Hogolola omainyanyudho goye pandunge

Omolwashike tu na okuhogolola omainyanyudho getu pandunge? Omolwaashoka ngele otwa hogolola omuvi yontumba, okupulakena okangalo kontumba, okutala kepandja lyontumba lyokointaneta, okulesha embo lyontumba, nenge uudhano wuuvidio wontumba, otatu hogolola shoka tatu udhitha momadhiladhilo getu. Shoka tatu hogolola ohashi nwetha mo eihumbato lyetu. Shiyemateka, omainyanyudho ogendji kunena oge na iinima mbyoka Jehova e tonde. (Eps 11:5; Gal 5:19-21) Omolwetompelo ndyono, Ombiimbeli otayi tu ladhipike tu kale tu shi okuyoolola iinima mbyoka tayi simanekitha Jehova. — Fil 4:8.

TALA OKAVIDIO OMAINYANYUDHO GENI NDI NA OKUHOGOLOLA? E TO YAMUKULA OMAPULO NGAKA:

• 

  Uudhano wokwiidhenga mboka wa li hawu dhanwa kAaroma yopethimbo lyonale, owa faathana ngiini nomainyanyudho gamwe gokunena?

• 

  Iilyo yegongalo otayi vulu ngiini okukwathela aagundjuka ya hogolole omainyanyudho pandunge?

• 

  Aaroma 12:9 otayi vulu ngiini oku tu kwathela tu hogolole omainyanyudho getu pandunge?

• 

  Omainyanyudho geni gamwe omawanawa haga ningwa moshitopolwa sheni?