Okukokola ondjila

Ohatu longitha nawa oonkondo dhetu, uuna tatu itulile po omalalakano gopambepo. (1Kor 9:26) Omalalakano ohage tu kwathele tu longithe nawa ethimbo, manga ehulilo inaali ya. (Ef 5:15, 16) Pelongelokalunga lyeni lyuukwanegumbo, otamu vulu okukundathana omalalakano ngoka mwa hala okwiitulila po momumvo gwiilonga tagu landula. Opo wu mone nkene to vulu oku shi ninga, okafo haka oke na iitopolwa yontumba ya popya omalalakano ngoka to vulu okudhiladhila kugo pamwe negalikano. — Jak 1:5.

Pashiholelwa, mbela itamu vulu okukwathela gumwe muukwanegumbo weni a ninge omukokolindjila gwondjigilile? Ngele owu wete itoo vulu oku ka gwanitha po oowili dhuukokolindjila, popya naakokolindjila yontumba mboka ye li monkalo ya fa yoye. (Omayel 15:22) Oto vulu okupulapula omukokolindjila gumwe pelongelokalunga lyuukwanegumbo weni. Opo nduno, nyola elandulathano lyaashoka to vulu okuninga. Ngele owa li omukokolindjila monakuziwa, tala ngele onkalo yoye otayi ku pitike wu shi ninge ishewe.

Mbela yamwe yomuukwanegumbo weni itaya vulu okukutha uukwathelikokolindjila uule womwedhi nenge dhi vulithe po? Ngele owu na omangambeko gopalutu, oto vulu okukutha uukwathelikokolindjila, mokukala ho kutha ombinga muukalele ethimbo efupi esiku kehe. Ngele iho mono ethimbo mokati koshiwike, omolwiilonga nenge osikola, oto vulu oku shi ninga momwedhi moka mu na efudho nenge ngoka gu na omahuliloshiwike gatano. Ndhindhilika mokalindeli koye omwedhi ngoka wa hala oku ka kutha uukwathelikokolindjila, e to itulile po elandulathano. — Omayel 21:5.

TALA OKAVIDIO KALENI AALAADHI . . . AAKOKOLINDJILA, E TO YAMUKULA EPULO NDIKA:

• Oshimoniwa shomumwameme Aamand, otashi tu longo shike kombinga yankene Jehova e hole noha sile oshimpwiyu mboka haya ningi omaiyambo gokukokola ondjila?