Omalongo oge ende taga gwedhelwa

OMUYAPOSTOLI Paulus okwa nyolele Aakriste mboka ya li ko lwopokati kethelemumvo lyotango E.N. a ti: “Kotokeni.” Okwa li ta londodha kombinga yashike? Okwa ti: “Mwaa yulwe nando okomuntu nomalongo guunongo wopantu nomafundjaleko gaa fele. Ogo ogi ikwatelela komithigululwakalo dhaantu.”—Aakolossa 2:8.

Nonando Paulus okwa li a londodha Aakriste pokati kethelemumvo etiyali E.N., yamwe oya tameke okulandula omadhiladhilo gaafilosofi yonale opo ya yelithe iinima mbyoka yi itaala. Omolwashike mbela? Oya li ya hala okutaambiwa ko kaalongwantu yomOshinenelongo shaRoma opo ya vule oku yi itedhululitha.

Justin Martyr, gumwe gwomAakriste aniwa mboka ya tseyika nawa okwa li i itaala kutya omupopiliko gwaKalunga okwa li i iholola nale kaafilosofi Aagreka omanga Jesus inee ya. Justin naamboka ya longo aantu omadhiladhilo ga fa ge oya ti kutya uufilosofi noongano dhUukwakriste odha ningitha opo elongelokalunga ndika li taambiwe ko apuhe.

Omukalo gwaJustin Martyr ogwe shi pondola mokwiitedhululitha aantu ya ninge Aakriste aniwa. Ihe kelongo lye aantu oye ende taya gwedhele ko iinima yimwe, shoka she etitha sigo opomalongo ngoka gi itaalwa kutya ogopaKriste aniwa. Opo tu mone uuyelele washili, natu yelekanithe omalongo ngoka naashoka Ombiimbeli tayi ti.

[Onzo yethano pepandja 3]

Devil: Barrators—Giampolo/The Doré Illustrations For Dante’s Divine Comedy/Dover Publications Inc.; angels: Art Resource, NY; trinity relief: Museo Bardini, Florence