Dheula aakonakonimbiimbeli ya tsikile okulongela Jehova nuudhiginini

Aauvithi aape mboka ya dheulwa ya kale haya kutha aluhe ombinga muukalele nohaye shi ningi nuulaadhi, olundji ohaya ka ninga aauvithi ya pyokoka. (Omayel 22:6; Fil 3:16) Iinima yimwe mbyoka to vulu okuninga, opo wu kwathele omukonakonimbiimbeli gwoye a kale a pyokoka muukalele, ongaashi:

• Konima ngele a ningi omuuvithi inaa ninginithwa, tameka nziya oku mu dheula. (km 8/15 ep. 1) Mu lombwela kutya omolwashike sha simana a kale ha yi muukalele oshiwike kehe. (Fil 1:10) Ino popya iinima tayi mu teya omukumo kombinga yoshitopolwa moka hamu longele. (Fil 4:8) Mu ladhipika a kale ha longo pamwe nomutonateli gwongundu yeni nonaauvithi yalwe, opo i ilonge sha kontseyo yawo nokuunongo wawo. — Omayel 1:5; km 10/12 ep. 6, okat. 3

  

• Konima ngele omukonakoni gwoye a ninginithwa, ino etha oku mu ladhipika noku mu dheula muukalele, unene tuu ngele ina mana ko natango embo ‘Ikalekeni mohole yaKalunga.’ — km 12/13 ep. 7

  

• Longitha efalomo epu, uuna to longo nomuuvithi omupe muukalele. Konima yokupulakena kefalomo lye, mu pandula. Mu pa wo omaetopo ngoka tage mu kwathele a kale omuuvithi a pyokoka muukalele. — km 5/10 ep. 7