Okuhwepopaleka uunkulungu wetu muukalele Longitha uuvidio wu longe aantu

OMOLWASHIKE SHA SIMANA?:

Omolwaashoka uuvidio ohawu gumu omitima dhaantu sho ye wete noya pulakena shoka tashi popiwa. Shika ohashi ya kwathele ya gandje eitulomo nohashi kala momadhiladhilo gawo ethimbo ele. Jehova okwe tu tulila po omukalo omwaanawa gwokulongitha uuvidio tu longe aantu. — Iil 10:9-16; Eh 1:1.

Uuvidio: Mbela Kalunga oku na edhina?, Olye omunyoli gwOmbiimbeli? nosho wo Ongiini tatu vulu okumona kutya Ombiimbeli oyi li paushili? owa gwedhwa moshileshwa oshitiyali noshititatu shokambo Onkundana ombwanawa. Uuvidio ngaashi: Mbela omolwashike wa pumbwa okukonakona Ombiimbeli?, Mbela Ombiimbeli ohayi konakonwa ngiini? nosho wo Oshike hashi ningwa pokugongala kwOonzapo dhaJehova?, otawu ladhipike aantu ya konakone Ombiimbeli natse nosho wo ye ye kokugongala kehe kwegongalo. Uuvidio mboka uule nawo otawu vulu okulongithwa sho tatu ningi omakonakonombiimbeli. — km 5/13 ep. 3.

NKENE TATU VULU OKU SHI NINGA:

• Tapa okavidio hoka wa hala wu ku ulukile omunegumbo komeho yethimbo

• Longekidha epulo limwe nenge gaali ngoka taga ka yamukulwa mokavidio

• Taleni okavidio nomunegumbo

• Kundathaneni iitsa ya simana yomokavidio

KAMBADHALA OKULONGITHA OMIKALO NDHIKA:

• Tala konima yokafo kehe komuufo wetu, e to ulukile omunegumbo kombinga yokwoode ndjoka tayi mu fala kokavidio, Mbela omolwashike wa pumbwa okukonakona Ombiimbeli?

• Ulukila omuntu okavidio, Ongiini tatu vulu okumona kutya Ombiimbeli oyi li paushili?, e to mu pe okambo, Onkundana ombwanawa, moka mu na oshileshwa oshititatu tashi popi kombinga yaashoka