Pula omapulo

Mateus 16:13-16

SHOKA WU NA OKUNINGA: Longitha omapulo nawa, opo wu penduthe ohokwe momuntu nowu mu inyengithe a kale a hala okupulakena. Pula aapulakeni omapulo wu tompathane nayo, ngoye wu tse omuthindo iitsa ya simana.

NKENE WU NA OKU SHI NINGA:

• Pula omapulo taga pendutha ohokwe yomuntu noku yi kaleka po. Pula aapulakeni omapulo ngoka tage ya kwathele ya dhiladhile noya kale ya hala okutseya oshindji.

• Tompathana nomupulakeni,opo u uve ko nawa oshikundathanwa. Opo omupulakeni u uve ko nawa shoka tamu kundathana, mu pula omapulo ngoka tage mu fala pehulithodhiladhilo li li mondjila.

• Tsa omuthindo iitsa mbyoka ya simana. Pula epulo tali pendutha ohokwe, manga inoo popya oshitsa sha simana. Pula omapulo wu endulule oshitsa sha simana nenge sho to hulitha oonkundathana.