SALMU

1 Oohakalala muchu yoowo ohineeca mwawiiwanana ni miruku sa achu oonanara murima,

Ohinanyikala mu ephiro ya alipa oocheka,

Naari mano ohinakiraathi nnikhuuru na* alipa oonyemula.

 2 Nto owo onnahakalala ni nlamulo na Yehova,

Nave onnaalakhanya nlamulo Nawe ni masu avathivathi* othana ni ohiyu.

 3 Owo onarwa akhala ntoko mwiri waaliwe museresere mwa maahi,

Mwiri yoowo onavaha sawiima mu elukuluku aya,

Nave makukhu aya ahinanyaala.

 4 Achu oonanara murima hari hiiha;

Awo ari ntoko manaxi* anavavihiwa ni echeku.

 5 Mwawiihiiha, achu oonanara murima herwa yeemela vamulacuni,

Naari mano achu oocheka va muloko wa achu awookololowa murima.

 6 Tiwi, Yehova oosuwela ephiro ya achu awookololowa murima,

Nto ephiro ya achu oonanara murima enamurimeela.

2 Nthowa taani maloko anuukhuwaaya

Nave achu anuupuwelelani* ichu satheru?

 2 Mamwene a veelaponi yavathi anniirehererya

Nave alamuleli annathukumana vamoha*

Wi ewane ni Yehova vamoha ni oothanliwa awe.*

 3 Awo annaloca: “Hankooni niitaphule wa ikurenti sawe

Nave nrihe mikoi sawe!

 4 Yoole orino munyukhu awe wirimu onamutheya;

Yehova onamwaanyemula yaawo.

 5 Mu elukuluku yeeyo owo onarwa aloca ni yaawo mu esara awe,

Nave onarwa awoopopiha mu esara awe yoovarela;

 6 Owo onarwa aloca: “Yoomi ene koomutikitherya mwene aka

O Siyoni, mwaako aka waweela.”

 7 Kinamulaleya nlamulo na Yehova;

Owo ookileela: “Weyo wa mwanaka;

Olelo miyo kookhala tiithi aa.

 8 Okiveke, nave kinamoovaha maloko ntoko yoohiyeryiwa aa

Kinamoovaha elapo yoothene wi ekhale yawaa.

 9 Weyo onarwa waapwexa ni ekopo yoomwene ya muthipo,

Nave onarwa waanyaanya ntoko epiya* ya oloko.”

10 Vano nyuwo mamwene, mooniherye miruku;

Mweemererye olaka,* nyuwo alipa oothoriha a veelaponi.

11 Mmurumeeleke Yehova ni woova,

Nave muhakalaleke muthukumelaka.

12 Mmucicimihe* mwaana, wi Muluku* ahisarasareye

Nave nyuwo muhikhwe mphironi,

Woona wi esara Awe ennavarela mwawaakuveya.

 3 Nto nyuwo Yehova, mwa eyaakiho voorukurerya vaka,

Ncicimiho naka ni Yoole onaviiha muru aka.

 4 Kinammwiichana Yehova,

Nave owo onamukaakhula va mwaako awe waweela. (Selaha)

 5 Kinarwa kikona ni orupelavo,

Nave kinamvinya mookhapeleleya,

Woona wi Yehova onnatitelela okikhaviherya.

 6 Nkinawoova achu macikhwi macikhweene

Yaawo anakirukurerya mmakupa oothene.

Tiwi, munarwa mwaamana amwiicani aka oothene waapweto;

Munarwa mpwexa miino aachu oonanara murima.

 3 Suwelani wi Yehova onarwa amukhaliha mmukhalelo wavameekhaaya yoole ori oororomeleya wa yoowo;*

Yehova onarwa iiwa vaavaa kineeraaka kimwiichane.

 5 Mvaheke mikucho mwawookololowa,

Nave mmuroromeleke Yehova.

 7 Moosareiha murima aka ni ohakalala otokweene

Opwaha ohakalala wa yaale arino soolya sincipale ni eviinyu evyaani yawaaca.

 8 Kinamukona nave kinamurupa mmureceleni,

Woona wi pahiru nyuwo, khwoo Yehova, munnakeeriha okhala mookhapeleleya.

5 Khwoo Yehova, mwiiwe masu aka;

Muwiriyane phaama wuupulela waka.

 2 Nwiriyane okhuwela waka ntakhara nikhaviheryo,

Khwoo Mwene aka ni Muluku aka, woona wi kinavekela wa nyuwo.

 3 Khwoo Yehova, wooxiixelo munarwa mwiiwa nsu naka;

Wooxiixelo kinarwa kiloca wa nyuwo sa wuukhuwa waka nave kinarwa kiwehererya moopixa murima.

 4 Tiwi, nyuwo hamuri Muluku onasiveliwano ni yoonanara;

Haavo oonanara murima oni awerye otitelela okhala ni nyuwo.

Munnawiica amutakhali oothene;

 6 Munarwa mwaatoloxa yaale analoca sawootha.

 7 Nto miyo kinarwa kivolowa mpa mwanyu wanthowa na osivela wanyu woororomeleya otokweene;

Kinarwa kikokhora kiwehaka empa anyu yaweela* ni woova wa ncicimiho ntakhara nyuwo.

 8 Khwoo Yehova, mukihoolele mu wookololowa wanyu wanthowa na amwiicani aka;

Murehererye ephiro anyu ntakhara miyo.

 9 Tiwi, hiyaavo awo analocaaya enaphwanela ororomeliwa;

Mmurimani mwaya orimo pahiru otakhala;

Mmilo aya mahiye oohuleya;

Ni nlumi naya, awo annathamalela moowoka.*

10 Nto Muluku onamwaathoriha yaawo;

Apalanu aya ene ananwuuwiha.

Awo ekhoociwe wanthowa na soocheka saya sincipale,

Woona wi awo ahoomwaryeelaani.

11 Nto oothene yaale anachawela wa nyuwo enarwa ehakalala;

Ilukuluku soothene enarwa ekhuwela moohakalala.

Nyuwo munarwa mwaakhapelela,*

Nave oothene yaale anasivela nsina nanyu enarwa ehakalala mwa nyuwo.

12 Tiwi, munarwa mwaareeliha awookololowa murima, khwoo Yehova;

Nyuwo munarwa mwaakhuneela* ni weemereryiwa, ntoko ni eyaakiho etokweene.

6 Khwoo Yehova, muhikisamele mu esara anyu,

Nave muhikilake mu owali anyu.

 3 Aa, okumi aka wootepa wuukhuwaxa;

Nave kinnookohaani nyuwo, khwoo Yehova: Ophiyerya liini eneeraaya ekhale hiiha?

 4 Mukooke, khwoo Yehova, nave mukoopole;*

Mukivuluxe wanthowa na osivela wanyu woororomeleya.

 5 Tiwi, mookhwani haavo onawuupuwelaani nyuwo;

Mmahiye,* taani oni oocicimiheeni?

 6 Kiri oovelavela wanthowa na wuupulelaxa;

Ohiyu woothene kinnanaaniha ekaama aka ni miithori;*

Kinakonaakavo kinnasareihavo ni miithori.

 7 Miitho aka ari ooceecheya wanthowa na othanana waka;

Hanoona phaama* wanthowa na oothene yaale anakihooxa.

 8 Mukivinyeryevo oothene nyuwo muneera sootakhala,

Woona wi Yehova onamwiiwa winla waka.

 9 Yehova onarwa iiwa oveka waka mahala;

Yehova onamweemererya nivekelo naka.

10 Amwiicani aka oothene anamuulihiwa muru nave anamuceecheya;

Mwawaakuveya, anamukookela muculi, yuulihen’ye muru.

 2 Mwaaheerano, awo anamukimwasanya* ntoko amwaco,

Ekiphare ahikhanlevo ookoopola.

 3 Khwoo Yehova Muluku aka, waakhanle wi koohesa hiihaa,

Waakhanle wi koheera echu moohookololowa,

 4 Waakhanle wi koomweerela yoonanara yoole okeerenle yaphaama,

Naari waakhanle wi koomwaakha mwiicani aka ichu sawe ohirivo nthowa,*

 5 Vanonto mwiicani aka akiikare nave akiphwanye,*

Anyikalele vathi okumi aka

Nave eerihe wi ncicimiho naka ncakanele vanchupini. (Selaha)

 6 Vinyani mu esara anyu, khwoo Yehova;

Muwane ni amwiicani aka yaawo ari oonyeenyeya;

Vinyani wi mukikhaviherye, nave mweerihe wi opakiwe wookololowa.

 7 Maloko a achu yoorukureryeeni;

Nave nyuwo, ovinyerya o munyukhu anyu, munarwa mwaathoriha yaawo.

Mukithorihe, khwoo Yehova, mwawiiwanana ni wookololowa waka

Nave mwawiiwanana ni ororomeleya waka.

 9 Khwoo, mmalihe saweera soonanara sa achu ootakhala,

Nto mwaatikitherye awookololowa murima; tiwi nyuwo mwa Muluku awookololowa, munaalikhela murima ni miyoonelo sawiiseelaxa.*

11 Muluku muthoriha awookololowa;

Muluku onnalaleya othoriha* wawe mahiku oothene.

12 Wakhala wi muchu hanacharuwa, owo onnanola nlema nawe;

Owo onnareya munra awe nave onnarehererya.

13 Owo onnarehererya mavaka awe awiipha;

Owo onnarehererya mavaka awe oovarela.

14 Mmoone yoole onatannya sootakhala;

Owo onnarupala makacamiho nave onnayara sawootha.

15 Owo onnakaca nlici nave onniixiha;

Nto onnamorela mu nlici nene nenlo othimpeiye.

16 Makacamiho owo onatannyeiye enarwa ekookela vamuru vawe;

Nlala nawe nnarwa nimorela vamuruni vawe.

17 Kinarwa kimucicimiha Yehova wa nthowa na wookololowa wawe;

Kinarwa kiipa macipo oocicimihano* nsina na Yehova, Awiirimurimu.

8 Khwoo Yehova, Apwiya ahu, nsina nanyu ntokweene veelaponi yoothene yavathi;

Moohela ovuwa wanyu ophiyerya osulu wa irimu!*

 2 Mwaano mwa anamwane ni mwa makwiya mootikitheryamo ikuru

Wa nthowa na amwiicani anyu,

Wi mummaalihe mwiicani ni mulipa awuunla ikuhu.

 3 Kaavareryaka erimu, muteko wa ikatha sanyu,

Mweeri ni itheneeri mpankaanyu,

 4 Muchu pahi tiheeni wi nyuwaano munamuupuwela,

Ni mwaana a muchu wi munamuthokororya yoowo?

 5 Nyuwo moomuyeviha yoowo waapwaha ankeelo,*

Nave moonwariha ovuwa ni ncicimiho.

 6 Momvaha owerya wa olamulela miteko sa matata anyu;

Mookuha soothene vathi va inaani sawe:

 7 Ipucepuche soothene, ipuri ni imope,

Nave tho ni axinama a mutakhwani,

 8 Ipalame soosulu ni ihopa sa mphareya,

Soothene seiho sineekha mphareya.

9 Khwoo Yehova, kinarwa koocicimihaani ni murima aka woothene;

Kinarwa kiloca miteko sanyu soothene sootikhiniha.

 2 Kinarwa kichapa ni ohakalala mwa nyuwo;

Kinarwa kiipa macipo oocicimihano* nsina nanyu, khwoo Awiirimurimu.

 3 Vaavaa amwiicani aka aneeraaya ekookele oculi,

Awo anamukwaculiwa nave anamukhwa vamiithoni vanyu.

 4 Tiwi nyuwo munnakaakiha nave munnaakiha mulacu aka;

Munnakiraathi va munyukhu anyu, muthorihaka mwawookololowa.

 5 Moosamela maloko nave mohaatoloxa achu oonanara murima

Muxipiha masina aya okhala wookhala.

 6 Amwiicani aatholowa emala;

Moophola ipooma saya,

Nave wuupuweleliwa waya woothene onamucakanela.

 7 Nto Yehova ori va munyukhu awe okhala wookhala;

Owo ootikitherya moolipa munyukhu awe ntakhara ekhaikhai.

 8 Owo onarwa athoriha elapo yavathi mwawookololowa;

Onarwa alaleya mathowa awookololowa ntakhara maloko.

 9 Yehova onarwa akhala nipuro noochawelavo nookhapeleleya* wa oohooxiwa,

Nipuro noochawelavo nookhapeleleya mu ilukuluku sa sawuukhula.

