Jehova oku hole aantu aayogoki

“Iyoga koonyala. Opaleka mondunda yoye. Komba megumbo. Fala iiyagaya koshilambo.” Aavali oyendji ohaya longo oyana nkene ye na okukala ya yogoka palutu. Ihe nonando ongawo, Jehova oye a tula po elongekidho lyokukala twa yogoka. (Eks 30:18-20; Deut 23:14; 2Kor 7:1) Ngele ohatu kala twa yogoka palutu nosho wo iinima yetu, otatu simanekitha Jehova. (1Pet 1:14-16) Ongiini kombinga yomagumbo getu nomidhingoloko dhago? Mepingathano naantu mboka haya ekelehi iiyagaya kehe pamwe, Aakriste ohaya ningi ngaashi taya vulu ya kaleke evigumbo lyawo lya yela. (Eps 115:16; Eh 11:18) Otatu vulu okuulika kutya otwa tala ko uuyogoki ngiini nokuli nomiinima iishona, ngaashi okukala ihaatu ekelehi uumbapila wuuleke, uundoha nenge oosiingamu. Otwa hala ‘okuulika kutya tse aayakuli yaKalunga’ esiku kehe. — 2Kor 6:3, 4.

TALA OKAVIDIO KALUNGA OKU HOLE AANTU AAYOGOKI, E TO YAMUKULA OMAPULO NGAKA:

• Yamwe otashi vulika ya gandje omaipopilo geni sho ye na iinima ya luudha?

• Ompango yaMoses oyu ulike ngiini nkene Jehova a tala ko uuyogoki?

• Ongiini tatu vulu okusimanekitha Jehova nonando inatu popya sha?