“Simaneka ho nanyoko”

Sho Jesus a li kombanda yevi, okwa li a tsu omuthindo oshipango shoka tashi ti: “Simaneka ho nanyoko.” (Eks 20:12; Mat 15:4) Okwa li a manguluka okupopya ngawo, oshoka okwa li “ha vulika” kaavali ye, sho a li omushona. (Luk 2:51) Sho a koko, manga inaa sa okwa shilipaleke kutya yina oku na ngoka te ke mu sila oshimpwiyu. — Joh 19:26, 27.

Kunena, aagundjuka Aakriste mboka haya vulika kaavali yawo nohaya popi nayo nesimaneko, ohayu ulike kutya oye ya simaneka. Nokuli aanona oye na aluhe okusimaneka aavali yawo. Nonando aavali yetu oya kulupa, otu na oku ya simaneka mokupulakena komayele gawo gopandunge. (Omayel 23:22) Ohatu ya simaneke wo mokukala tu na ko nasha nomaiyuvo gawo nomoku ya sila oshimpwiyu painiwe. (1Tim 5:8) Kutya nduno tse aagundjuka nenge aakuluntu, omukalo dhingi gwoku ya simaneka, okukala aluhe hatu popi nayo.

TALA OKAVIDIO ONDI NA OKUPOPYA NGIINI NAAVALI YANDJE? E TO YAMUKULA OMAPULO TAGA LANDULA:

• Omolwashike tashi vulika wu mone oshidhigu okupopya naavali yoye?

• Ongiini wu na okusimaneka aavali yoye uuna to popi nayo?

  

• Omolwashike wa pumbwa okuninga oonkambadhala wu popye naavali yoye?