10 Yaale esuwenle nsina nanyu enarwa yoororomelaani;

Himurwa mwaanyanyala yaale anawaavyaani, khwoo Yehova.

11 Mmwiipele Yehova macipo, yoowo onakhala o Siyoni;

Mwaasuwelihe achu miteko sawe.

12 Tiwi Yoole onanla ikuhu wa nthowa na nikhami na oohooxiwa onanwuupuwela yaawo;

Owo hani acuwale winla waya.

13 Mukooniherye mahala, khwoo Yehova; moone ohooxiwa waka, yoowo otannyiwe ni yaawo anakiica,

Nyuwo munakiviiha mmilako mitokweene sa okhwa,

14 Wi kilaleye miteko sanyu soocicimiheya mmilako mitokweene sa mwaana mwaamuthiyana o Siyoni

Nave kihakalale ni miteko sanyu sa ovuluxa.

15 Maloko aamorela mu nlici nenlo athimpaaya;

Nnaani naya nooheiwa va mulapa yaaren’yaaya.

Aweera soonanara aaheiwa ni muteko wa matata aya

Hikayoni.* (Selaha)

17 Oonanara murima enarwa ecimula eyaaka o Mahiye,*

Maloko oothene yaawo anamucuwala Muluku.

18 Nto oohaawa herwa ecuwaliwa mahiku oothene,

Nave ewehereryo ya achu awiichacala herwa emala.

20 Mwaasareihe yaawo ni woova, khwoo Yehova;

Maloko esuwele wi awo ari pahiru achu anakhwa. (Selaha)

 2 Mwawiisoona, yoole ori oonanara murima onnamwiikara oohasuwa,

Nto owo onamuheiwa ni muraakho onarehereryeiye.

 3 Tiwi yoole ori oonanara murima onniirumiha ni soochuna sa yoowo mwaneene*

Nave onnamureeliha muchu a nrima;*

נ [Nuni]

Owo hanamucicimiha Yehova.

 4 Mwawiisoona, yoole ori oonanara murima hanatholathola echu;

Muupuwelo awe woothene ti ola: “Haawowo Muluku.”

 5 Iphiro sawe sinnatitelela omweecela phaama,

Nto othoriha wanyu onnapwaha wiiwexexa wawe;

Owo onnaanyemula* amwiicani awe oothene.

 6 Owo onnaloca mmurimani mwawe: “Nkirwa kicikinyeyaru;*

Wa muyareriwo ti muyareriwo

Nkirwa kihooxeya ni epahu.”

 7 Mwaano mwawe woosareyamo wuulumela, wootha ni woopopiha;

Vathi va nlumi nawe wookhalavo makacamiho ni otakhala.

 8 Owo onniipitha waacamela mmiceche;

Va nipuro oniipitheiyevo onnamwiipha muchu ahirino nthowa.

10 Oohooxiwa onnanyaanyiwa nave onnavonyeriwa vathi;

Oothanana onnamorela mmatani mwawe.

Yoole ohirino oomukhaviherya onnaya wa nyuwo;

Nyuwo mwa mukhaviheryi a ekwaasuni.*

15 Muntake nwono wa muchu oonanara murima ni ootakhala,

Wi mwaawaavyaka otakhala wawe,

Muhiphwanyeru.

18 Munanweerela wookololowa ikwaasuni ni achu oohooxiwa,

Wi muchu a veelaponi yavathi ahirweru awoopopihe.

 2 Woone mukhalelo achu oonanara murima anookolaaya munra;

Awo annahela nivaka naya va mukoini,

Wi mweepiiphini, yaavonyerye yaale ari awookololowa murima.

 3 Vaavaa mathipelo* anamwaryiwaaya,

Awookololowa murima eni yeere eheeni?”

 5 Yehova onnawaalikhela awookololowa murima ni oonanara murima,

Owo* onnamwiica yoole onasivela nlala.

 6 Wa achu oonanara murima owo onamwaarupihela miraakho;*

Mooro, enxofre ni echeku yooviha tari makupa awo anahaalaaya waakhela.*

12 Mukivuluxe, khwoo Yehova woona wi haavo tho muchu oororomeleya;

Achu oororomeleya aacakanela variyari va achu.

 2 Awo annaloca sawootha wa mukina ni mukhwaawe,

Annaloca ni iyano inathamalela moowoka* vamoha ni murima woohuweliha.*

 3 Yehova onamukwasa iyano inathamalela moowoka

Vamoha ni nlumi nenlo nniirumiha,

 4 Yaawo analoca eriki: “Nnarwa nivootha nnikhaviheryo na nlumi nahu.

Ninnapharihela iyano sahu ntoko nnachunelaahu;

Taani ori pwiya wa hiyo?”

 5 Yehova ooloca: “Wa nthowa na ohooxiwa wa oothoiwa,

Wa nthowa na wuupulela wa oohaawa,

Miyaano kinamvinya ni weeravo echu.

 6 Masu a Yehova taweela;

Ari ntoko eparata erehereryiwe mu efornu ya* oloko,* yaweelihiwa ikwaha thanu napiili.

 7 Munamwaakhapelela yaawo, khwoo Yehova;

Munarwa mmwaakiha mmoha ti mmoha a yaawo wa muyareriwo yoola okhala wookhala.

 8 Oonanara murima anneeca makupa oothene mootaphuwa,

Ntakhara anamwane a achu annacicimiherya yeeyo eri yootakhalaxa.

 2 Ophiyerya liini kineeraaka kikhaleno* wuukhuwa ni sawuukhula,

Vamoha ni othanana mmurimani mwaka mahiku oothene?

Mvahe omwaleela miitho aka, wi kihirupele mookhwani,

 4 Wi mwiicani aka ahiloce ariki: “Miyaano koomvootha!”

 5 Nto miyo, kinaroromela osivela wanyu woororomeleya;

Murima aka onarwa ohakalala ni saweera sanyu sa ovuluxa.

Saweera sawe ti sootakhala, nave meecelo awe toothanyeya;

Haavo oneera yaphaama.

 2 Nto Yehova onnaweha vathi, ovinyerya wirimu, wi aavarerye anamwane a achu,

Wi oone waakhanle wi ookhalavo muchu orino wiiwexexa,* waakhanle wi ookhalavo muchu onamwaavya Yehova.

 3 Oothene aahuwela;

Oothene tootakhala.

 5 Nto awo anamusareya ni woova otokweene,

Woona wi Yehova ori ni muyareriwo wa achu awookololowa murima.

 6 Nyuwo achu oonanara murima, munneererya owaakanyerya apalanu a muchu oohaawa,

Nto Yehova ti nchawelo nawe.

Vaavaa Yehova oneereiye akookihe muloko awe wookapuroni,

Yakopo achape, Isarayeli ahakalale.

 2 Ti yoole oneeca moororomeleya,*

Oneera yeeyo eri yaphaama

Nave onaloca eparipari mmurimani mwawe.

 3 Owo hanootha ni nlumi nawe,

Hanamweerela yoonanara mwaacamani awe,

Nave hanaanyemula* asinthamwene awe.

 4 Owo onnamwiica yoole ori oothanyeya,

Nto onnaacicimiha yaale anamoova Yehova.

 3 Nave aweela eri veelaponi yavathi,

Yaale anaphwanela ocicimihiwa, annakihakalaliha vancipale.”

Nkirwa kiyeeha mikucho saya sa nikhami,

Nave iyano saka hisirwa siromola masina aya.*

 6 Miyaano koophimeliwa mapuro aphaama,

Aa, kiri oohakalala ni yoohiyeryiwa aka.

10 Tiwi himurwa mukihiya* Mmahiye*

Himweemererya wi oororomeleya anyu oone nlici.*

Vamiithoni vanyu* wookhalavo ohakalala wawaaca;

Ohakalala* ori omoono anyu woolopwana okhala wookhala.

17 Khwoo Yehova, mwiiwe yooveka aka ntakhara ekhaikhai;

Wiriyanani okhuwela waka ntakhara nikhaviheryo;

Mwiiwe nivekelo naka kinapakaaka moohiwoka.

 2 Mpake yoolakelela yawookololowa ntakhara miyo;

Miitho anyu yoone yeeyo eri yawookololowa.

 3 Moovareryela murima aka, mookaalikhela ohiyu;

Nyuwo mookirehererya,

Munamoona wi nkuupuwelenle weera echu yoonanara,

Nave eyano aka hechenkeru.

 4 Vooloca sa miteko sa achu,

Mwawiiwanana ni masu a mwaano mwanyu, kinnasepa iphiro sa achu a nlala.*

 5 Meecelo aka etitelele mu iphiro sanyu

Wi manaani aka ehikwaculiwe.

 7 Mooniherye osivela wanyu woororomeleya mmukhalelo wootikhiniha,

Khwoo Mvuluxa a yaale anaavya okhapeleleya omoono anyu woolopwana

Yaachawaka yaale anoorukunuwelaani nyuwo.

 8 Mukikhapelele ntoko erukuruku ya miitho anyu;

Mukiipithihe mmuuruxi wa makuphelo anyu.

 9 Mukikhapelele wa achu oonanara murima yaawo anakihiphela,

Wa amwiicani aka awiipha* yaawo anakirukurerya.

10 Awo tawuuma murima,*

Ni eyano aya annaloca mwawiirumiha;

11 Vano awo annanrukurerya;

Annaavya ekari wi enimorihe.*

13 Vinyani, khwoo Yehova, wi muwaneno ni mmuuwihe;

Mukoopele* ni nlema nanyu, wa yoole ori oonanara murima;

14 Mukoopole ni ntata nanyu, khwoo Yehova,

Wa achu a elapo yeela,* yaawo nikupa naya nri mu okumi yoola,

Yaawo munaasareihaanyu ni ichu sanyu saphaama munavahereryaanyu

Nave anaahiyerya anamwane aya ancipale yoohiyeryiwa.

15 Nto wa miyaano, kinarwa koona ethoi anyu mwawookololowa;

Kinnaakhwaneliwa kaavinyaka vamiithoni vanyu.*

Muluku aka ti mwala aka, yoowo kinachawelaakawo;

Owo eyaakiho aka ni mvuluxa aka akuru,* nipuro naka noochawelavo nookhapeleleya.*

 3 Kinnamwiichana Yehova, yoowo ori oophwanela ovuwihiwa,

Nave kinarwa kivuluxiwa wa amwiicani aka.

 4 Mikoi sa okhwa saakirukurerya;

Ntoko maahi awoopiha, achu ancipale ootakhala yaanakoopopiha.

 5 Mikoi sa Mahiye* sookirukurerya;

Miraakho sa okhwa sookiphwanya.

 6 Mu wuukhuwa waka kaamwiichana Yehova,

Kaakhuwela wa Muluku aka ntakhara nikhaviheryo.

Orweela o empa awe owo aahiiwa nsu naka,

Nave okhuwela waka ntakhara nikhaviheryo waaphiya owaruni wawe.

 7 Mwawiihiiha, elapo yavathi yaapacerya ocikinyeya ni othukumela;

Mathipelo a miyaako yaacikinyeya

Nave yaathukumela, woona wi owo aanyeenyeya.

 8 Mphulani mwawe waakhumamo mwiixi,

Nave mwaano mwawe waakhumamo mooro wootoloxa;

Mwa yoowo yaakhumamo makhala oovarela.

 9 Owo aahuuramiha erimu nave akhuruwa;

Nave vathi va inaani sawe yaakhalavo epiiphi yooriipa phii.

10 Owo aaruule avavaka, anwenle kerupi;

Owo aaruule mwawaakuveya awenle va muuphelo a munkeelo.*

11 Mwawiihiiha, owo aahiihuruwela ni epiiphi;

Ntoko nipuro nawiipithavo, voorukurerya vawe voothevene,

Yaakhalavo maahi ooripa ni mahuruku ooripa.

12 Orweela wa waarya wa vamiithoni vawe,

Yaakhuma maralala ni makhala a mooro variyari va meeku.

13 Voocharela, Yehova aapacerya woopa itari wirimu;

Awiirimurimu aaheeriha nsu nawe wiiweya

Ni maluku a maralala vamoha ni makhala a mooro.

14 Owo aavonya mavaka awe nave aamwaramwaxa;

Owo aaverunya nave awaakanyerya.

15 Vathi va mihice* waanooneyavo;

Mathipelo a elapo yavathi yaakhuruwa wa nthowa na osamela wanyu, khwoo Yehova,

Moorweela wa nwiya wakuru onakhuma mphulani mwanyu.

