Ehekeleko

Iiholelwa yopaMbiimbeli mbyoka tayi vulu oku ku kwathela:

• Rut 1:11-13, 20 — Sho Naemi a silwa omusamane gwe noyanamati yaali, okwa li a nika oluhodhi noonkondo noku uvite kutya Jehova okwe mu ekelahi

• Job 3:1, 11, 25, 26; 10:1 — Job okwa li a lulilwa, sho a kanitha iiniwe ye, oyana omulongo naasho a li ta ehama

Omanyolo taga hekeleke:

• Rom 12:19; Jak 1:13

Iiholelwa yopaMbiimbeli mbyoka tayi vulu oku ku hekeleka:

• Rut 1:6, 7, 16-18; 2:2, 19, 20; 3:1; 4:14-16 — Naemi okwa kala ishewe a nyanyukwa, sho a galukile koshigwana shaKalunga, a pewa ekwatho nokukwathela yalwe

• Job 42:7-16; Jak 5:11 — Omolweitaalo, Job okwa li i idhidhimike, na Jehova okwa li e mu laleke nuuyamba

Iiholelwa yopaMbiimbeli mbyoka tayi vulu oku ku kwathela:

• 1Sam 1:6, 7, 10, 13-16 — Hanna okwa li ha kala a lulilwa noonkondo, sho Peninna ha ungaunga naye nayi naasho omuyambimukuluntu, Eli, a li ta dhiladhila kutya okwa kolwa

• Job 8:3-6; 16:1-5; 19:2, 3 — Onkalo yaJob oya li ya nayipala, sho ookuume ke yatatu mboka ye ya oku mu hekeleka ya li ye wete kutya yo aayuuki nokupangula Job

Omanyolo taga hekeleke:

• Eps 37:8, 9; Ef 4:26

Iiholelwa yopaMbiimbeli mbyoka tayi vulu oku ku hekeleka:

• 1Sam 1:9-11, 18 — Konima sho Hanna a mbumbulile Jehova omutima gwe okupitila megalikano, okwa li e uvite a pepelelwa

• Job 42:7, 8, 10, 17 — Konima sho Job a dhimine po ookuume ke yatatu, Jehova okwe mu galulile uundjolowele nosho wo enyanyu lye

Iiholelwa yopaMbiimbeli mbyoka tayi vulu oku ku kwathela:

• 2Aak 22:8-13; 23:1-3 — Omukwaniilwa Josia nosho wo oshigwana sho ya uvu Ompango yaMoses tayi leshwa mokule, oya li ye shi ndhindhilike kutya oye na lela ondjo

• Esra 9:10-15; 10:1-4 — Omuyambi Esra nosho wo oshigwana oya li ye uvite ye na ondjo lela, sho yamwe ya hokana aakulukadhi aakwiilongo, shoka sha li ompinge nehalo lyaJehova

• Luk 22:54-62 — Omuyapostoli Petrus okwa li e uvite e na ondjo lela, sho i idhimbike Jesus iikando itatu

Omanyolo taga hekeleke:

• Eps 32:5; 103:9-14; Jes 1:18; Iil 3:19

• Tala wo omanyolo taga landula: Jes 38:17; Mika 7:18, 19

Iiholelwa yopaMbiimbeli mbyoka tayi vulu oku ku hekeleka:

• 2Ondjal 33:9-13, 15, 16 — Manasse oye gumwe gwomaakwaniilwa yaJuda mboka ya longa iihuna, ihe sho i itedhulula, okwa silwa ohenda

• Luk 15:11-32 — Jesus okwa li a longitha eyele lyomumati a kanene, a ulike nkene Jehova he tu dhimine po thiluthilu nonehalo ewanawa

Iiholelwa yopaMbiimbeli mbyoka tayi vulu oku ku kwathela:

• 2Aak 20:1-3 — Omukwaniilwa Hiskia okwa li a nika oluhodhi noonkondo, sho a kwatwa kuuvu nokwa li e li pokusa

• Fil 2:25-30 — Epafroditus okwa li a gwililwa po noonkondo, sho egongalo lyomuFilippi lya uvu kutya ota ehama nokwa li a tila kutya otali ka dhiladhila kutya okwa ndopa okugwanitha po oshinakugwanithwa she

Omanyolo taga hekeleke:

• Eps 92:12-14; Jes 40:29-31; 46:4; 2Kor 8:12

Iiholelwa yopaMbiimbeli mbyoka tayi vulu oku ku hekeleka:

• 2Sam 17:27-29; 19:31-38 — Omukwaniilwa okwa li a simaneka omukokele Barsillai, nokwe mu pula a ye kuJerusalem. Ihe Barsillai okwa li a tindi oshinakugwanithwa shoka, molwaashoka okwa li e wete kutya ita vulu oku shi gwanitha po, omoluukulupe

• Eps 41:1-3, 12 — Sho omukwaniilwa David a li ta ehamenene, okwa li e shi kutya Jehova ote ke mu kwathela

• Mark 12:41-44 — Jesus okwa li a pandula noonkondo omuselekadhi ohepele, ngoka a li a tula ashihe shoka e na mokaketha komayambidhidho