Gandja uuyelele mboka tawu kwathele aapulakeni

1 Aakorinto 9:19-23

SHOKA WU NA OKUNINGA: Ningitha aapulakeni ya dhiladhile kombinga yoshikundathanwa shoye, opo ya vule okukala yu uvite kutya oyi ilonga mo sha sha simana.

NKENE WU NA OKU SHI NINGA:

• Dhiladhila kwaashoka aapulakeni ye shi nale. Pehala lyokweendulula shoka ye shi nale, ya kwathela ya uve ko oshikundathanwa shoye momukalo gwi ili.

• Ninga omapekapeko nokutedhatedha. Mpoka sha pumbiwa, kwatela mo uuyelele wontumba mboka aapulakeni tashi vulika inaaya uva nando onale nenge iiningwanima mbyoka opo ya ningwa, wu yelithe iitsa mbyoka ya simana. Dhiladhila muule kombinga yoshikundathanwa shoye nkene sha pambathana nuuyelele mboka wa hala oku ka longitha.

• Ulika nkene etumwalaka lyoye lya simana. Yelitha nkene Omanyolo taga vulu okukwathela aapulakeni monkalamwenyo yawo esiku kehe. Popya oonkalo dhokondandalunde, iikala nosho wo iinima mbyoka aantu haya ningi yi shiwike kaapulakeni.