16 Orweela wiirimurimu owo aahookola ntata;

Owo aahikiphara nave akiviihamo mmaahini awiixa.

17 Owo aakoopola wa mwiicani aka akuru,

Wa yaale yaakiica, yaawo yaari akuruxa okipwaha miyaano.

18 Awo yaakiphwanya mu nihiku na epahu aka,

Nto Yehova taari mukhaviheryi aka.

19 Owo aakikeriha mu nipuro nookhapeleleya;*

Owo aakoopola woona wi aanahakalala ni miyaano.

20 Yehova onnakichuwela mwawiiwanana ni wookololowa waka;

Owo onnakikookiherya mwawiiwanana ni ohikhalano nthowa* wa matata aka.

21 Tiwi kinnakhapelela iphiro sa Yehova,

Nave nkipanke yoonanara ya omunyanyala Muluku aka.

22 Mathoriheryo awe oothene ari vamiithoni vaka;

Nkirwa kihiya malamulo awe.

23 Kinamutitelela ohikhalano nthowa vamiithoni vawe,

Nave kinamutitelela wiikhapelela wa yoohesa.

24 Yehova akichuwele mwawiiwanana ni wookololowa waka,

Mwawiiwanana ni ohikhalano nthowa wa matata aka vamiithoni vawe.

25 Ni muchu ororomeleya, nyuwo munneerano ichu moororomeleya;

Muchu oohikhalano nthowa, munnamukhaliha moohikhalano nthowa;

26 Ni muchu aweela murima, nyuwaano munnooniherya okhala aweela murima;

Nto ni muchu ootakhala munnooniherya okhala oovyaka.

27 Tiwi munnaavuluxa awiiyeviha,*

Nto munnaayeviha awiirumiha.*

28 Woona wi ti nyuwaano munapariha epanthi aka, khwoo Yehova,

Muluku aka yoowo onamwaleela epiiphi aka.

29 Nnikhaviheryo nanyu kinanwerya ohiphela nikhuuru na alipa oohuhula;

Ni ikuru sa Muluku kinanwerya owela exiri.

30 Ephiro ya Muluku eeparipari, ti yoophaameya;

Masu a Yehova taweela.*

32 Muluku eeparipari ti yoowo onakiwariha ikuru,

Owo onamweeriha ephiro aka okhala yoophaameya.

33 Owo onneeriha inaani saka okhala ntoko sa naahe

Nave onnakeemexa mmapuro oocukhuwa.

34 Owo onnavyakiha matata aka ntakhara ekhoco;

Miwono saka sinanwerya ovonya munra wa muchove.

35 Nyuwaano munnakivaha naakiho nanyu na ovuluxa,

Ntata nanyu noolopwana ninnakikhapelela,*

Nave wiiyeviha wanyu onnakinnuwiha.

36 Munnannuwiha ephiro ntakhara meecelo aka;

Inaani* saka hirwa iserekuwa.

37 Kinarwa kiwiikara amwiicani aka ni waaphwanya yaawo;

Nkirwa kikooka ophiyerya kaatolonxe.

38 Kinamwaanyaanya ophiyerya wi awo hewerya ovinya;

Awo anamuuwela vathi va inaani saka.

39 Nyuwo munarwa mukiwariha ikuru ntakhara mukhico;

Munarwa mweeriha wi amwiicani aka yuuwe vamiithoni vaka.

40 Nyuwo munamweeriha wi amwiicani aka echawe vamiithoni vaka,*

Nave kinamwaatoloxa* yaale anakiica.

41 Awo annakhuwela ntakhara nikhaviheryo, nto haavo awaavuluxa;

Ophiyerya tho wi annakhuwela wa Yehova, nto owo hanawaakhula.

42 Kinarwa kaachupula ntoko nchupi nnavavihiwa ni echeku;

Kinarwa kaavonya ntoko ncokwi na mmiphironi.

44 Wiiwaru pahi vooloca sa miyo, awo anamukiiwelelaka;

Achu a ilapo ikina* anamurwa wa miyo esaren’ye woova.

45 Achu a ilapo ikina anamuyeleela olipa murima;*

Anamukhuma ethukumelaka mmapuro aya oolipihiwa.

47 Muluku eeparipari onninla ikuhu wa nthowa naka;

Owo onnakinnyererya maloko wi kilamuleleke.

48 Nyuwo munnakivuluxa wa amwiicani aka oonyeenyeya;

Munnakikeriha osuluxa wa yaale anakihiphela;

Munnakivuluxa wa muchu a nlala.

49 Ti nthowa nene kineeraaka koovuwiheeni variyari va maloko, khwoo Yehova,

Nave kinarwa kiipa macipo oocicimihano* nsina nanyu.

50 Owo onnapaka miteko mitokotoko sa ovuluxa* ntakhara mwene awe;

Onnooniherya osivela woororomeleya wa oothanliwa awe,

Wa Tavite ni wa muyareriwo* awe, okhala wookhala.

19 Sa wirimu sinnalaleya ncicimiho na Muluku,

Iho sinnalaleya* muteko wa matata anyu.

 2 Nihiku ti nihiku masu aya annayeeheya ntoko maahi;

Nave ohiyu ti ohiyu sinnuupulula masuwelelo.

 3 Iho hasinaloca, nave hiyaavo masu;

Nsu naya hinniiweya.

 4 Nto oruma waaya* woophiya veelaponi yoothene yavathi;

Nave michaka saya, soophiya weiwo elapo ekotenlaayawo,

Owo oomaka musakala ntakhara nsuwa wirimu.

 5 Nenlo nri ntoko mulipa oothela onakhuma mu empa awe;

Nave ninnahakalala ntoko mulopwana akuru onachimaka mu ephiro awe.

 6 Ninnakhuma orweela weiwo erimu ekotenlaayawo,

Nave ninnarukurerya ophiyerya makupa makina weiwo erimu ekotenlaayawo;

Nave hiyaavo echu emoharu mano ehinaphwanyiwa ni oviha waya.

 7 Nlamulo na Yehova ti noophaameya, ninnakookiherya ikuru;

Sawuupuxerya sa Yehova ti soororomeleya, sinnamweeriha muchu oohisuwela okhala amiruku.

10 Tasisapoxa ompwaha ooru,

Ompwaha ooru awaaca oorehereryiwa phaama;

Nave toosivaxa opwaha enuwi,* enuwi enaconya mmahavuni.

11 Moorweela wa yaawo, mulapeli anyu onnalopoliwa;

Nookhalavo nchuwelo ntokweene mu okhapelela yaawo.

13 Mukihiihe weerano ichu mwawiirumiha;

Muheemererye wi iho sikivoothe.

Vano nto kinamukhala awookololowa,

Ni oohikhalano nthowa wa soocheka itokotoko.*

14 Masu a mwaano mwaka ni wuupuwelela wa murima aka

Soohakalalihekeeni nyuwo, khwoo Yehova, Mwala aka ni Moopoli aka.

 2 Orweela o nipuro naweela owo oorumihele nikhaviheryo,

Nave orweela o Siyoni ookhapelele.

 3 Owo uupuwelele sooveleela saa soothene

Nave eemererye moohakalala* mikucho saa soopahiwa. (Selaha)

 4 Owo aakhwaniherye soochuna sa murima aa

Nave eerihe marehereryo* aa oothene okhumelela phaama.

 5 Nnarwa nikhuwela moohakalala wa nthowa na saweera saa soovuluxa;

Nnarwa niviiha ipanteera sahu mu nsina na Muluku ahu.

Owo onnamwaakhula orweela wirimu wawe waweela

Ni ovuluxa* otokweene moorweela wa ntata nawe noolopwana.

 7 Akina anaroromela ikaaro sa ekhoco, akina anaaroromela akavalo;

Nto hiyaano nniichana nsina na Yehova, Muluku ahu.

 8 Awo aakwaculiwa nave ahuuwa,

Nto hiyaano noovinya nave nikhala oolipa.

21 Khwoo Yehova, mwene onnahakalala mu ikuru sanyu;

Onnahakalala vancipale mu saweera sanyu sa ovuluxa!

 2 Mohaakhwaniherya soochuna sa murima awe,

Nave hammukhwatiihenrye yooveka ya iyano sawe. (Selaha)

 3 Tiwi munnaya wa yoowo ni mareeliho mancipale;

Moonwariha mmuruni mwawe korowa a ooru aphaama.*

 4 Owo ohoovekaani okumi, nave nyuwo moomvaha okumi,

Okumi wawaaca,* woolekela ni woohimala.

 6 Nyuwo munnamweeriha okhala ooreeliheya okhala wookhala;

Munnamweeriha okhala oohakalala wa nthowa na okhala vamiithoni vanyu.

 7 Tiwi mwene onnamuroromela Yehova;

Wa nthowa na osivela woororomeleya wa Awiirimurimu, owo harwa acikinyeya.*

 8 Ntata nanyu nnamwaaphwanya amwiicani anyu oothene;

Ntata nanyu noolopwana nnamwaaphwanya oothene yaale anawiicaani.

10 Munarwa mwaatoloxa anamwane* aya veelaponi ya vathi,

Nave munarwa mviihavo muyareriwo aya variyari va anamwane a achu.

11 Tiwi ahuupuwelela opaka yeeyo eri yoonanara wa nyuwo;

Aapaka marehereryo* yaawo ahinahaala okhumelela phaama.

12 Woona wi nyuwo munarwa nweeriha awo okookela oculi,

Vaavaa munahaalaanyu waathoonya* ni munra anyu.*

Ntakhara heeni muryaanyu ocai wa okivuluxa,

Ocai wa okhuwela waka wa othanana?

 2 Muluku aka, kinnakhuwela variyari va nihiku, nave nyuwo hamunaakhula;

Nave variyari va ohiyu, nkinamaala owiichanaani.

 3 Nto nyuwo mwa aweela,

Moorukureryiwa ni* macipo oocicimiha a Isarayeli.

 4 Makholo ahu yaanakuha nroromelo naya mwa nyuwo;

Awo yaanoororomelaani nave nyuwo mwaanawoopola.

 5 Awo yaanakhuwela wa nyuwo, nave yaanavuluxiwa;

Yaanoororomelaani nyuwo, nave hiyuuliheya muru.*

 6 Nyenya miyo ka mwaanyuuku,

Ohiya muchu, achu annakiroha* nave muloko onnakinyemula.

 7 Oothene yaawo anakoona annakiroha;

Awo hanakoonelamo nave annacikinya miru saya mwa munyemu eriki:

 9 Ti Nyuwo mukikuminhe mmirimani mwa amaayi,

Mukikhapelela vaavaa amama aka yaakaamwihaaya.

10 Kaahiveleeliwa wa nyuwo wi mukikhapelele ovinyerya vaava kaayariwaaka;

Ovinyerya mmirimani mwa amama aka, munnakhala Muluku aka.

11 Muhikhale ocai wa miyo, woona wi wuukhuwa ori vakhiviru,

Nave haavo muchu mukina wi akikhaviherye.

12 Imope sincipale ikhaani sookirica;

Imope sakuru seelopwana so Pasa sookirukurerya.

13 Iho sinnakaathamela miyo,

Ntoko mwaco onoopa murika nave onamwasanya* yeeyo ophanreiye.

14 Kinnayeehiwa ntoko maahi;

Makhuva aka oothene aakhuleya.

Murima aka ori ntoko epothi,

Onnatothowa mpuwa mwaka.

15 Ikuru saka sohuuma ntoko nivali na oloko;

Nlumi naka noopatela waalakutha.

16 Tiwi, anapwa annakirukurerya;

Awo annakirica ntoko nikhuuru na achu ootakhala.

18 Awo annakawana soowara saka,

Nave anneeherya ehako malaya aka.

20 Mukivuluxe* wa nlema,

Moopole okumi aka wasisapo* mmatani mwa anapwa;

21 Mukivuluxe mwaano mwa mwaco ni mmanyakani mwa inari;

Mukaakhule nave mukivuluxe.

22 Kinamulaleya nsina nanyu wa annaka;

Veeri va muloko kinarwa koocicimihaani.

24 Tiwi owo hanyemunle naari ocuwala makacamiho a muchu oohooxiwa;

Hiipithinhe wa yoowo ethoi awe.

25 Kinarwa koocicimihaani mmuloko mutokweene;

Kinamwaakhwaniherya malakano aka vamiithoni va yaale anamoova yoowo.

