OSHITSA 1

Efalomo tali hokitha

Iilonga 17:22

SHOKA WU NA OKUNINGA: Efalomo lyoye nali kale tali pendutha ohokwe. Tala kutya oto ka kundathana kombinga yashike. Kwathela aapulakeni yoye ya mone kutya omolwashike ye na okukala ye shi hokwa.

NKENE WU NA OKU SHI NINGA:

Pendutha ohokwe yomupulakeni. Mu pula epulo tali hokitha, nenge wu mu lombwele oshinima sha ningwa shili, sha popiwa moonkundana nenge oshinima kehe shoka tashi hokitha.

Dhiladhila nawa komeho yethimbo kombinga yiinima mbyoka aapulakeni yoye ye hole nohayi ipula nayo. Tungila efalomo lyoye kiinima mbyoka.
Shoka to ka popya. Shilipaleka kutya efalomo lyoye olya yela nawa nolya kwatela mo oshikundathanwa shoye nosho wo elalakano lyasho.
Ulika nkene oshikundathanwa shoye sha simana kaapulakeni. Shoka to popi nashi kale tashi longo sha aapulakeni yoye. Ngiini mbela? Naya kale ye uvite ko nkene oshikundathanwa shoka tashi vulu oku ya kwathela paumwene.

Sho to ilongekidha oshipopiwa, ipula to ti: ‘Mbela aamwatate naamwameme megongalo lyetu otaya kondjo nomaupyakadhi geni?’ Uuna we shi ningi, tungila efalomo lyoye kwaashoka ya pumbwa.