Okwiidhidhimikila okwaanuuyuuki

Lesha Genesis 37:23-28; 39:17-23, wu ilonge sha koshimoniwa shaJosef shokwiidhidhimikila okwaanuuyuuki.

Nongonona oshikalimo shontopolwa moka mwa za ovelise ndjoka. Oshike sha li sha etitha Josef a ungaungiwe naye kaashi li pauyuuki? (Gen. 37:3-11; 39:1, 6-10) Josef okwa li a idhidhimikile okwaanuuyuuki ethimbo li thike peni? (Gen. 37:2; 41:46) Pethimbo ndyoka, Jehova okwa li a ningile Josef shike, ihe oshike a li inee mu ningila? — Gen. 39:2, 21; w23.01 17 ¶13.

Ilonga oshindji. Ombiimbeli inayi popya nando kutya Josef okwa ti kutya omukulukadhi gwaPotifal okwa li te mu lundile. Ongiini omanyolo taga landula tashi vulika ge tu kwathele tu dhiladhile kutya omolwashike Josef a li a tokola okukala a mwena, nenge kutya omolwashike inaatu pumbwa okutegelela uuyelele awuhe wu hololwe? (Omayel. 20:2; Joh. 21:25; Iil. 21:37) Omaukwatya geni tashi vulika ga li ga kwathela Josef a idhidhimikile okwaanuuyuuki? — Mika 7:7; Luk. 14:11; Jak. 1:2, 3.

Dhiladhila kombinga yiinima mbyoka wa ilonga, noku yi tula miilonga. Ipula ngeyi:

• ‘Okuungaungiwa nangame kaashi li payuuki kuni tashi vulika ndi ningilwe, ndi li omulongwa gwaJesus? — (Luk. 21:12, 16, 17; Heb. 10:33, 34.)

• ‘Oshike tandi vulu okuninga, opo ndi vule okwiidhidhimikila okuungaungiwa nangame kaashi li pauyuuki?’ — (Eps. 62:7, 8; 105:17-19; w19.07 2-7.)