Otatu vulu okusinda uutondwe!

Ngele hasho, otashi vulika wa mona omuntu e tondike momukalo gwontumba nenge gwongandi. Olundji miikundaneki ohatu uvu mo kombinga yaantu mboka ye tondike, molwaashoka ya za kiilongo yilwe, momihoko dhilwe nenge molwaashoka ye li omashenge. Naashoka osha ningitha omapangelo ogendji ga tule po oompango ndhoka tadhi vulu okugamena yalwe omolwuutondwe mboka.

Aantu mboka ye tondike, olundji ohashi ya ningitha nayo ya kale ye tonde yalwe. Aantu ya tya ngaaka ohaya kwatele yalwe onkone nohaya kala ya hala oku ya shunithila uuwinayi.

Otashi vulika wa li wu tondike, wa hindilwe, wa tukilwe nenge wa thindilwa kongudhi. Ihe natango uutondwe otawu tsikile ngaa. Olundji otashi vulika nokuli omuntu a ponokelwe, a kwatwe onkonga, a dhipagwe nenge nokuli a dhipagwe molwaashoka gwomomuhoko gwi ili.

Oshifo shika otashi yamukula omapulo taga landula notashi kundathana nkene uutondwe tawu vulu okusindwa:

• Omolwashike muuyuni mu udha uutondwe?

• Ongiini to vulu okuyanda uutondwe?

• Mbela uutondwe onawu ka hule po ngaa?