ONKALAMWENYO YOPAKRISTE
Aavali, longeni aanona yeni nkene ye na okunyanyudha Kalunga
Aagundjuka oye na ondilo momeho gaJehova. Oha kala ewete nkene eitaalo lyawo nohole yawo yoku mu hola tayi koko. (1Sam 2:26; Luk 2:52) Nonando oye li natango aashona, otaya vulu okunyanyudha Jehova okupitila meihumbato lyawo ewanawa. (Omayel 27:11) Jehova okwe tu pa iilongitho dhingi okupitila mehangano lye, mbyoka tayi vulu okukwathela aavali ya longe oyana ya kale ye hole Jehova nohaya vulika kuye.
TALA OKAVIDIO AAGUNDJUKA, EIDHIDHIMIKO LYENI OHALI NYANYUDHA JEHOVA, E TO YAMUKULA OMAPULO NGAKA:
Ekwatho newiliko lini Jehova a kala ta pe aagundjuka uule womimvo?
Iilongitho yini tu na ngashingeyi mbyoka aavali taya vulu okulongitha?
Ngele owu li omugundjuka, iilongitho yini ya nyanyangidhwa kehangano lyaJehova ye ku etela uuwanawa, nomolwashike to tile ngawo?