OSHITSA 10

Popya to lundulula ewi

Omayeletumbulo 8:4, 7

SHOKA WU NA OKUNINGA: Popya iinima ya yela. Popya to lundulula ewi lyoye mokupopila pevi nopombanda, mokulundulula omutono nosho wo ondapo yalyo.

Lundulula ewi lyoye. Popya mokule uuna to tsu omuthindo iitsa ya simana nuuna wa hala okwiinyengitha omitima dhaapulakeni. Ninga wo sha faathana, uuna to lesha omanyolo ngoka taga popi shi na ko nasha nepangulo. Shunitha ewi pevi, wu ningithe aapulakeni ya kale ya hala okuuva shoka to ka tya. Shi ninga wo uuna to popi oshinima shoka tashi tilitha nenge tashi limbilike.

Ino kala to popi mokule unene, opo aapulakeni kaaya kale ye wete wa fa to ya ganda. Opo aantu kaaya kale taya gandja eitulomo unene kungoye, ino lundulula ewi lyoye sha pitilila, ihe popya owala ngaashi ho popi shito.
Lundulula omutono gwewi lyoye. Ngele kashi na omuponga gwasha melaka lyeni, popya mokule nenge to kookolola iitya, wu tse omuthindo shoka to popi. Shunitha pevi ewi lyoye, ngele oto popi oshinima shinikitha oluhodhi nenge tashi kenyaneke.
Lundulula ondapo yewi lyoye. Ngele oto popi oshinima tashi nyanyudha, shi popya nohamu. Ngele oto popi oshitsa sha simana, shi ninga wi itegelela.

Opo kuu tilithe aapulakeni yoye, iyageka okulundulula ewi lyoye to popi wa fa ondjuhwa ya kwatwa pothingo. Ino kala to popi twi igidha, oshoka ewi lyoye otashi vulika li thite, e to kala to hwema.