Kotokela okutaandelitha iifundja

Kunena, uuyelele ohawu vulu okuya kaantu omamiliyona mepathimo lyeho, okupitila miifo, moradio, motiivii nosho wo mointaneta. Mboka haya longele “Kalunga koshili, NW” ihaya kala ya hala okutaandelitha uuyelele wiifundja nokuli nonando hanelalakano. (Eps 31:5; Eks 23:1) Oohapu dhiifundja ndhoka hadhi taandelithwa, ohadhi vulu okweehameka yalwe noonkondo. Uuna to tala ngele uuyelele wontumba owoshili, ipula ngeyi:

• ‘Owa zi ngaa konzo yi shi okwiinekelwa?’ Omuntu ngoka ta popi ehokololo otashi vulika a kale kee shi uuyelele awuhe. Omahokololo ngoka haga taandelithwa kaantu ohaga lunduluka, onkee kala wa kotoka uuna kuushi kutya ehokololo lyontumba olya tamekwa kulye. Molwaashoka mboka ye na iinakugwanithwa megongalo oye li oonzo dhi shi okwiinekelwa, oye na unene okukala ya kotoka kaaya lombwele yalwe uuyelele wontumba ngele kapu na uumbangi

• ‘Mbela uuyelele mboka oluhoko?’ Ngele otawu yono po edhina ewanawa lyomuntu nenge lyongundu yaantu, oshi li nawa kuu wu taandelithe. — Omayel 18:8; Fil 4:8

• ‘Mbela ehokololo otali vulu ngaa okwiitaalwa?’ Kala wa kotoka uuna wu uvu ehokololo niimoniwa tayi nywitha omakutsi

TALA OKAVIDIO ONGIINI TANDI VULU OKWEETHA PO OLUHOKO? E TO YAMUKULA OMAPULO NGAKA:

• 

  Shi ikolelela kOmayeletumbulo 12:18, oohapu otadhi vulu okweeta oshiponga shini?

• 

  Aafilippi 2:4 otaye tu kwathele ngiini tu kale tu na etaloko li li pandjele, uuna tatu popi kombinga yayalwe?

• 

  Oshike tu na okuninga, uuna shoka tashi popiwa kombinga yayalwe sha lundulukile mokusheka nenge mokupopila muuwinayi?

• 

  Manga inaatu tameka okupopya kombinga yayalwe, omapulo geni tu na okwiipula?