Uuhupilo tawu shongola — Shoka Uukwaniilwa waKalunga tawu ka ninga

Oshidhigu lela kaantu oyendji muuyuni okwiimonena oshimaliwa, opo ya lande iipumbiwa yawo. Uushili owo kutya uupyakadhi mboka onkee ngaa tawu ende tawu nayipala.

• Shi ikolelela kolopota yomuuyuni awuhe ndjoka opo ya piti,a otayi ti kutya “oondjambi dhaantu dhokomwedhi otadhi ende tadhi shuna pevi noonkondo.” Oya londodha kutya ngele kapu na shoka tashi ningwa po, otashi ka etitha “uukwaathikepamwe wu londe pombanda” notaku ka shunitha pevi “omuthika gwonkalamwenyo yaaniilonga oyendji nosho wo omaukwanegumbo gawo.”

Mbela omapangelo otaga ka vula ngaa okukandula po uupyakadhi mboka nenge ngaa oku wu hwepopaleka?

Ombiimbeli oya popya kombinga yepangelo ndyoka tali vulu notali ka kandula po uupyakadhi mboka wopamahupilo, mwa kwatelwa uukwaathikepamwe. Oya ti kutya “Kalunga komegulu ota ka dhika po oshilongo,” ano epangelo ndyoka tali ka hulitha po omaupyakadhi agehe ngoka ge li kombanda yevi. (Daniel 2:44) Kohi yepangelo ndyoka, kapu na ngoka ta ka dhimbiwa nenge ta ka ethiwa. (Episalomi 9:18) Uukwaniilwa waKalunga otawu ka shilipaleka kutya ayehe mboka ye li kohi yelelo lyawo, oye na shoka ya pumbwa, opo ya kale ya nyanyukwa. Aantu ayehe otaya ka nyanyukilwa iizemo yiilonga yawo yuudhiginini.—Jesaja 65:21, 22.