OSHITSA 6

Yelitha nawa kutya omolwashike to longitha enyolo

Johannes 10:33-36

SHOKA WU NA OKUNINGA: Ino lesha owala enyolo e to yi koshitsa sha landula ko. Shilipaleka kutya aapulakeni oye wete nkene enyolo ndyoka wa lesha tali tsu kumwe noshikundathanwa shoye.

NKENE WU NA OKU SHI NINGA:

Tsa omuthindo omautumbulilo ngoka ga simana. Ngele wa lesha enyolo, tsa omuthindo omautumbulilo ngoka ga pamba lelalela oshitsa shoye. Oto vulu oku shi ninga moku ga endulula nenge wu pule aapulakeni omapulo ngoka tage ya kwathele ye ga ndhindhilike mo.

Ngele owa yelitha enyolo niitya yoye mwene, shilipaleka kutya aapulakeni oye wete lela nkene oshikundathanwa shoye tashi tsu kumwe nenyolo ndyoka.
Tsa omuthindo oshitsa shoka wa hala aapulakeni ya dhimbulukwe. Uuna wa lesha enyolo e to popi kutya omolwashike we li lesha, yelitha nkene iitya mbyoka ya simana menyolo ndyoka, tayi ambidhidha etompelo lyoye.

Kala wa pandja Ombiimbeli yoye, sho to yelitha enyolo. Shika ohashi kwathele aapulakeni ya mone nkene shoka to popi sha pambathana novelise ndjoka wa lesha.
Yelitha oshitsa shoye momukalo omupu. Yanda okupopya iinima mbyoka itaayi ambidhidha oshikundathanwa shoye. Ngele aapulakeni oye shi nale oshinima shoka to popi, tala kutya uuyelele wu thike peni wa pumbiwa, opo ya uve ko nawa oshitsa shoka.