Topola nayalwe “iinima iiwanawa” mokuyakula aayenda (Mat. 12:35a, NW)

Atuheni otwa hala shili okutopola nayalwe “iinima iiwanawa” mokulandula omukalo ‘gwokuyakula aayenda.’ (Rom. 12:13) Aakuluntugongalo oya pewa oshinakugwanithwa shokukwatela komeho moshinima shika mokugandja oshimaliwa sholweendo shaapopi aatalelipo nomoku ya pa ehala lyokukala. Ihe nonando ongawo, otashi vulika tse paumwene tu kale itaatu yakula aayenda molwaashoka kaatu na oshindji, nenge molwaashoka tashi vulika tu kale tu na oshimpwiyu unene shokuyakula yalwe momagumbo getu. Ngele otwa dhiladhila kombinga yomayele ngoka Jesus a li a lombwele Marta otashi ke tu kwathela tu vudhe mo omadhiladhilo ga tya ngaaka. (Luk. 10:39-42) Okwa li a tsu omuthindo kutya “ombinga ombwanawa” yokuyakula aayenda okweendathana nayalwe nokutsaathana omukumo, ihe kayi shi ompito yokugandja eitulomo kiikulya nenge kegumbo lyo opala. Ngele otwa tula miilonga omayele ngaka, otatu ka topola “iinima iiwanawa” naamwatate metsokumwe nOohapu dhaKalunga. — 3 Joh. 5-8.