26 Awiichacala enarwa elya ni evona;

Yaale anamwaavya Yehova enarwa emucicimiha yoowo.

28 Tiwi Yehova ti mwene;

Owo onnalamulela maloko.

29 Oothene yaawo ari ooreela* a veelaponi yavathi anahaala olya nave yuurame,

Oothene yaawo anakhuruwela onchupini anahaala okokhora vamiithoni vawe;

Haavo mmoha a yaawo onawerya okhapelela okumi awe.

30 Anamwane aya anammurumeela yoowo;*

Muyareriwo woocharela onamwiiwa vooloca sa Yehova.

 2 Owo onnakaatelela va munyepuni mukithi,

Nave onnakihoolela mmapuroni awiichuuwamo ooriiryela.*

 4 Naamwi keecaka mu mpopa orimo epiiphi yooriipa phii,

Nkoovaru echu yoonanara,

Woona wi nyuwo muri ni miyo;

Ekopo anyu ni ekumputu anyu sinnakikhapelela.*

Munnariiryiha* muru aka ni makhurwa;

Koopho aka oosareya phaameene.

 6 Chiryene, oreera murima ni osivela woororomeleya sinamukicharaka mahiku oothene a okumi aka,

Nave miyo kinarwa kikhala mu empa ya Yehova mmahiku aka oothene.

24 Elapo yavathi ti ya Yehova, vamoha ni soothene iri mwemmo,

Elapo yawuucelana ni yaawo anakhala mwemmo.

 2 Tiwi owo oothipela vasulu va ephareya

Nave ootikitherya phaama vasulu va mihice.

 3 Taani oni awerye owela o mwaako wa Yehova,

Nave taani oni awerye okhala aweemela va nipuro nawe naweela?

 4 Yoole ohirinono matata erino nthowa ni orino murima waweela,

Ohinalipela mwawootha mu nsina Naka,*

Naari mano ohinalipela wi aawoke akina.

 5 Owo onamwaakhela mareeliho a Yehova

Nave onamweeriwa awookololowa ni* Muluku a nivuluxo nawe.

 6 Nla nloko na yaale anamwaavya yoowo,

Yaawo anaavya weemereryiwa ni nyuwo,* khwoo Muluku a Yakopo. (Selaha)

 7 Mviihe miru sanyu, nyuwo milako mitokweene;

Muhuleye,* nyuwo milako sakhalai,

Wi avolowe Mwene oovuwa!

Yehova, akuru ni oowerya,

Yehova, oowerya mu ekhoco.

 9 Mviihe miru sanyu, nyuwo milako mitokweene;

Muhuleye, nyuwo milako sakhalai,

Wi avolowe Mwene oovuwa!

 2 Muluku aka, miyaano kinnoororomelaani;

Muheemererye wi kuulihiwe muru.

 3 Mweeparipari, haavo onooweheryaani nyuwo oni uulihiwe muru;

Oothene yaale aneerano ichu moohiroromeleya ohirivo nthowa, enarwa yuulihiwa muru.

 4 Mukisuwelihe iphiro sanyu, khwoo Yehova;

Mukihusihe meecelo anyu.

 5 Mukeecihe mu eparipari anyu nave mukihusihe,

Tiwi nyuwo mwa Muluku a nivuluxo naka.

 6 Muupuwele ikharari sanyu, khwoo Yehova, ni osivela wanyu woororomeleya,

Seiho munooniheryaanyu ilukuluku soothene.*

Mukuupuwele mwawiiwanana ni osivela wanyu woororomeleya,

Wa nthowa na oreera wanyu murima, khwoo Yehova.

 9 Owo onamwaahoolela awiichacala mwa yeeyo eri yaphaama,*

Nave onamwaahusiha awiichacala ephiro awe.

10 Iphiro soothene sa Yehova ti osivela woororomeleya ni ororomeleya

Wa yaale anakhapelela nlakano nawe ni sawuupuxerya sawe.

11 Wa nthowa na nsina nanyu, khwoo Yehova,

Mulevelele yoohesa aka, naamwi eri etokweene.

13 Owo* onamulawiha ichu saphaama,

Nave muyareriwo* awe onamwaakhela elapo.

14 Onthamwene wawaacameleya ni Yehova ti wa yaale anamoova yoowo,

Nave owo onnaasuweliha yaawo waataana wawe.

15 Ilukuluku soothene miitho aka ananweha Yehova,

Tiwi owo onarwa oopola inaani saka vamuraakhoni.

16 Murukunuwele wa miyo nave mukooniherye mahala,

Woona wi kiri meekhaaka ni oohasuwa.

17 Sawuukhula sa murima aka sohaaceereryeya;

Mukoopole mu othanana waka.

18 Moone wuukhuwa waka ni ohooxeya waka,

Nave mulevelele soocheka saka soothene.

19 Moone mukhalelo amwiicani aka aryaaya awaaca

Ni mukhalelo okiica waya oryaaya otokweene.

21 Ororomeleya ni wookololowa sikikhapelele,

Tiwi ewehereryo aka eri mwa nyuwo.

26 Mukithorihe, khwoo Yehova, woona wi kinneeca mu ororomeleya waka;

Kinnamuroromela Yehova kihicikinyen’ye.

 2 Mukaalikhele, khwoo Yehova nave mukeererye;

Murehererye muupuwelo aka wa mpuwa* ni murima aka.

 3 Tiwi osivela wanyu woororomeleya ilukuluku soothene ori vamiithoni vaka,

Nave miyaano kinneeca mu eparipari anyu.

 4 Nkinakhala* vamoha ni achu awootha,

Nave kinnaasepa yaawo aniipithiha omuchu aya.*

 5 Kinniica opaka onthamwene ni achu ootakhala

Nave kinnakhooca weeca* ni achu oonanara murima.

 6 Kinarwa kinyawa mata aka kooniheryaka ohikhalano nthowa

Nave kinarwa keeca voorukurerya va altare anyu, khwoo Yehova,

 7 Wi keerihe masu oothamalela wiiweya vatokweene

Ni olaleya miteko sanyu soothene sootikhiniha.

 8 Yehova, ennakisivela empa yeeyo munakhalaanyumo

Nipuro nenlo ncicimiho nanyu nnakhalaayamo.

 9 Muhikitoloxe* vamoha ni alipa oocheka

Naari mano oviihavo okumi aka vamoha ni wa achu a nlala,*

10 Yaawo matata aya anaweiwa ni meecelo awuuliha muru

Nave ntata naya noolopwana nsaren’ye makhwankwa.

12 Nnaani naka nnanyikala vachu vootikitheryeyavo;

Mmuloko mutokweene,* kinarwa kimucicimiha Yehova.

 2 Vaava aweera soonanara yaakihiphenlaaya wi ekiiphe,

Amwiicani aka yaawo yaakihoosa tiyaakwaculiwe nave yuuwa.

 3 Naamwi anakhoco ekirukurenrye wi ekihiphele,

Murima aka hokhala wawoova.

Naamwi elakaniwe ekhoco ntakhara miyo,

Naamwi hiiha, kinarwa kiikhalelaru mu nroromelo.

 4 Echu emoha kinnamveka Yehova,

Ti yeeyo kinahaalaaka waavya,

Okhala mu empa ya Yehova mahiku oothene a okumi aka,

Wi kipuhe oreera murima* wa Yehova ni ovarerya* empa awe.*

 5 Tiwi, owo onahaala okikhapelela mu nipuro nawe mu nihiku na epahu;

Owo onahaala okiipithiha mu nipuro noovitheya na muxakala awe;

Nave owo onahaala okikuha vasulu va mwaako wi amwiicani aka ehiwerye okihooxa.

 6 Vano, kinnaviiha muru aka vasulu va amwiicani yaawo anakirukurerya;

Mmuxakalani mwawe, kinamvaha mikucho ni okhuwela wa ohakalala;

Kinahaala wiipa macipo oomucicimihano* Yehova.

 7 Mukiiwe, khwoo Yehova, vaava kineeraaka kikhuwele;

Mukooniherye mahala nave mukaakhule.

Nyuwo mwa mukhaviheryi aka;

Muhikinyanyale naari mano muhikihiye, khwoo Muluku a nivuluxo naka.

10 Naamwi apapa aka ni amama aka ekinyanyanle,

Yehova onamukikhapelela.

11 Mukihusihe ephiro anyu, khwoo Yehova;

Mukihoolele mu ephiro yawookololowa wa nthowa na amwiicani aka.

12 Muhikiveleele wa amwiicani aka,*

Tiwi anamoona oowoka aakivinyerya,

Nave awo annakoopopiha moowali.

13 Ti woowi kaahaalaaka okhalawo kahaarino nroromelo

Wi koone oreera murima wa Yehova mu elapo ya akumi?*

14 Onweherye Yehova;

Okhale akuru ni oolipa murima.

28 Kinnakhuwela wa nyuwaano moohihiyererya, khwoo Yehova, Mwala aka;

Muhihiye okiiwa.*

Mwamaalaru,

Kinahaala okhala ntoko yaale anakhuruwela onlicini.*

 2 Mwiiwe mavekelo aka a vathi va murima vaavaa kinakhuwelaaka wa nyuwo ntakhara nikhaviheryo,

Vaavaa kinaviihaaka matata aka kiwehaka mu esaala ya mpuwa ya nipuro nanyu naweela.

 3 Muhikipurule vamoha ni achu ootakhala, vamoha ni yaale anapaka ichu soonanara,

Yaale analoca masu a murecele ni nthamwene aya, eniiha mmurimani mwaya orimo ichu soonanara.

 4 Mwaakookiherye mwawiiwanana ni saweera saya,

Mwawiiwanana ni miteko saya soonanara,

Mwaakookiherye mwawiiwanana ni muteko wa matata aya,

Mwawiiwanana ni yeeyo awo anapakaaya.

 5 Tiwi hanapwacha miteko sa Yehova,

Naari mano miteko sa matata awe.

 6 Yehova acicimihiwe,

Woona wi ohiiwa mavekelo aka a vathi va murima ntakhara nikhaviheryo.

 7 Yehova ti ikuru saka ni eyaakiho aka;

Murima aka onnamuroromela yoowo.

Kohaakhela nikhaviheryo nawe, nave murima aka onnahakalala;

Mwawiihiiha, kinarwa kimucicimiha ni ncipo naka.

 8 Yehova tonavaha ikuru nloko nawe;

Owo nipuro noolipihiwa nnaruuha nivuluxo ntokweene wa oothanliwa awe.

29 Mumvahe Yehova yeeyo enamphwanela, nyuwo anamwane a oowerya,

Mumvahe Yehova yeeyo enamphwanela wanthowa na ncicimiho nawe ni ikuru.

 3 Nsu na Yehova ninniiweya vasulu va maahi;

Muluku oocicimiheya onnoopa itari.

 4 Nsu na Yehova ti noowerya,

Nsu na Yehova ti noocicimiheya.

 5 Nsu na Yehova ninnantaka miri sa seetru,

Aa, Yehova onnanyaanya miri sa seetru so Liipano.

 6 Owo onnamweeriha Liipano* ocupha ntoko mwaasaana a emope,

Nave Siriyoni ntoko mwaasaana a enari.

 7 Nsu na Yehova ninnakumiha* makalume a mooro;

 8 Nsu na Yehova ninnathukumeliha ntakhwa;

Yehova onnathukumeliha ntakhwa no Katesi.

 9 Nsu na Yehova ninneeriha ikhomace othukumela ni oyara,

Nave ninnavarakasa matakhwa.

10 Yehova okiraanthe vamunyukhuni vawe vasulu va maahi oorweela;*

Yehova okiraanthe vamunyukhuni vawe ntoko Mwene okhala wookhala.

30 Kinarwa koothamalaani, khwoo Yehova, woona wi mookiviiha;*

Himweemerenrye wi amwiicani aka ehakalale wa nthowa naka.

 4 Mwiipe macipo oomucicimihano* Yehova, nyuwo muri oororomeleya wa yoowo;

Muthamalele nsina nawe naweela;*

 5 Tiwi okhala mu esara ya Muluku pahiru ti wa elukuluku tonto,

Nto okhala mwa mahala awe* ti wa okumi woothene.

 8 Wa nyuwo, khwoo Yehova, kaanakhuwela;

Nave wa Yehova kaanaveka omoreliwa ikharari.

11 Mootatusa winla waka okhala wiina;

Mooviihavo yoowara aka ya esakhwi nave mukiwariha ohakalala,

12 Wi kiwiipeleeni* ncipo, nave kihimaale.

Mukhale mwaako woolipa wa miyo,

Nipuro noolipiheya wi mukivuluse.

