Tidha po ezaza mokukwathela yalwe — Ombiimbeli otayi ti ngiini?

Aantu oyendji muuyuni otaya si ezaza nokaye na ookuume. Aatseyinawa yiinima yopaunamiti oya itaala kutya okukwathela yalwe oku li omukalo gumwe gwokutidhila ezaza kokule natse.

• Ehangano limwe lyokoAmerika hali ithanwa National Institutes of Health, olya ti: “Okukwathela mboka ye li mompumbwe ohashi ti sha monkalamwenyo yetu nohashi tu kwathele tu kondjithe omaiyuvo gokukala tu uvite tu li otse atuke nenge tu uvite kaatu na ekwatathano nayalwe.”

Ombiimbeli otayi tu pe omayele gopandunge gaashoka tu na okuninga, opo tu ambidhidhe yalwe. Okutula miilonga shoka tayi ti otaku vulu oku tu kwathela tu kondjithe ezaza.

Shoka to vulu okuninga po

Kala ho gandja. Kala ho kongo oompito wu kale pamwe nayalwe, unene tuu moku ke ya talela po komagumbo gawo. Kala wu na ehalo lyoku ya pa sha. Ngele owe shi ningi, otaye ke ku pandula noonkondo, oshinima shoka hashi koleke uukuume.

• Ekotampango lyOmbiimbeli: “Kaleni hamu gandja, opo wo aantu ya kale haye mu pe.” — Lukas 6:38.

Kala ho kwathele yalwe. Tala nkene to vulu okukwathela aantu mboka iinima itaayi ya endele nawa. Shono otashi vulu okukala sha kwatela mo okupulakena kuyo nohenda nenge oku ya ningila sha shoka tashi vulu okupupaleka omitenge dhawo.

• Ekotampango lyOmbiimbeli: “Kuume oku na ohole aluhe, nomumwayina okwa valwa, opo a kwathe moluhepo.” — Omayeletumbulo 17:17.

Opo wu ilonge oshindji kombinga yankene to vulu okukaleka po ekwatathano ewanawa nayalwe, lesha oshitopolwa “Family Life and Friendships.”