OSHITSA 13

Yelithila aapulakeni etulomiilonga

Jesaja 48:17, OB-1954

SHOKA WU NA OKUNINGA: Kwathela aapulakeni yoye ya mone nkene oshikundathanwa shoka sha guma onkalamwenyo yawo. Ya ulukila wo nkene ye na okutula miilonga shoka to ya longo.

NKENE WU NA OKU SHI NINGA:

Kaleka aapulakeni yoye momadhiladhilo. Dhiladhila muule kutya omolwashike ya pumbwa uuyelele mboka to ya pe. Tala wo kutya moshikundathanwa mono, oshike shi li mo lela tashi ya kwathele.
Ulukila aapulakeni shoka ye na okuninga, momukokomoko gwoonkundathana. Okuza petameko, omupulakeni kehe na kale e shi wete nkene uuyelele mboka we mu guma. Sho to popi oshitsa kehe sha simana, ulika nkene aapulakeni ye na oku shi tula miilonga. Ino popya iinima yaa na mutse nandungu.

Sho to kundathana nkene aapulakeni ye na okutula miilonga omakotampango gOmbiimbeli, shi ninga momukalo gwohole nogwolukeno. Shoka to kundathana inashi ya thiga ye uvite ye na ondjo. Pehala lyaashono, ya kwathela ya kale ye na eitaalo lya kola noya kale ye hole Jehova. Kala wu na einekelo kutya oya hala okuninga shoka shu uka momitima dhawo.