 3 Tiwi, nyuwo muri mwala aka ni nipuro naka noolipiheya;

Wanthowa na nsina nanyu, nyuwo munahaala okeeciha ni okihoolela.

 4 Nyuwo munarwa mukoopola mmulapa yoowo ovithiwe wi kiheiweno,

Woona wi nyuwo muri nipuro naka noolipiheya.

 6 Kinnawiica yaale analapela soophwaniherya soohiphuriha echu, satheru;

Nto miyo, kinnamuroromela Yehova.

 7 Kinahaala ohakalala vatokovene mu osivela wanyu woororomeleya,

Woona wi nyuwo munnoona wuukhuwa waka;

Nyuwo moosuwela othanana waka wawiiseela.*

 8 Hamukiveleenle mmatani mwa amwiicani,

Nto mukikunhe mu nipuro nookhapeleleya.*

10 Okumi aka onnalala wa nthowa na othanana

Nave iyaakha saka wa nthowa na wuupulela.

Ikuru saka sinnamala wa nthowa na yoohesa aka;

Makhuva aka annaceecheya.

11 Amwiicani aka oothene annakiroha,

Xaxaxa amwaacamani aka.

Nave yaale kaasuwenlaaka annakoova;

Yakoonaru kiri vanlakani, awo annakichawa.

12 Miyaano kooviihiwa mmurimani* mwaya nave koocuwaliwa, ntoko wi kirimukhwa;

Kiri ntoko evaasu ephween’ye.

13 Kohiiwa ichu soonanara ancipale analocaaya;

Woova wookirukurerya.

Vaavaa awo anakithukumanelaaya,

Annalakana omaliha okumi aka.

Aweera soonanara ekhale teni yuuliheye muru;

Nave evonyeryiwe Mmahiyeni.*

18 Iyano sawootha sikhale soohiloca,

Iyano sinamuloca awookololowa moonanara, mwawiirumiha ni mwa munyemu.

Nyuwo mohaakuherya yaale anawoovaani,

Nave mohooniherya variyari va achu oothene, wa yaale anachawela wa nyuwo.

20 Nyuwo munahaala waavitha mu nipuro na wiiphiini vamiithoni vanyu

Orweela wa ophakaneliwa ni achu;

Munahaala waavitha mu nipuro nanyu nookhapeleleya

Orweela wa ohiphela woonanara.*

21 Yehova acicimihiwe,

Woona wi mmukhalelo wootikhiniha, ookooniherya osivela woororomeleya mu epooma erukureryiwe.

Yehova onnaakhapelela oororomeleya,

Nto onnamulaka vatokovene yoole ori awiirumiha.

24 Mukhale oolipa murima, nave murima anyu okhale woolipa,

Oothene nyuwo munanweherya Yehova.

 2 Oohakalala muchu yoowo Yehova ohinamweereiye okhalano nthowa,

Ni yoowo ohirino muupuwelo woowoka.

 5 Vookuchulani kaahilokoha wa nyuwo yoocheka aka;

Nkikhuneenle yoohesa aka.

 6 Ti nthowa nene oothene yoole ori ororomeleya oneereiye avekele wa nyuwaano

Vaavaa munaweryaanyu ophwanyiwa.

 7 Nyuwo muri nipuro nawiipithavo wa miyo;

Nyuwo munamukikhapelela wa sawuukhula.

 9 Muhikhale ntoko kavalo ni puuru, yaawo ahirino wiiwexexa,

Yaawo anaphwanela ovareryeliwaka ni mukoi omakeleliwe mwaano mwaya

Wi yiiweleleke.”*

10 Sawiicela sincipale sinnaaphacuwela achu oonanara murima;

Nto yoole onamuroromela Yehova onnarukureryiwa ni osivela Wawe woororomeleya.

11 Muhakalaleke mwa Yehova nave muchapeke, nyuwo awookololowa murima;

Mukhuwele moohakalala, oothene nyuwo muri awookololowa murima.

 2 Mmuthamalele Yehova ni chakare;

Mmwiipele macipo oomucicimihano* ni ekaruma ya mikoi khumi.

 3 Mmwiipele ncipo nivyaani;

Mwiipe mwa mavyakelo nave mukhuwele moohakalala.

 4 Tiwi nsu na Yehova ti nawookololowa,

Soothene owo oneereiye sinnaphwanela ororomeliwa.

 6 Moorweela wa nsu na Yehova yoopakiwa erimu;

Nave moorweela wa munepa* wa mwaano mwawe, soopakiwa soothene siri weiwo.*

 7 Owo onnathukumanya maahi a mphareya ntoko wi ari vanchiyani;

Owo oohela maahi awuupa mmapuro oothukumanyamo.

 9 Owo aahiloca, nave soothene saahikhala;

Owo aahivaha nlamulo, nave soothene saatikitheryeya.

10 Yehova onnananariha ikano sa maloko;

Onnawaakanyerya apalanu a* achu.

11 Nto soolakelela* sa Yehova sinamutitelela okhala wookhala;

Miyuupuwelo sa murima awe, wa muyareriwo ti muyareriwo.

12 Noohakalala nloko nenlo Muluku aya ori Yehova,

Achu yaawo owo aathanlileiye wi ekhale awawe.

13 Yehova onnaweha vathi orweela wirimu;

Owo onnawoona anamwane oothene a achu.

14 Orweela o nipuro onakhaleiyewo,

Owo onnaavarerya achu anakhala veelaponi yavathi.

15 Ti yoowo onapaka mirima sa oothene;

Onnaalikhela saweera saya soothene.

16 Haavo mwene onavuluxiwa wanthowa na okhalano anakhoco ancipale;

Mukhoco hanoopoliwa wanthowa na okhalano ikuru sincipale.

17 Kavalo ewehereryo yatheru ya ovuluxiwa;*

Ikuru sawe sincipale hasinaroromeliha woopowa.

18 Onani! Miitho a Yehova annaavarerya yaale anamoova,

Yaale anaweherya osivela wawe woororomeleya,

19 Wi awoopole* wa okhwa

Ni waakhapelela mu elukuluku ya etala.

21 Murima ahu onnahakalala mwa yoowo,

Woona wi ninnaroromela nsina nawe naweela.

22 Osivela wanyu woororomeleya okhale ni hiyo, khwoo Yehova,

Vaavaa nnooweheryaahuni nyuwo.

34 Kinahaala omucicimihaka Yehova ilukuluku soothene;

Ncicimiho nawe nnamukhala mu iyano saka moohihiyererya.

 2 Kinarwa kiirumiha* mwa Yehova,

Awiichacala anahaala wiiwa nave anamuhakalala.

 3 Mmucicimihe Yehova vamoha ni miyo;

Hankooni nivuwihe vamoha nsina nawe

ד [Taleti]

 5 Yaawo yaanweha yoowo yaanachapa;

Ithoi saya hisaaphwanela wuuliheya muru.

 7 Munkeelo a Yehova ori* voorukurerya va yaale anamoova yoowo,

Nave owo onnawaakiha yaawo.

 8 Lawihani nave moone wi Yehova taphaama;

Oohakalala ti muchu onachawela wa yoowo.

 9 Mmooveke Yehova oothene nyuwo aweela awe murima,

Woona wi yaale anamoova yoowo hiyaavo echu enaathowa.

10 Ophiyerya tho amwaco akuru annavoliwa etala,

Nto yaale anamwaavya Yehova echu yaphaama herwa yaathowa.

11 Nkarwaani anaaka, mukiwiriyane;

Miyo kinamoohusihaani omoova Yehova.

12 Taani mwa nyuwo onachuna okhalano okumi woohakalaliha

Nave aahaala osiveliwa woona mahiku mancipale aphaama?

13 Mwa yeeyo, ohiihe nlumi naa wi nihiromoleru yoonanara,

Nave eyano aa ehiloceru sawootha.

14 Osepeke yeeyo eri yoonanara nave weerekeno yeeyo eri yaphaama;

Waavyeke murecele ni wiilipixerye okhapelela yoowo.

15 Miitho a Yehova eri ni awookololowa murima,

Nave maaru awe annawiriyana okhuwela waya ntakhara nikhaviheryo.

16 Nto ethoi ya Yehova ennaarukunuwela yaawo aneera yeeyo eri yoonanara,

Wi axipihe wuupuweleliwa waya woothene veelaponi yavathi.

17 Awo yaahikhuwela, nave Yehova aahiiwa;

Owo aahiwoopola wa sawuukhula saya soothene.

18 Yehova ori vakhiviru va yaale arino murima woophweeya,

Owo onnaavuluxa yaale ari oonyaanyeya mmunepani.*

19 Makacamiho a muchu awookololowa murima tawaaca,

Nto Yehova onnamoopola wa oothene yaawo.

20 Owo onnakhapelela makhuva awe oothene;

Hinaavo nimoharu mano nipwesiwe.

21 Epahu enammwiipha yoole ori oonanara murima;

Yaale anamwiica awookololowa anamuthorihiwa.

22 Yehova onnoopola okumi wa alapeli awe;

Haavo onachawela wa yoowo oni athorihiwe.

35 Khwoo Yehova, mukaakihe wa amwiicani aka;

Nwane ni yaale anawana ni miyo.

 2 Mukuse sawiisaakihano, ekhaani ni etokweene,

Nave murwe mukaakihe.

 5 Ekhale ntoko ikokhola inakusiwa* ni echeku;

Munkeelo a Yehova awiikare.

 6 Ephiro aya ekhale yeepiiphi ni yootherenya,

Vaava munkeelo a Yehova oneereiye awiikare.

 7 Tiwi, nihirivo nthowa, awo aareya mulapa wi ekiheyeno;

Nihirivo nthowa awo aathipa nlici wi kimorelemo.

 8 Epahu yaaphacuwele yaawo mootutusa;

Eheiwe ni muraakho yoowo aren’yaaya;

Emorele mwemmo nave etoloxiwe.

 9 Nyenya kinahaala ohakalala* mwa Yehova,

Kinarwa kichapa mmeerelo awe a ovulusa.

Nyuwo munnamoopola oohasuwa mmatani mwa yaale ari akuru,

Oohasuwa ni oohaawa wa yaale anawiiyerya.”

11 Annarwa anamoona oonanara murima,

Enakikoha ichu kihisuwenlaaka.

12 Annakikookiherya yaphaama ni yoonanara,

Nave okumi aka onnahooseya.

13 Nto vaavaa awo yiiceliwaaya, kaanawara soowara sa isakhwi;

Kaaniithananela* moorweela wa wiinanela olya,

Nave vaavaa nivekelo naka naakookaaya nihaakhuliwe,*

14 Kaaneeca kinlaka, ntoko nthamwene naari munnaka;

Kaanuuramela vathi kithananaka ntoko muchu onawunlela amama awe.

15 Nyenya vaavaa kaakwaculiwaaka, awo yaahakalala nave yaathukumana vamoha;

Awo yaathukumana vamoha ekiipithela wi ekiphare;

Yaakimwasanya nave hiyaamaanle.

16 Achu oonanara murima annakiroha mwamunyemu;*

Annakhuuriha miino woona wi annakiica.

Mukoopole* wa ohiphela waya,

Moopole okumi aka wasisapo mwaano mwa amwaco.

18 Hiiha kinarwa koothamalelaani mmuloko mutokotoko;

Kinarwa koocicimihaani veeri va mucici wa achu.

19 Muheemererye wi yaale ari amwiicani aka nihirivo nthowa ehakalale wa nthowa na ohaawa waka,

Muheemererye wi enyupulihe miitho aya moonanara yaale anakiica nihirivo nthowa.

20 Tiwi, hanaloca masu a murecele;

Nto moowoka, annaphakana oweerela yoonanara achu a murecele a veelaponi yavathi.

21 Awo annahula eyano aya wi ekootherye,

Eriki: “Ahaa! Ahaa! Noomoona ni miitho ahu.”

23 Mvinye nave murwe wi mukaakihe,

Khwoo Yehova Muluku aka, mwaakihe mulacu aka.

24 Mukithorihe mwawiiwanana ni wookololowa wanyu, khwoo Yehova, Muluku aka;

Muheemererye wi ehakalale ni ohooxeya waka.

26 Oothene yaawo yuulihiwe muru ni enyemuliwe,

Yaale anahakalala ni epahu aka.

