Egongalo lyopaKriste tali tililwa ombepo ondjapuki

2:1-8, 14, 37, 38, 41-47

Oyendji yomAajuda mboka ya li muJerusalem pethimbo lyoPentekoste yomo 33 E.N., oya li ya za miigwana yilwe. (Iil 2:9-11) Nonando oya li haya vulika kOmpango yaMoses, otashi vulika ya kala miilongo kaayi shi yaandjawo onkalamwenyo yawo ayihe. (Jer 44:1) Onkee ano, yamwe otashi vulika ya li haya monika ya fa aavalelwa mo yomiilongo mbyoka nohaya popi ye ya fa, ihe hangaashi Aajuda. Sho aantu 3 000 ya za miigwana yi ili noyi ili ya ninginithwa, megongalo lyopaKriste omwa kala mu na aantu ya za kiilongo yi ili noyi ili. Nonando oya li ya za momaputuko ga yoolokathana, “oya tsikile okugongala pamwe motempeli mombepo yimwe.” — Iil 2:46.

Ongiini to vulu okuulika kutya owu na ko nasha . . .

• naantu yomoshitopolwa sheni mboka ya za kiilongo yilwe?

• naamwatate naamwameme yomegongalo lyeni mboka ya za kiilongo yilwe?