Uva ko onkalo yomuntu

Shoka Jesus a li a ningi

OKAVIDIO: Jesus e uvitile ohenda ongundu yaantu

1. Tala OKAVIDIO, nenge wu leshe Markus 6:30-34. Opo ihe to yamukula omapulo taga landula:

1. Omolwashike Jesus nosho wo aayapostoli ye ya li ya hala oku ka kala “kokuma kwaa na aantu”?

2. Oshike sha li sha inyengitha Jesus a uvithile ongundu yaantu?

Oshike tatu ilongo koshiholelwa shaJesus?

2. Ngele otu uvite ko onkalo yaantu ohashi tu inyengitha tu ya kwathele, ihe haku ya uvithila owala.

Holela Jesus

3. Pulakena wi itulamo. Pitika omuntu a popye omaiyuvo ge. Ino mu kwata melaka nenge wu kale ku na ko nasha nomaiyuvo ge, nomaipulo ge nosho wo shoka e li ompinge nasho. Ngele oto pulakene kuye wi itula mo, nena otashi ulike kutya owu na ko nasha naashoka ta ipula nasho.

4. Kala wu na ko nasha nomuntu ngoka e na ohokwe. Sha ikwatelela kwaashoka mwa kundathana, ipula to ti:

1. ‘Omolwashike a pumbwa okuuva oshili?’

2. ‘Ekonakonombiimbeli otali ka hwepopaleka ngiini onkalamwenyo ye ngashingeyi nosho wo monakuyiwa?’

5. Mu pa uuyelele mboka tawu vulu oku mu kwathela moompumbwe dhe. Mu ulukila nziya ngaashi tashi vulika, nkene Ombiimbeli tayi vulu okuyamukula omapulo ge nosho wo nkene tayi vulu oku mu kwathela momikalo tadhi longo.