27 Nto ekhuwele moohakalala yaale anasiveliwa ni wookololowa waka;

Ilukuluku soothene eloceke eriki:

28 Hiiha nlumi naka nnarwa nloca sa* wookololowa wanyu

Nave nnarwa noocicimihaani nihiku noothene.

36 Yoocheka ennamulamulela aweera soonanara mmurimani mwawe;

Vamiithoni vawe, hiwaavo omoova Muluku.

 3 Masu a mwaano mwawe annaphoreiha nave annawoka;

Owo haano wiiwexexa* wi eereno yeeyo eri yaphaama.

Owo onnachara ephiro yeeyo ehiri yaphaama;

Owo hanakhooca yeeyo eri yoonanara.

 5 Khwoo Yehova, osivela wanyu woororomeleya onnaphiya wirimu;

Ororomeleya wanyu onnaphiya mmahurukuni.

 6 Wookololowa wanyu ori ntoko miyaako mitokweene;*

Mathorihelo anyu ari ntoko maahi mancipale awiixa.

Anamwane aachu annachawela mmuurusi

Wa makuphelo anyu.

 8 Awo annavona ni soolya sa* mpa mwanyu,

Nave munnaawuryiha maahi a mmuhiceni wa soohakalaliha sanyu.

 9 Nyuwo mwa ehime ya okumi;

Moorweela wa omwaleela wanyu ninnawerya woona omwaleela.

10 Mutitelele wooniherya osivela wanyu woororomeleya wa yaale yoosuwenleeni,

Nave ekhaikhai anyu wa awookololowa mmurimani.

11 Muheemererye wi inaani sa achu awiirumiha ikinyikale;

Naari matata aachu oonanara murima ekiikare.

12 Nwoone! Aweera soonanara aamora;

Awo ahuuwiheryiwa vathi nave hanawerya ovinya.

37 Ohinyeenyeye* wa nthowa na achu oonanara murima

Naari waakhalela nrima achu ootakhala.

 2 Awo anamuuma mwawaakuveya ntoko munyepu

Nave anamunyaala ntoko munyepu mukithi.

 3 Omuroromele Yehova nave weereno yeeyo eri yaphaama;

Okhale mweelaponi nave weerekeno ichu moororomeleya.

 4 Ophwanye ohakalala wawaaca* mwa Yehova,

Nave owo onahaala woovaha yeeyo murimaa onachunaaya.

 5 Omunnyererye ephiro aa* Yehova;

Omuroromele yoowo, nave owo onamweeravo echu wi ookhaviherye.

 6 Owo onamweeriha wookololowa wawe waarya ntoko wooxixelo,

Ni ekhaikhai awe ntoko nsuwa na othana.

 7 Omaale cuu vamiithoni va Yehova

Nave onweheryeke yoowo moopixa murima.

Ohinyeenyeye ni muchu

Yoowo onakhumelela phaama ni miruku sawe soonanara.

 8 Ohiye onanariwa ni esara;

Ohiphweeleye nave ohikooke wi weere yoonanara.*

 9 Tiwi achu aweera soonanara anamutoloxiwa,

Nto yaale ananweherya Yehova anahaala waakhela elapo yavathi.

10 Ehanle pahi elukuluku vakhaani, nave aweera soonanara hekhalavo tho;

Onamvarerya weiwo awo yaaraayawo,

Nave awo hekhala weiwo.

11 Nyenya awiichacala anahaala waakhela elapo yavathi,

Nave awo anamukhalano ohakalala otokweene woona wi anahaala okhalano murecele wawaaca.

12 Muchu oonanara murima onnuupuwela omuhooxa awookololowa murima;

Owo onnakhuuriha miino ntakhara yoowo.

13 Nto Yehova onahaala omutheya muchu oonanara murima,

Woona wi owo oosuwela wi nihiku nawe nnamphiya.

14 Achu oonanara murima annahulula malema aya nave annareya minra saya

Wi emuuwihe oohooxiwa ni ohaawa,

Wi ewiiphe yaale aneeca mu ephiro yawookololowa.

15 Nyenya nlema naya nnahaala ohoma murima aya ene;

Minra saya sinahaala onyaanyiwa.

16 Saphaama ti ichu savakhaani seiho awookololowa murima oreiyeno

Opwahana muhakhu muncipale wa aweera soonanara.

17 Tiwi miwono sa achu oonanara murima sinahaala wintakiwa,

Nto Yehova onahaala waakhaviherya awookololowa murima.

18 Yehova onnasuwela yeeyo awookololowa murima anakumanaayano,*

Nave yoohiyeryiwa aya enamwiikhalelaru okhala wookhala.

19 Awo hiyuulihiwa muru mu elukuluku ya epahu;

Mu elukuluku ya etala, awo anamukhalano yoolya yincipale.

20 Nyenya aweera soonanara anahaala okhwa;

Amwiicani a Yehova anahaala orimeela ntoko oreera wa munyepu;

Awo anamurimeela ntoko mwiisi.

21 Yoole ori oonanara murima onnapoleya nave hanakookiha,

Nto awookololowa murima ta mahala* nave toovaha.

22 Yaale anareelihiwa ni Yoowo anamwaakhela elapo yavathi,

Nto yaale anuulumeliwa ni Yoowo anahaala otoloxiwa.

23 Yehova onnahoolela* meecelo a muchu

Wakhala wi owo onnahakalalela ephiro awe.

24 Naamwi owo uuwale, hatitelela okhala vachayani,

Ntakhara Yehova onnamukhaviherya ni ntata nawe.

25 Kaari mmiravo nave vano kohuuluvala,

Nyenya nkintonko omoona muchu awookololowa anyanyaliwe,

Naari mano anaawe evekavekaka yoolya.

26 Ilukuluku soothene owo onnapoleiha mootaphuwa,

Nave anamwane awe anamwaakhela mareeliho.

27 Osepeke yoonanara nave weereke yeeyo eri yaphaama,

Nave onamutitelela okhala, okhala wookhala.

28 Tiwi Yehova onnasivela ekhaikhai,

Nave haanyanyala yaale ari oororomeleya wa yoowo.

Ilukuluku soothene awo anamukhapeleliwa;

Nto muyareriwo wa aweera soonanara onamutoloxiwa.

29 Awookololowa murima anahaala waakhela elapo yavathi,

Nave awo anamukhala mwemmo okhala wookhala.

30 Eyano ya muchu awookololowa murima ennalokoha miruku,*

Nave nlumi nawe ninnaloca sa ekhaikhai.

31 Nlamulo na Muluku awe nri va murimani vawe;

Inaani sawe hisirwa iserekuwa.

32 Aweera soonanara onnamvareryela awookololowa,

Aavyaka meerelo a omwiipha.

33 Nyenya Yehova hani amuhiye awookololowa murima mmatani mwa aweera soonanara

Naari mano hamphwanyerya nthowa vaavaa owo oneereiye athorihiwe.

34 Onweheryeke Yehova nave ochareke ephiro awe,

Nave owo onanwunnuwiha wi waakhele elapo yavathi.

35 Koomoona mutakhali ni aweera soonanara

Avathaka ntoko mwiri mukithi omenle mu echaya yawuucelana.

36 Nyenya mootutusa owo aarimeela nave ahiya okhala;

Kaatitelela omwaavya, nave owo haawerya ophwanyeya.

37 Nkanwehe muchu ohirino nthowa,*

Nave omvarerye muchu awookololowa,

Tiwi omwaahiyu wa muchu yoowo oni okhale wa murecele.

38 Nyenya anamacheka oothene anamutoloxiwa;

Omwaahiyu aweera soonanara anamukwasiwa.

39 Ovuluxiwa wa awookololowa murima onarwa wa Yehova;

Owo ti nchawelo naya mu elukuluku ya sawuukhula.

Owo onanwoopola wa aweera soonanara nave onamwaavuluxa,

Woona wi awo anachawela wa yoowo.

38 Khwoo Yehova, muhikisamele mu esara anyu,

Naari mano okookolola munanariwe.

 2 Tiwi mavaka anyu aakihoma mwawiiseela,

Nave ntata nanyu ninnakilimela.

 3 Mwiili aka woothene onniiceliwa * wa nthowa na onyeenyeya wanyu,

Hiwaamo murecele mmakhuvani mwaka wa nthowa na yoocheka aka.

 4 Tiwi soohesa saka sookimirya;

Ntoko murici woohokola, sootepa, nkinawerya oteexa.

 5 Makhwaca aka annatepa winkha nave annakhuma oruuni

Wa nthowa na ololo aka.

 6 Kiri awuukhuwa nave kootepa okhulumuwa;

Kineeca oohica ene nihiku noothene.

 7 Kinnoona wi kinnavya mpuwa mwaka;*

Mwiili aka woothene onniiceliwa.

 8 Kooceecheya nave koonyaanyeya moomalela;

Murima aka woothanana onnakeeriha othukumela vancipale.*

 9 Khwoo Yehova, soochuna saka soothene siri vamiithoni vanyu,

Nave omumula waka hori woovitheya wa nyuwo.

10 Murima aka onnakichimaka, ikuru saka soomala;

Nave omwaleela wa miitho aka wookihiya.

11 Asinthamwene aka ni yaawo kaatannaakano annakisepa wa nthowa na ereca aka,

Nave asinthamwene aka awaacameleya annakhala ocai wa miyo.

12 Yaale anaavya omaliha okumi aka annarehererya miraakho;

Yaale aneererya okeerela yoonanara annaloca sa otoloxa;

Awo annavaanela sawootha nihiku noothene.

13 Nyenya, ntoko muchu ohiiwa, miyaano nkinawiriyana;

Ntoko muchu oohiloca, nkinahula eyano aka.

14 Miyaano kikhanle ntoko muchu yoowo ohiniiwa,

Yoowo eyano awe ehirino echu ya oloca wi iisaakihe.

15 Tiwi miyo kaahooweheryaani nyuwo, khwoo Yehova;

Nave nyuwo mwakaakhula, khwoo Yehova, Muluku aka.

16 Miyo kaahi: “Awo ehihakalale wa nthowa na ohooxeya waka

Naari mano okikhaliha moonanara wakhala wi nnaani naka nooserekuwa.”

17 Tiwi kaahanle vakhaani wuuwa,

Nave ilukuluku soothene kaaniiceliwa.

18 Kaalokoha yoohesa aka;

Kaari awuukhuwa wa nthowa na yoocheka aka.

19 Nto amwiicani aka takuru* ni oowerya,*

Yaale anakiica nihirivo nthowa aatepa waaca.

20 Aakikookiherya yaphaama ni yoonanara;

Annakaakaaha woona wi kinniilipixerya weera yeeyo eri yaphaama.

22 Murwe mwawaakuveya wi mukikhaviherye,

Khwoo Yehova, nivuluxo naka.

39 Miyo kaahi: “Kinahaala ovareryela ephiro aka

Wi kihicheke ni nlumi naka.

Kinamukhapelela eyano aka moorweela wa omaka yeeyo

Vaavaa kineeraka kikhale vamiithoni va muchu oonanara murima.”

 2 Kaakhala muchu oohiloca nave kaamaala,

Nkaalonce naari mano sa yeeyo eri yaphaama;

Nto wiicela waka waari otokweene.*

 4 “Khwoo Yehova, mukikhaviherye osuwela makuchuwelo aka

Ni waaca wa mahiku aka,

Wi kiiwexexe mukhalelo okumi aka oryaaya wookhuveya.*

 5 Mweeparipari, mahiku yaawo mukivanhaanyu tavakhaani;*

Nave olekela wa okumi aka tahi echweenevo vamiithoni vanyu.

 9 Kaakhala muchu oohiloca;

Nkaawenrye ohula eyano aka,

Woona wi ti nyuwo mweenrevo echu.

11 Nyuwo munnamulaka muchu mmoonihaka ekoi wa nthowa na yoohesa awe;

Munnatoloxa ichu seiho onooneiye okhala sasisapo, hiiha ntoko oweexe.

12 Mwiiwe nivekelo naka, khwoo Yehova,

Nwiriyane okhuwela waka ntakhara nikhaviheryo.

Woona wi wa nyuwo kiri ntoko namarwa,

Muchu yoowo onaamvira,* hiiha ntoko makholo aka oothene.

13 Muhikivarerye munyeenyen’ye, wi kihakalale

Kihaakumve opwaha ni ocakanela.”

40 Kaanweherya Yehova moopisa murima,

Owo aahuurama nave aawiriyana okhuwela waka ntakhara nikhaviheryo.

