Eendululo lyOsikola yOkudheula Aauvithi

Omapulo taga landula otaga ka kundathanwa pOsikola yOkudheula Aauvithi moshiwike tashi tameke no 25 Febuluali 2013. Esiku moka oshitsa kehe tashi ka kundathanwa nalyo olya tulwa po wu vule okuninga omapekapeko sho to ilongekidhile osikola oshiwike kehe.

1. Omolwashike Jesus a ti kutya aanelago oomboka “ya nika uuthigwa koomwenyo”? (Mat. 5:4) [7 Jan., w09 2/1 ep. 5 okat. 6]

2. Moshiholelwa shegalikano ndyoka Jesus a longa aalongwa ye, okwa li a hala okutya shike sho a ti: “Ino tu fala mehongololo”? (Mat. 6:13) [7 Jan., w04 2/1 ep. 26 okat. 13]

3. Omolwashike Jesus a ti kutya aalongwa ye itaya ka mana iilonga yokuuvitha moshitopolwa shawo “sigo Omuna gwOmuntu te ya”? (Mat. 10:23) [14 Jan., w10 9/1 ep. 12 okat. 12]

4. Eudhi lyaJesus li na ko nasha nomuma yosinapi otali tsu omuthindo iinima iyali yini? (Mat. 13:31, 32) [21 Jan., w08 7/1 ep. 25-27 okat. 3-8]

5. “Omazimo gaIsraeli omulongo nagaali” ngoka taga ka pangulwa otaga thaneke shike? (Mat. 19:28) [28 Jan., w08 1/1 ep. 22 okat. 1]

6. Judas okwa li i itedhulula nenge i iyele ombedhi shi na ko nasha nashike? (Mat. 27:3-5) [11 Feb., w08 1/1 ep. 23]

7. Omolwashike Jesus ti ithanwa ‘omuwa gwEsabati’? (Mark. 2:27) [18 Feb., w08 2/1 ep. 30 okat. 7]

8. Omolwashike Jesus a li i inyenga ngaashi sha popiwa moohapu dhe ndhoka dhi na ko nasha nayina nosho wo naamwayina, notashi tu longo shike? (Mark. 3:31-35) [18 Feb., w08 2/1 ep. 31 okat. 5]

9. Ngaashi sha popiwa muMarkus 8:22-25, omolwashike tashi vulika Jesus a li a tsikulula omulumentu omuposi kashona nakashona, notatu ilongo mo shike moshinima shika? [25 Feb., w00 3/1 ep. 9 okat. 7]

10. Oshike twi ilongo momukalo moka Jesus a li i inyenge sho a gandwa kuPetrus ngaashi sha popiwa muMarkus 8:32-34? [25 Feb., w08 2/1 ep. 31-32 okat. 6]