Mbela ito vulu okuhiya yalwe wu ka longe pamwe nayo muukalele?

Momagongalo ogendji omu na aauvithi mboka ihaya vulu okuya muukalele nuupu omolwomikithi dhoshinamenena nosho wo uukulupe. (2 Kor. 4:16) Mbela ito vulu okuhiya gumwe ngoka e li monkalo ndjono mu ye pamwe naye komukonakoni gwoye? Ngele omuuvithi ngoka ihaa vulu okuza mo megumbo, oto vulu wu ye nomukonakonimbiimbeli gwoye kaandjawo mu ka leshele hoka. Mbela ito vulu okuninga omalongekidho, opo wu kale ho ka longa omathimbo gamwe egumbo negumbo nenge wu ninge omaishunoko naauvithi mboka ya nika uunkundi? Aauvithi aanamimvo oye na owino oyindji ngele tashi ya piilonga yuukalele. Onkee ano, uuna to longo pamwe nayo itashi ke ya tsa owala omukumo, ihe otashi ke ku etela wo uuwanawa. (Rom. 1:12) Shimwe ishewe, Jehova ota ka yambeka oonkambadhala dhoye ndhoka to ningi sho to ulikile aamwaho ohole momukalo gwa tya ngaaka. — Omayel. 19:17; 1 Joh. 3:17, 18.