 2 Owo aakiviiha mu ehime ya maahi ooviluwa,

Mu nchaca na ncokwa,

Nave aakuha inaani saka va mwala;

Aatikitherya meecelo aka.

 3 Mwawiihiiha, owo aahela mwaano mwaka ncipo nivyaani,

Ncipo noomucicimihano Muluku ahu.

Ancipale enarwa evarerya mootikhiniheya

Nave enarwa ekuha nroromelo naya mwa Yehova.

 4 Oohakalala muchu yoowo onamuroromela Yehova

Nave ohinaavya nikhaviheryo wa achu oophuca naari oowoka.*

 5 Khwoo Yehova, Muluku aka,

Ichu mpankaanyu,

Saweera sanyu sootikhiniha ni muupuwelo anyu ntakhara hiyo, ti sincipale.

Waakhanle wi koheererya othariha ni oloca seiho,

Saahaala otepa waaca wi kilokohe!

 6 Nyuwo himwaachunne* mikucho ni sooveleela,

Nto mwaahula iwaru saka wi kiwiriyane.

 8 Weerano yookhwela anyu, khwoo Muluku aka, onnakihakalaliha,*

Nave nlamulo nanyu nri va murimani vaka.

Nkinamaaliha iyano saka,

Khwoo Yehova, nyuwo munnasuwela phaama.

Soohesa saka sincipale sinnakinyaaya ophiyerya wi kihinawerya woona ephiro aka;

Sootepa waaca opwaha miihi a mmuruni mwaka.

14 Oothene yaale anaavya omaliha okumi aka*

Yuulihiwe muru nave enyemuliwe.

Yaale anahakalala ni epahu aka

Ekookele muculi, elamwihen’ye.

16 Nto yaale anawaavyaani

Echape ni ehakalale mwa nyuwo.

Nyuwo muri mukhaviheryi aka ni moopoli aka;

Khwoo Muluku aka, muhilekele.

41 Oohakalala ti yoole onooniherya opwacha wa oohaawa;

Yehova onammoopola mu nihiku na epahu.

Onarwa eeriwa oohakalala veelaponi;

Hamurwa mumveleela wa* amwiicani awe.

Owo onnathukumanya ichu soonanara wi aloce;

Voocharela onnapwaha nave onnalaleya seiho.

 7 Oothene yaale anakiica annaapa mukina ni mukhwaawe,

Annavaanela ichu soonanara ntakhara miyo eriki:

 8 “Echu yawoopiha yoomphacuwela,

Vano okokhonreiye, harwa avinya tho.”

 9 Ophiyerya muchu yoole aari mmureceleni ni miyo nave yoowo kaamuroromelaaka,

Yoole aalya epau aka, ookirukunuwela.*

10 Nto nyuwo, khwoo Yehova, mukooniherye mahala nave mukiviihe,

Wi kaakokiherye yaawo.

12 Nyuwo munnakipharelela wa nthowa na ororomeleya waka;

Munamukikhaliha vamiithoni vanyu okhala wookhala.

13 Yehova, Muluku a Isarayeli, acicimihiwe

Okhala wookhala.*

42 Ntoko ekhomace yeeyo enachunaaxa maahi,

Miyaano tho kinnoochunaanixa* nyuwo, khwoo Muluku.

 3 Miithori aka, teri yoolya aka othana ni ohiyu;

Nihiku noothene achu annakinyemula, ekohaka eriki: “Muluku aa ori woowi?”

 4 Kinnuupuwela ichu seiha, nave kinnayeeha okumi* aka,

Woona wi kaakhovelela weeca ni muloko wa achu;

Kaaneeca ni murima woothene* ohoolo waya ophiyerya o empa ya Muluku,

Ni okhuwela wa ohakalala vamoha ni othamalela,

Wa muloko yoowo waachapela efesta.

Kinamunweheryaka Muluku,

Woona wi nlelo kinahaala omucicimiha ntoko Mvuluxa aka Mutokotoko.

Ti nthowa nene kinawuupuwelaakaani nyuwo,

Mu elapo yo Yortano ni mmiyaako so Hermoni,

O mwaako Misar.*

 7 Maahi awiixa anniichana maahi awiixa,

Wa oruma mmapuro anyu yaawo maahi anamoraayamo.

 8 Othana Yehova onamukivaha osivela wawe woororomeleya,

Nave ohiyu ncipo nawe nnamukhala ni miyaano: Nivekelo wa Muluku a okumi aka.

10 Ni wiica otokweene,* amwiicani aka annakiruwana;

Nihiku noothene awo annakinyemula, ekohaka eriki: “Muluku aa ori woowi?”

Kinamunweheryaka Muluku,

Woona wi nlelo kinahaala omucicimiha ntoko Mvuluxa aka Mutokotoko ni Muluku aka.

43 Mukithorihe, khwoo Muluku,

Mwaakihe mulacu aka wa nloko noohiroromeleya.

Iho ikihooleleke;

Iho ikihoolele omwaako anyu waweela ni o tapernaakulu anyu mutokweene.

 4 Hiihaa, kinamuya o altare a Muluku,

Wa Muluku, yoowo ori ohakalala waka wawaakhwanela.

Kinamunweheryaka Muluku,

Woona wi nlelo kinahaala omucicimiha ntoko Mvuluxa aka Mutokotoko ni Muluku aka.

44 Khwoo Muluku, nohiiwa ni maaru ahu,

Makholo ahu aanleela

Saweera seiho mwaapankaanyu mmahiku aya,

Mmahiku akhalai.

 2 Ni ntata nanyu mwahiikara maloko,

Nave mwaatikitherya makholo ahu mwemmo.

 3 Awo hiiyakunxe elapo yeela wa nthowa na nlema naya,

Naari mano hiyavoonthe wa nthowa na nwono aya.

Mweeparipari, waari wa nthowa na ntata nanyu noolopwana, wa nwono anyu ni omwaleela wa ethoi anyu,

Woona wi mwaanasiveliwa ni yaawo.

 4 Nyuwo muri Mwene aka, khwoo Muluku;

Mulamule wi Yakopo aakhele* ovuluxa otokweene.*

 5 Ni owerya wanyu nnanwiikara amwiicani ahu;

Mu nsina nanyu nnamwaanyaparara yaale ananivinyerya.

 6 Tiwi nkinaroromela munra aka,

Nave nlema naka hiniwerya okivuluxa.

 7 Ti nyuwo munivulunxe wa amwiicani ahu,

Mwaalamwinhe yaale ananiica.

 8 Nnarwa nimvaha ncicimiho Muluku nihiku noothene,

Nave nnarwa nthamalela nsina nanyu okhala wookhala. (Selaha)

 9 Nto vano nyuwo munnanikhooca ni onilamwiha,

Nave himunaahoola anakhoco ahu.

10 Nyuwo munnaneeriha okookela oculi vamiithoni va mwiicani ahu;

Yaale ananiica annanaakha mootaphuwa yeeyo anachunaaya.

11 Nyuwo munnaniveleela wi nikhuuriwe ntoko ipuchepuche;

Munnanimwaramwaxela wa maloko.

12 Munnaatumiha achu anyu mahala ene;

Hamunaphuravo echu mu waakuliha.*

13 Munnaneeriha okhala echu yoonyemuwa wa amwacamani ahu,

Echu yoorohiwa ni yootheiha wa yaale anirukurenrye.

14 Munnaneeriha okhala echu yoonyemuwa variyari va maloko,

Echu yeeyo achu anacikinyeryaaya muru.

15 Kinnalamwiheya nihiku noothene,

Wuuliwa waka muru onnakihuruwela,

16 Wa nthowa na onyakula wa oroha ni oruwana waya,

Wa nthowa na mwiicani ahu yoowo onavya wunla ikuhu.

17 Soothene seiha sooniphacuwela, nave naamwi hiiha, hanoocuwanleeni,

Naari mano hanchekenle nlakano nanyu.

18 Murima ahu hohuwenle;

Meecelo ahu hahin’ye ephiro anyu.

19 Nto nyuwo munnaninyaanyerya weiwo anapiili anakhalaayawo;

Nave munnanikhuneela ni epiiphi etokweene.

20 Wakhala wi noocuwala nsina na Muluku ahu,

Naari nookola matata nimvekelaka muluku mukina,

21 Apwanne Muluku hani asuwele yeeyo?

22 Wa nthowa nanyu, nihiku noothene ninnaveleeliwa wookhwani;

Nnooniwa ntoko ipuchepuche inaya wiiphiwa.

25 Tiwi nohuuramihiwa* ophiyerya onchupini;

Mwiili ahu woopatela vachayani.

 3 Mmakelele nlema nanyu muyuununi, nyuwo muri oowerya,

Nware ncicimiho ni ovuwa.

 4 Nave mu ovuwa wanyu muye wi mwavoothe;*

Munwele kavalo anyu wa nthowa na eparipari, wiiyeviha ni wookololowa,

Nave ntata nanyu noolopwana nnamweerano* ichu sootikhiniha.

 5 Mavaka anyu toothokolowa, annaweeriha achu wuuwa vamiithoni vanyu;

Annahoma mirima sa amwiicani a mwene.

 6 Muluku tori munyukhu anyu okhala wookhala;

Ekopo ya omwene anyu ekopo ya omwene yawookololowa.*

 8 Soowara sanyu soothene sinankhela miira, eloi ni kaasiya;

Orweela mu empa etokweene ya mwene ya miino a echepo onniiweya oruma wa ikaruma sa mikoyi seiho sinoohakalalihani.

10 Wiiwe, khwoo mwaana amwaamuthiyana, owiriyane nave otheteye naaru naa;

Waacuwale achu aa vamoha ni a veechokoni ya apapa aa.

11 Nave mwene onamusiveliwa ni oreera waa,

Woona wi owo ti pwiya aa;

Mwa yeeyo, wuurame vamiithoni vawe.

12 Mwaana amwaamuthiyana o Tiru onamurwa ni yamahala;

Achu ooreelaxa anamwaavya mahala anyu.

13 Mpuwa mwa empa ya mwene,* mwaana amwaamuthiyana a mwene* oosareya ni ovuwa;

Yoowara awe yooreerihiwa ni* ooru.

15 Awo annaruuhiwa ni ohakalala vamoha ni ochapa;

Annavolowa mu empa ya mwene.

46 Muluku ti nchawelo nahu ni ikuru sahu,

Nikhaviheryo nnaphwanyeya mwawaakuveya mu ilukuluku sa sawuukhula.

 2 Ti nthowa nene hinrwa noova, naamwi elapo etoroken’ye,

Naamwi miyaako imorenle mu ephareya yawiixa,

 3 Naamwi maahi a mphareya erumaka ni okumiha niphweru,

Naamwi otekhuma waya weerihaka miyaako ocikinyeya. (Selaha)

 4 Wookhalavo muhice mutokotoko okawanyen’ye mmihice mikhaani seiho inahakalaliha epooma ya Muluku,

Tapernaakulu aweela ni mutokotoko a Awiirimurimu.

 6 Maloko yaahuukhuwa, mamwene yaamwariwa;

Owo aaloca nave elapo yaatothowa.

 7 Yehova a anakhoco ori ni hiyo;

Muluku a Yakopo ti nchawelo nahu nookhapeleleya.* (Selaha)

 8 Murwe mweerele onamoona saweera sa Yehova,

Mukhalelo owo onapakeiye ichu sootikhiniha veelaponi.

Onnantaka munra nave onnanyaanya nivaka,

Owo onneeyela ikaaro* sakhoco vamooroni.

Kinarwa kivuwihiwa variyari va maloko;

Kinarwa kivuwihiwa veelaponi.”

11 Yehova a anakhoco ori ni hiyo;

Muluku a Yakopo ti nchawelo nookhapeleleya wa hiyo. (Selaha)

 2 Tiwi Yehova, Awiirimurimu, tawoopiha;

Owo ti Mwene mutokweene a veelaponi yoothene yavathi.

 3 Owo onnaninnyererya achu wi naalamuleleke;

Owo onnakuha maloko vathi va inaani sahu.

 4 Onnanthanlela yoohiyeryiwa ahu,

Yawiirumihano ya Yakopo, yoowo owo onamusiveleiye. (Selaha)

 5 Muluku aawela vaavaa achu yaakhuwelaaya moohakalala;

Yehova aawela vaavaa achu yoopaya nipeca.*

 6 Mwiipe macipo oomucicimihano* Muluku, mwiipe macipo oomucicimihano,

Mwiipe macipo oomucicimihano Mwene ahu, mwiipe macipo oomucicimihano.

