Okandjalulamasiku ko 2011 otaku ulike kutya Ekonakono lyUukwanegumbo olya simanenena

Okandjalulamasiku kOonzapo dhaJehova ko 2011 oke na oshipalanyolo Ekonakono lyUukwanegumbo olya simanenena. Omu na omathano gomaukwanegumbo gokunena nogopethimbo lyOmbiimbeli. Omu na wo omathano gaapiya yaJehova mboka ya hokana naamboka inaaya ya mondjokana taya konakona Ombiimbeli.

Mokandjalulamasiku omu ulikwa wo aapiya yaJehova mboka ya li haya vulika kompango ye, shoka sha li she ya kwathele yu ungaunge nomupondo nomashongo ngoka ya li ya taalela. (Eps. 1:2, 3) Ethano kehe otali dhimbulukitha omaukwanegumbo omanene nomashona mwa kwatelwa ngoka iilyo ayihe yi li moshili nenge ga topoka palongelokalunga kutya Ekonakono lyUukwanegumbo olya simanenena. Mpoka pu na omwaka omu na okunyola po esiku moka tamu kala ha mu ningi Ekonakono lyUukwanegumbo weni. Mbela esiku ndyoka omwe li nyola po nale?