Nkene wu na okulongitha iiholelwa yoonkundathana

Okuza muJanuali 2018, kombanda yOkafo kokulongithwa pokugongala okwa kala haku kala iiholelwa yoonkundathana. Ongiini tatu vulu oku yi longitha?

Uuna to gandja oshipopiwa: Longitha epulo, enyolo nepulo ndyoka to ya wu yamukule li li moshiholelwa shoonkundathana. Ihe shoka itashi ti kutya owu na okulongitha thiluthilu oohapu adhihe ndhoka dhi li moshiholelwa shoonkundathana shokavidio. Oto vulu okulongitha onkalo, efalomo nokutompathana nosho tuu, momukalo gwi ili. Oto vulu wo okugandja shimwe shomiileshomwa mbyoka hatu gandja muukalele, nonando mefalomo inashi popiwa mo.

Uuna wu li miilonga yokuuvitha: Iiholelwa yoonkundathana oya nuninwa yi gandje omayele taga kwathele. Ngele omuntu oku ulike lela ohokwe nokwa hala okutseya oshindji, oto vulu okutsikila noonkundathana to longitha oshikalimo shokavidio keishunoko. Oto vulu okulundulula oshiholelwa shoonkundathana, nenge wu longithe shilwe sha yooloka ko thiluthilu. Mbela oshikundathanwa shomwedhi gwa za ko nenge enyolo li ili olyo tali opalele aantu moshitopolwa sheni? Mbela aantu moshitopolwa sheni otayi ipula unene noshiningwanima opo sha ningwa nenge tashi ningwa momudhingoloko gweni? Kutya nduno owa tokola okulongitha ngiini iiholelwa yoonkundathana, elalakano lyoye nali kale ‘okuninga ayihe omolwevaangeli, opo wu li tseyithile yalwe.’ — 1 Aakorinto 9:22, 23 yelekanitha NW.