Mbela ito vulu okulongitha ethimbo lyoye noonkondo dhoye?

Ngaashi omuhunganeki Jesaja a hunganeka, kunena otu wete nkene oshitopolwa shehangano lyaJehova shokombanda yevi tashi koko noonkondo inaashi monika nale. (Jes 54:2) Omolwoshinima shono, otwa pumbwa okutunga Iinyanga yUukwaniilwa, Iinyanga yIigongi niitayimbelewa iipe. Konima ngele ga tungwa, omatungo ngoka oga pumbwa okukalekwa monkalo ombwanawa nagamwe okwoopalekululwa. Shoka oshe tu pa oompito dhini tu yambe po ethimbo noonkondo dhetu miilonga yaJehova?

• Otatu vulu okukwathela mokwoopaleka Oshinyanga shetu shUukwaniilwa ngele ongundu yetu yomomapya oyo yi na olufo

• Otatu vulu okwiiyamba tu dheulwe nkene tu na okukaleka Oshinyanga shetu shUukwaniilwa monkalo ombwanawa

• Otatu vulu okuudhitha ofooloma Local Design/Construction Volunteer Application (DC-50) tu kale hatu kwathele omalupita mokutunga nomokukaleka omatungo gehangano monkalo ombwanawa, ngoka ge li popepi natse

• Otatu vulu okuudhitha ofooloma Application for Volunteer Program (A-19) nokwiiyamba tu ka kwathele uule woshiwike nenge shi vule po koshitayimbelewa shomoshitopolwa shetu nenge koshitayimbelewa shilwe

TALA OKAVIDIO OPROYEKA OMPE YOKUTUNGA TAYI LONGEKIDHWA — OSHITOPOLWA, E TO YAMUKULA OMAPULO NGAKA:

• Ngashingeyi ohatu longitha uuvidio shi thike peni okuza sho twa tameke oku shi ninga mo 2014?

• Opo tu ninge uuvidio owundji, opwa longekidhwa oproyeka yini notayi tamekwa nokupwa uunake?

• Aaiyambi otaya vulu ngiini okukwathela moproyeka ndjika?

• Ngele otwa hala oku ka kwathela koRamapo, omolwashike twa pumbwa okuudhitha ofooloma DC-50 noku ka kwathela mooproyeka dhokutunga ndhoka dhi li popepi natse?

• Uumbangi wuni wu li po mboka tawu ulike kutya Jehova ota wilike oproyeka ndjika?

• Ongiini tatu vulu okwaambidhidha oproyeka ndjika nonando itatu vulu okukwathela paumwene mokutunga?