegelela a yamukule.] Ombiimbeli oyi na euvaneko ndika tali hekeleke. [Lesha Episalomi 37:29.] Oshifo shika otashi kundathana kombinga yiiponga yontumba mbyoka aantu haya ti otashi vulika yi ete ehulilo nosho wo shoka Ombiimbeli tayi holola kombinga yankene ehulilo tali ka ningwa.”