Oshike tatu vulu okwiilonga momaimbilo getu?

Omaimbilo geni wu hole gomomaimbilo getu guuvidio nomolwashike? Sho to tala, mbela shoka hashi ulikwa mo osha pambathana ngaa nonkalamwenyo yetu yesiku kehe? Nonando omaimbilo ngoka ohaga popi kombinga yiinima yi ili noyi ili noga hikwa momikalo dha yoolokathana, kehe gumwe ota vulu okwiilonga mo sha. Ihe, omaimbilo ngoka nuuvidio wago kage shi owala gomainyanyudho.

Eimbilo kehe ohali tu longo iiyilongomwa ya simana mbyoka tatu vulu okutula miilonga monkalamwenyo yetu yopaKriste nomuukalele. Omaimbilo gamwe ohaga popi kombinga yokuyakula aayenda, yuukumwe, yuulaadhi, yohole, yuukuume noyeitaalo. Gamwe ohaga popi kombinga yokugalukila kuJehova, yokudhiminathana po, yokukala aadhiginini noyokukonga oompito moka tatu vulu okulongela Jehova. Opu na nokuli eimbilo hali popi kombinga yokulongitha oongodhi dhetu pandjele. Iiyilongomwa yilwe yini ya simana wa mona momaimbilo getu?

TALA OKAVIDIO KEIMBILO OPARADISA OYI LI POPEPI, E TO YAMUKULA OMAPULO TAGA LANDULA:

• Aaihokani mboka aakokele otaya dhiladhila komayambeko geni gomonakuyiwa? — Gen 12:3

• Ohatu koleke ngiini eitaalo lyetu muJehova sho ha gwanitha po omauvaneko ge?

• Aantu otaya ka hangana noolye masiku?

• Etegameno lyUukwaniilwa ohali tu kwathele ngiini tu idhidhimikile omaudhigu kunena? — Rom 8:25