OMALIKO OKUZA MOOHAPU DHAKALUNGA | GENESIS 15–17

Omolwashike Jehova a lukulula Abram naSarai?

17:1, 3-5, 15, 16

Jehova okwa li a tala ko Abram kee na ombedhi yasha. Sho a lombwele Abram uuyelele wa yela kombinga yeuvaneko Lye, okwa pe Abram naSarai omadhina ngoka taga holola shoka tashi ka ningwa monakuyiwa.

Ngaashi omadhina gawo taga ti, Abraham okwa ningi hekulu yiigwana oyindji naSara okwa ningi yina yaakwaniilwa.

Abraham

Hekulu yiigwana oyindji
Sara

Yina yaakwaniilwa

Omathano: Omumwameme omugundjuka ta ningi ehumokomeho mokulongela Jehova. 1. Ta ninginithwa. 2. Ta gandja oshipopiwa pokugongala kwomokati koshiwike. 3. Tu ulikile omukiintu gumwe okavidio momapya.

Ihatu vulu okuhogolola edhina lyetu pokuvalwa kwetu. Ihe ngaashi Abraham naSara, otatu vulu okwiiningila edhina ewanawa. Ipula ngeyi:

‘Ongiini tandi vulu okukala nda tali ka ko kuJehova kutya kandi na ombedhi yasha?’
‘Otandi iningile edhina lya tya ngiini kuJehova?’