ONKALAMWENYO YOPAKRISTE

Kwathela mboka kaaye li melongelokalunga lyontumba ya tseye Omushiti

Mbela oho kala inoo hala okuuvithila aantu mboka kaaye li melongelokalunga lyontumba, molwaashono to dhiladhila kutya otashi vulika kaaya pulakene? Ngele osho, dhimbulukwa kutya oyendji yomaantu mboka, mwa kwatelwa mboka inaaya itaala muKalunga, oya ninga Oonzapo dhaJehova. Poompito odhindji, shoka ya li ya pumbwa okukwathelwa owala ya mone uumbangi mboka tawu ulike kutya Kalunga oko e li. — Rom 1:20; 10:14.

TALA OKAVIDIO NKENE YAMWE MBOKA YA LI KAAYE NA EITAALO, YA NINGI OOITAALI — MBOKA KAAYE LI MELONGELOKALUNGA LYONTUMBA, E TO YAMUKULA OMAPULO NGAKA:

Oshimoniwa shaTommaso otashi vulu ngiini oku ku kwathela, wu kale wu na etaloko ewanawa lyokuuvithila mboka kaaye li melongelokalunga lyontumba?

Eyamukulo lyoye

Nkene wu na oku shi ninga

Ngele omuntu okwa ti kutya ina itaala muKalunga, popya naye nombili, nonge noku mu ulukila kutya owu na ko nasha nomaiyuvo ge kombinga yaashono. (2Tim 2:24) Kundathaneni iinima mbyoka tashi vulika a kale e na ohokwe muyo. Mbela okwa manguluka okukundathana uumbangi mboka wa kwathela oyendji ya itaale mOmushiti? Ngele osho, longitha iileshomwa nuuvidio mboka wa nyanyangidhwa nelalakano ndyoka. Okambo Was Life Created? nosho wo Omapulo gatano ga simanenena — nkene iinima yi na omwenyo ye ya po, owa gwedhwa mOkaketha ketu kiilongitho yokulonga aantu, opo shi kale oshipu oku wu longitha.

Petameko, otashi vulika wu kale wa tila okuuvithila omuntu ngoka inaa itaala muKalunga. Ongiini ngele owa pula ekwatho komuuvithi ngoka a pyokoka? Dhimbulukwa wo kutya Jehova ota vulu oku tu kwathela tu adhe omitima dhaamboka ya halelela okuuva oshili, nokuli nando petameko kaya li ya itaala kutya oko e li. — Iil 13:48.