Kalunga okwe tu shita nelalakano lyashike?

Ombiimbeli otayi ti kutya onkalamwenyo yetu ofupi noyu “udha uupyakadhi.” (Job 14:1) Mbela Kalunga osho a hala tu kale nonkalamwenyo yi li ngawo? Ngele hasho, okwe tu halela onkalamwenyo ya tya ngiini? Shoka u uvaneka otashi ka ningwa ngaa? Natu ka tale komayamukulo taga hekeleke mOmbiimbeli.

1. Jehova okwa hala tu kale nonkalamwenyo ya tya ngiini?

Jehova okwa hala tu kale nonkalamwenyo ombwanawa lela. Sho a shiti aantu yotango, Adam naEva, okwe ya tula moparadisa ombwanawa, ano moshikunino shaEden. “Okwe ya yambeke e ta ti: ‘Valathaneni, ne mu indjipale nokuudha evi alihe. Li tuleni mepangelo lyeni.’” (Genesis 1:28) Jehova okwa li a hala ya mone aanona, ya ninge evi alihe oparadisa noya sile iinamwenyo oshimpwiyu. Okwa li a hala aantu ayehe ya kale ye na uukolele noya kale nomwenyo sigo aluhe.

Nonando onkalamwenyo hasho we yi li ngawo kunena,a elalakano lyaKalunga inali lunduluka. (Jesaja 46:10, 11) Okwa hala natango aantu aavuliki ya kale nomwenyo sigo aluhe, muuyuni kaamu na nando uupyakadhi washa. — Lesha Ehololo 21:3, 4.

2. Ongiini tatu vulu okukala nonkalamwenyo ombwanawa ngashingeyi?

Jehova okwe tu shita tu na ehalo lyokuwilikwa kuye, lyoku mu tseya nolyoku mu longela. (Lesha Mateus 5:3-6.) Okwa hala tu kale tu na uukuume wopothingo naye, tu ‘landule ondjila ye, okukala tu mu hole’ noku mu longela ‘nomutima aguhe.’ (Deuteronomium 10:12; Episalomi 25:14) Ngele otwa ningi ngawo, otatu ka kala twa nyanyukwa shili, nonando otu na omaupyakadhi. Uuna tatu longele Jehova otatu kala nonkalamwenyo ombwanawa, oshoka otatu ihumbata metsokumwe nehalo lye.

3. Jehova okwa hala tu kale nonkalamwenyo ombwanawa

Dhana OKAVIDIO, e tamu kundathana epulo tali landula.

OKAVIDIO: Kalunga okwa li a shiti evi nelalakano lyashike? — Oshitopolwa shokavidio (1:41)

• Omolwashike Kalunga a shiti evi lyo opala?

Lesha Omuuvithi 3:11, e tamu kundathana epulo tali landula:

• Ovelise ndjika otayi tu longo shike kombinga yaJehova?

4. Elalakano lyaJehova inali lunduluka

Lesha Episalomi 37:11, 29 nosho wo Jesaja 55:11, e tamu kundathana epulo tali landula:

• Otu shi shi ngiini kutya shoka Jehova e tu halela inashi lunduluka?

5. Okulongela Jehova ohaku tu ningitha tu kale nonkalamwenyo ombwanawa

OKAVIDIO: Ondi ilongo kutya elalakano lyonkalamwenyo olyashike (5:03)

• Uuwanawa wuni Terumi a mono sho i ilongo kombinga yelalakano lyonkalamwenyo?

Lesha Omuuvithi 12:13, e tamu kundathana epulo tali landula:

• Jehova okwe tu ningila iinima oyindji iiwanawa, ongiini tatu vulu okuulika kutya otwe mu pandula?

OWI ILONGO SHIKE?

Jehova okwa hala tu kale nonkalamwenyo ombwanawa sigo aluhe muuyuni kaamu na nando uupyakadhi washa. Ngele otatu mu longele nomutima aguhe, onkalamwenyo yetu otayi kala ombwanawa ngashingeyi nomonakuyiwa.

Omapulo geendululo

• Jehova okwa li a shiti Adam naEva nelalakano lyashike?

• Otu shi shi ngiini kutya elalakano lyaKalunga li na ko nasha naantu inali lunduluka?

• Ongiini to vulu okukala nonkalamwenyo ombwanawa?

UUYELELE WA GWEDHWA PO

Tala kuuyelele mboka tawu ulike kutya oshikunino shaEden oko sha li shili.

“Oshikunino shaEden ongano nenge oko sha li shili?” (Oshungolangelo, 1 Febuluali 2011)

Ilonga kutya omolwashike tatu vulu okukala nuushili kutya evi otali kala sigo aluhe.

“Mbela evi otali ka hanagulwa po?” (Oshitopolwa shi li kepandja lyetu lyokointaneta)

Konakona shoka Ombiimbeli tayi ti kombinga yaashoka wu na okuninga, opo wu kale nonkalamwenyo ombwanawa.

“Kalunga okwe tu shita nelalakano lyashike?” (Oshitopolwa shi li kepandja lyetu lyokointaneta)

Tala nkene omulumentu gumwe ngoka a li ta dhiladhila kutya oku na kehe shimwe, a dhimbulula kutya opu na sha sha kambela monkalamwenyo ye.

Ngashingeyi onkalamwenyo yandje oyi na eityo (3:55)