OSHITSA 15

Popya wu na uushili

1 Aatessalonika 1:5

SHOKA WU NA OKUNINGA: Ulika kutya owi itaala lela shoka to popi kutya oshoshili nosha simana.

Ilongekidha nawa. Konakona nawa oshipopiwa shoye sigo wa uvu ko iitsa mbyoka ya simana. Tala wo nkene Ombiimbeli ye shi koleka kutya oyoshili. Kambadhala okupopya iitsa mbyoka ya simana moshipopiwa shoye, to shi ningi paufupi. Gandja eitulomo kunkene tashi vulu okukwathela aapulakeni. Galikana Jehova e ku pe ombepo ondjapuki.

Iyenditha po poshipopiwa shoye to popi muule, opo wu kale wu shi shoka to ka popya nowu shi gandje momukalo omwaanawa.
Longitha iitya mbyoka tayi ulike kutya oto popi oshili. Pehala lyokweendulula uuyelele mboka wa pewa wu li ngaashi wu li, longitha iitya yoye mwene. Longitha omautumbulilo ngoka taga ulike kutya owa tompwa kwaashoka to popi.
Popya wi itula mo notashi zi komutima. Popya newi lya eleka. Ngele momudhingoloko gweni inashi talika ko nayi okupopya to tala aantu kiipala, shi ninga.

Okupopya wu na uushili, itashi ti okupopya kuu na ondjaalela nenge wa fa wu shi iinima ayihe nenge wa fa to thiminike aantu. Nonando oto popi wi itula mo, shi ninga momukalo omwaanawa.