Iiholelwa yomafalomo

Openi tatu vulu okwaadha omayamukulo gomapulo ga simanenena monkalamwenyo?

‘Popitha omunegumbo. Nena otwi ipyakadhila noshikonga shoka shi li muuyuni awuhe tatu gandja okafo haka ke na etumwalaka lya simana. Hano okoye.’ Sho to gandja okafo oshipalanyolo na kale shi wetike komunegumbo.     

Uuna to thigi okafo megumbo moka inoo adha aantu, ka hitika kohi yomweelo kaaka monike kwaamboka taye ende po, ngoye ino ka tonya ngele inashi pumbiwa.

Ngele omunegumbo otu ulike ohokwe nenge a hala mu kundathane po, oto vulu oku mu pula a ninge etyokosha komapulo gatatu ngoka ge li petameko. Tala kombinga onkwawo yokafo e to ulukile omunegumbo oohapu dhEpisalomi 119:144, 160. Mu lombwela kutya okafo haka oke na uuyelele kombinga yo-Web site ndjoka tayi vulu oku mu kwathela a mone omayamukulo tage mu mbilipaleke okuza mOmbiimbeli. Ngele owu na oshilongitho shopaelektronika, mu ulukila okavidio: Omolwashike wa pumbwa okukonakona Ombiimbeli? Omanga inoo ya, ulukila omunegumbo omapulo gatatu ngoka ge li kombinga onkwawo yokafo. Mu pula kutya epulo lini ha kala ti ipula unene nalyo. Ninga oshilage wu galuke, opo wu mu ulukile nkene ta vulu okumona omayamukulo okuza mOmbiimbeli mokulongitha o-jw.org. Uuna wa galuka, kundathaneni omayamukulo to tala mpoka pwa nyolwa BIBLE TEACHINGS > BIBLE QUESTIONS ANSWERED.

Ngele omwa adhika tamu gandja uufo woshigongi shoshitopolwa, pa omunegumbo okafo kehiyo lyoshigongi pamwe nokatraktate. Popya to ti: “Otatu ku hiya koshigongi hoka kehe gumwe a manguluka okuya a pulakene.”

Oshungolangelo Juli-Auguste

Mpoka tashi vulika gandja Oshungolangelo mehuliloshiwike. Lombwela omunegumbo to ti: “Otwa hala wo okukupa oshifo shika oshipe. Otashi kundathana kombinga yankene Kalunga a tala ko okuhila omakaya.”