“Inekela Omuwa nomutima gwoye aguhe”

Jehova okwa gwana okwiinekelwa kutse thiluthilu. Eityo lyedhina lye otali tu kwathele tu kale neinekelo lya kola kutya ota vulu okugwanitha po omauvaneko ge agehe. Egalikano oshinima sha simana, oshoka otali tu kwathele tu koleke einekelo lyetu muye. Omayeletumbulo ontopolwa 3 otayi tu shilipaleke kutya Jehova ote ke tu pa ondjambi ‘mokuyelekanitha oondjila dhetu,’ ngele otwe mu inekela.

Ngoka omunandunge momeho ge mwene . . .

3:5-7

• oha ningi omatokolo inaa pula ewiliko kuJehova tango

• oha kala i inekela moondunge dhe mwene nenge mwaashoka uuyuni tawu dhiladhila

Ngoka i inekela muJehova . . .

• oha kokeke ekwatathano lyopothingo naye okupitila mokukonakona Ombiimbeli, mokutedhatedha nomokugalikana

• oha kongo ewiliko lye mokukonakona omakotampango gOmbiimbeli, uuna ta ningi omatokolo