Aantu mboka ye na etaloko lya fa lyaJehova ohaya ningi omatokolo gopandunge

Lesha Genesis 25:29-34, wu mone ngele Esau naJakob oya li ngaa ya ningi omatokolo gopandunge.

Ilonga oshindji kwaashoka tashi popiwa. Oshike sha li sha ningwa po tango? (Gen. 25:20-28) Oshike sha ka ningwa po konima? — Gen. 27:1-46.

Konakona muule uuyelele awuhe wa kwatelwa mo. Pethimbo ndyoka, omauthembahenda geni omumati osheeli a li ha kala e na nosho wo iinakugwanithwa? — Gen. 18:18, 19; w10-E 5/1 13.

• Mbela uuthembahenda mboka owa li aluhe wa kwatela mo okukala hekulululwa yaMesiasa? (w17.12 14-15)

Dhiladhila kombinga yiinima mbyoka wa ilonga, noku yi tula miilonga. Omolwashike uuthembahenda wuusheeli wa li wa simana noonkondo kuJakob shi vulithe kuEsau? (Heb. 12:16, 17; w03-E 10/15 28-29) Jehova okwa li e uvitile ngiini aalumentu mboka yaali, nomolwashike? (Mal. 1:2, 3) Esau okwa li ta vulu okuninga shike, opo a ninge omatokolo omawanawa?

• Ipula ngeyi: Ongiini tandi vulu okuulika momaipyakidhilo gandje gomoshiwike kutya onda pandula iinima yopambepo, ngaashi kutya uunake ndi na okuninga elongelokalunga lyuukwanegumbo?