Salmu
Ncipo na Owelano. Salmu a Tavite.
122 Kaahihakalala vaavaa kaaleeliwaaka wi:
“Hankooni niye o empa ya Yehova.”
2 Nave vano inaani sahu siri mpuwa
Mwa milako saa mitokweene, weyo Yerusalemu.
3 Yerusalemu aatekiwe ntoko
Epooma yookhiceleya ni yawiiwanana.
4 Mahimo annawela eyaaka weiwo,
Mahimo a Yehova,*
Mwawiiwanana ni nlamulo aavahiwe Isarayeli,
Wi yathamalele nsina na Yehova.
5 Tiwi, ti weiwo saatikitheryiwewo minyukhu ntakhara othoriha,
Minyukhu sa echoko ya Tavite.
6 Mvekeleke ntakhara murecele wa Yerusalemu.
Weyo epooma, yaale anoosivela anamukhala ookhapeleleya.
7 Otitelele okhalamo murecele mpuwa mwa ixiri saa,
Okhapeleleya mpuwa mwa miconco saa soolipihiwa.
8 Wa nthowa na asinnaka ni wa asinthamwene aka, kinamuloca kiriki:
“Okhalevo murecele variyari vaa weyo epooma.”
9 Wa nthowa na empa ya Yehova, Muluku ahu,
Kinahaala waavyaka okhala waa phaama.