Owi ilongekidha ngaa?

Ngele oshiponga shopaunshitwe sha dhenge oshitopolwa sheni, mbela otashi adha ngaa wi ilongekidha? Omakakamo gevi, iikungulu yombepo, omapeya nomafundja, ohayi vulu okuholoka ombaadhilila nohayi yonagula noonkondo. Natango, omaponokelo gopaukulo, omaipumomumwe nomikithi, otayi vulu okuholoka ethimbo kehe nokaapu na oku shi nongela. (Omuuv 9:11) Inatu dhiladhila nando kutya iiponga yoludhi ndoka kapu na siku yi tu adhe.

Kehe gumwe gwomutse oku na okukatuka oonkatu i ilongekidhile oshiponga shopaunshitwe. (Omayel 22:3) Nonando ehangano lyaJehova ohali tu kwathele uuna pwa holoka iiponga mbyoka, kehe gumwe oku na oshinakugwanithwa shokukala i ilongekidha. — Gal 6:5.

TALA OKAVIDIO OWI ILONGEKIDHILA NGAA OSHIPONGA SHOPAUNSHITWE?, E TO YAMUKULA OMAPULO NGAKA:

• 

  Ekwatathano lyetu naJehova otali ke tu kwathela ngiini, uuna pwa holoka oshiponga shopaunshitwe?

• 

  Omolwashike sha simana . . .

  • • okukala nekwatathano naakuluntugongalo omanga oshiponga shopaunshitwe inaashi holoka, pethimbo nokonima ngele sha holoka?

  • • wu longekidhe okandjato kopaulumompumbwe? — g17.5-E, ep. 6

  • • mu kundathane iiponga yopaunshitwe yi ili noyi ili mbyoka tashi vulika yi holoke moshitopolwa sheni, noshike mu na okuninga monkalo kehe?

• 

  Omomikalo ndatu dhini tatu vulu okukwathela yalwe uuna ya adhika koshiponga?