OMALIKO OKUZA MOOHAPU DHAKALUNGA

Jehova ohu unganeke oshigwana she

[Dhana okavidio Efalomo lyembo lyaNumeri.]

Aaisraeli oya li ya yungu oontanda momazimo oogatatu (Num 1:52, 53; w94 12/1 ep. 3, okat. 4)

Ontanda ndjoka yAaisraeli otashi vulika ya li yi na aantu 3 000 000 nenge ye vule po (Num 2:32, 33; it-1-E ep. 397, okat. 4)

Jehova okwa hala oshigwana she shi mu longele momukalo gu unganekwa. Shoka osho sha li hashi ningwa koshigwana shaIsraeli, natse kunena osho hatu ningi. — 1Kor 14:33, 40.

Ontanda yAaisraeli oku yi tala okuza mombanda. Etsalihangano li li pokati. Popepyeelela lyetsalihangano opu na omaukwanegumbo gezimo lyaLevi: Aaron oku li kuuzilo, Aakwakohati oye li kuumbugantu, Aakwagerson oye li kuuninginino, Aakwamerari oye li kuumbangalantu. Omazimo 12 gAaisraeli oge li kokule. Kuuzilo oku na ezimo lyaIssaskar, lyaJuda nolyaSebulon. Kuumbugantu oku na ezimo lyaGad, lyaReuben nolyaSimeon. Kuuninginino oku na ezimo lyaBenjamin, lyaEfraim nolyaManasse. Kuumbangalantu oku na ezimo lyaNaftali, lyaDan nolyaAser.

IPULA NGEYI, ‘Ongiini tandi vulu okuulika kutya otandi ambidhidha thiluthilu ehangano lyaJehova?’