 7 Tiwi Muluku tori Mwene a elapo yoothene yavathi;

Mmwiipele macipo nave mooniherye miruku.

 9 Asitokweene aachu aathukumana vamoha

Ni muloko wa Muluku a Aparahamu.

48 Yehova ti mutokweene nave chiryeene tonaphwanela ocicimihiwa

Mu epooma ya Muluku ahu, omwaako awe waweela.

 2 Wooreera mu orakama waya, ohakalala wa elapo yoothene yavathi,

Ti Mwaako Siyoni makupa oomoko,

Epooma ya Mwene Mutokotoko.

 3 Mmiconco soolipihiwa sa epooma,

Muluku aahiisuweliha ntoko nipuro noochawelavo nookhapeleleya.*

 4 Vawi nkoonani! Mamwene yaahithukumana;*

Awo yaaheeca vamoha.

 6 Weiwo othukumela waahaarweela,

Yaahoona wiicela ntoko muthiyana onayara.

 8 Yeele niiwalaahu elociwaka, vano nohoona akaneene ahu

Mu epooma ya Yehova a anakhoco, mu epooma ya Muluku ahu.

 9 Ninnuupuwelela osivela wanyu woororomeleya, khwoo Muluku,

Mpuwa mwa empa anyu.

10 Ntoko nsina nanyu, khwoo Muluku, ncicimiho nanyu

Ninnaphiya weiwo elapo ekotenlaayawo.

11 Mwaako Siyoni ohakalale,

Ipooma so* Yuta ihakalale wa nthowa na mathorihelo anyu.

12 Mweece mmwaapheelaka Siyoni; mweece mmurukureryaka yoowo;

Mwaalakhanye miconco sawe.

Mwaalikhele miconco sawe soolipihiwa,

Wi nwerye oloca sa seiho wa miyareriwo sa muhoolo.

Nwiriyane, oothene nyu munakhala mweelaponi,*

 2 Akhaani ni atokweene,*

Ooreela ni oohaawa.

 3 Eyano aka enahaala oloca mwa miruku,

Nave wuupuwelela wa murima aka onahaala wooniherya wiiwexexa.

 4 Kinahaala owiriyana phaama nsiposipo;

Kinahaala othariha masu aka oosiphela ni chakare.

 5 Ntakhara heeni kinahaalaaka okhala awoova mu ilukuluku sa sawuukhula,

Vaavaa kinahaalaaka orukureryiwa ni otakhala wa* yaale aneererya okuuwiha?

 6 Yaale anaroromela ooreela waya

Ni aniirumiha ni muhakhu aya muncipale,

 7 Haavo mmoharu mano a yaawo oni awerye omvuluxa* mukina

Naari mano omvaha Muluku yawoopola wi amvuluxe yoowo.

 8 (Yoolivela ya yawoopola ya* okumi aya ti yoowalamelaxa

Ophiyerya wi muchu hani awerye oliva okhala wookhala);

 9 Wi owo akhale okhala wookhala nave ahoone nlici.*

10 Muchu onnoona wi ophiyerya wi achu a miruku annakhwa;

Mulolo ni oolosowa annarimeela vamoha,

Nave annaahiyerya muhakhu aya akina.

11 Mmurimani mwaya, yoochuna aya ori wi ipa saya sikhale okhala wookhala;

Mixakala saya, wa muyareriwo ti muyareriwo.

12 Nto muchu, naamwi ari oocicimiheya, hatitelela okhala;

Owo tahi aphaama waapwaha axinama, yaawo anakhwa.

13 Ela ephiro ya alolo ni ya yaale anaachara,

Yaale anasiveliwano ni masu aya asiiyo. (Selaha)

14 Ntoko ipuchepuche, awo aathoriheliwa o Mahiye*

Okhwa onahaala waakukhulaka yaawo;

Wooxixelo, yaale ari awookololowa murima anamwaalamulelaka yaawo.

Ncicimiho naya noothene nnamucakanela;

Nihiye,* nnahaala okhala nipuro naya nookhalawo, ohiya o empa ya mwene.

15 Nto Muluku onahaala okoopola* mu owerya* wa Mahiye,*

Woona wi owo onahaala okikuxawo. (Selaha)

16 Ohikhale awoova vaavaa muchu onareeleiye,

Vaavaa ovuwa wa empa awe onaaceereryeyaaya,

17 Woona wi owo akhwa, hawerya okuxa echu;

Ovuwa wawe hokhuruwela mmahiye ni yoowo.

18 Tiwi variyari va okumi awe owo oniithamalela mwaneene*

(Achu anoocicimiha vaavaa oryaawe ooreela.)

20 Muchu yoowo ohiniiwexexa yeela naamwi acicimihiwaka,

Tahi aphaama wapwaha axinama, yaawo anakhwa.

50 Muluku a amiluku, Yehova,* onnaloca;

Owo onniichana elapo

Ovinyerya weiwo nnakhumawo nsuwa ophiyerya weiwo nnaneelaayawo.

Vamiithoni vawe wookhalavo mooro wootoloxa,

Nave voorukurerya vawe echeku yawuupa.

 4 Owo onniichana irimu ni elapo yavathi,

Woona wi onamwaathoriha achu awe:

 5 “Mukithukumanyerye yaawo ari oororomeleya wa miyo,

Yaawo anapaka nlakano ni miyo moorweela wa mukucho.”

 6 Irimu sinnalaleya wookololowa wawe,

Woona wi Muluku mwaneene tori Muthoriha. (Selaha)

 7 “Wiriyanani, nyuwo achu aka, nave miyo kinamuloca;

Isarayeli, kinamuweerela onamoona.

 8 Nkinoosamela wa nthowa na mikucho saa,

Naari mano wa nthowa na soovaha saa soopahiwa seiho iri va miithoni vaka ilukuluku soothene.

 9 Nkinachuna okuxa emope ya vaate vaa,

Naari mano ipuri* sa mmakhola mwaa.

10 Ntakhara axinama oothene a mutakhwani tawaka,

Ophiyerya tho axinama a Mmiyaako ncikhwi.

11 Kinnasuwela ipalame soothene sa mmiyaakoni;

Axinama oohaalakhanyeya a mutakhwani tawaka.

12 Waakhanle wi koovoliwa etala, nkahaala wooleela,

Woona wi echaya yawuucelana ni soothene iri mwemmo ti sawaka.

13 Apwanne kinahaala olya emece ya imope seelopwana,

Naari owurya nikhami na ipuri?

14 Mvahe mathamalelo ntoko mukucho wa Muluku,

Nave mwaakhwaniherye malakano mpankaanyu wa Awiirimurimu;

15 Okiichane mu nihiku na sawuukhula.

“Ophwanelela taani oryaaweno wa oloca malamulo aka

Naari wa oloca nlakano naka?

17 Tiwi onniica olaka,*

Nave onnarerya eculi masu aka.*

18 Vaavaa onamoonaawe mpava, onnamweemererya;*

Nave oneeca ni alipa ooraruwa.

19 Onnapharihela eyano wi omwaramwaxe yeeyo eri yoonanara,

Nave owoka woopatela va nlumi naa.

20 Onnakiraathi wi omuloce moonanara munnaa;

Onnuupulula soohesa sa* mwaana a amamaa.

21 Vaavaa weenraweno ichu seiha, kaahititelela omaala;

Mwawiihiiha, wuupuwela wi kahaala okhala ntoko weyo.

Nto vano kinamoosamela

Nave kinamuloca mulacu aka ni weyo.

22 Muhineera, muthokororye ela, nyuwo munamucuwala Muluku,

Mwaaheerano kinamoomwasanyaani,* nave haavo oni awoopoleeni.

23 Yoole onavaha mathamalelo ntoko mukucho onnakicicimiha;

Nave yoole onachara ephiro elakeleliwe,

Miyo kinammweeriha woona nivuluxo noorweela wa Muluku.”

 2 Mukirapihe moomalela wa yoohesa aka,

Nave mukeelihe wa yoocheka aka.

 3 Tiwi miyo kinnasuwela soohesa saka,

Nave yoocheka aka eri vamiithoni vaka* ilukuluku soothene.

 4 Wa nyuwo, opwaha soothene,* koochekenlaakaani;

Koopaka yeeyo eri yoonanara vamiithoni vanyu.

Mwawiihiiha, nyuwo munakhala awookololowa vaavaa munalocaanyu,

Munakhala awookololowa mu othoriha wanyu.

 5 Mweeparipari, kiyariwe kirino nthowa na yoohesa,

Nave amamaka ekiyanre moochekani.*

 6 Koosuwela wi munnahakalala vaavaa eparipari enakhalaaya mmurimani mwa muchu;

Muhusihe omuchu aka wampuwa* miruku seeparipari.

 7 Mukeelihe wa yoocheka aka ni isopo, nave miyo kinamukhala aweela;

Mukirapihe, nave miyo kinamukhala awi cee opwaha maralala.

 8 Mukeerihe wiiwa oruma wa ohakalala ni ochapa,

Wi makhuva yaawo munyaannyaanyu ehakalale.

 9 Muhiwehe* soocheka saka,

Nave muxipihe* soohesa saka soothene.

10 Mpake mwa miyo murima waweela, khwoo Muluku,

Nave mukeerihe okhalano nchuno na weerano yeeyo eri yaphaama ilukuluku soothene.

11 Muhikiikare vamiithoni vanyu;

Nave muhiviihemo mwa miyo munepa anyu waweela.

12 Mukikookiherye ohakalala wa nivuluxo nanyu;

Mukeerihe okhalano nchuno na owiiwelelaani.*

13 Kinahaala waahusiha alipa oohesa iphiro sanyu,

Wi anamacheka ekookele wa nyuwo.

14 Mukoopole wa nthowa na nikhami kiyenhaaka, khwoo Muluku, Muluku a nivuluxo naka,

Wi nlumi naka nlaleye moohakalala wookololowa wanyu.

15 Khwoo Yehova, muhule iyano saka,

Wi eyano aka elaleye ncicimiho nanyu.

16 Tiwi, nyuwo hamunachuna mukucho, yaari hiihaa, kaamoovahaani;

Hamunasiveliwano yoovaha yoopahiwa.

17 Muluku oneemererya mikucho sa yaale ari chiryene oocharuwa;

Murima woophweya ni woonyaanyeya, khwoo Muluku, nyuwo hamukhooca.*

18 Mu okhwela wanyu waphaama, munnamweerela yaphaama Siyoni;

Munnuuluula oteka isiri so Yerusalemu.

19 Mwawiihiiha, munahaala osiveliwano mikucho sa wookololowa,

Mikucho soopahiwa ni soovaha sawaakhwanela;

Hiihaa, inahaala ovahiwa imope va altare anyu.

 2 Nlumi nanyu, ti naweetha ntoko ncemo,

Munnuupuwelela weera yoonanara nave munneera ichu mmukhalelo woowoka.

 3 Munnasiveliwa vancipale ni yoonanara ohiya yaphaama;

Munnathanla wootha vaava munalocaanyu yeeyo eri yawookololowa. (Selaha)

 4 Annoosivela masu oothene otoloxa,

Weyo nlumi noowoka!

 5 Ti nthowa nene Muluku onahaaleiye owiipha khuluwi okhala wookhala;

Owo onahaala woophara ni woophola mmusakalaa;

Owo onahaala woophola mu elapo ya akumi. (Selaha)

 7 “Mmoone, ola muchu yoowo ahaamweenre Muluku okhala voochawelavo vawe,*

Nto aaroromenle muhakhu awe muncipale

Nave aaroromenle muupuwelo awe woonanara.”*

 8 Nto miyo kinahaala okhala ntoko mwiri wa asitona woovatha o empa ya Muluku;

Nroromelo naka nri mu osivela woororomeleya wa Muluku, okhala wookhala.

 9 Kinamoocicimihaani okhala wookhala, woona wi moheeravo echu;

Vamiithoni va oororomeleya anyu,

Kinanwehererya mu nsina nanyu, woona wi nlo ti naphaama.

Saweera sawe soonanara ti sootakhala ni soothanyeya;

Haavo ooneera yaphaama.

 2 Nto Muluku onnaweha vathi, ovinyerya wirimu, wi aavarerye anamwane a achu,

Wi oone waakhanle wi ookhalavo muchu orino wiiwexexa,* waakhanle wi ookhalavo muchu onamwaavya Yehova.

 3 Oothene aahuwela;

Oothene tootakhala.

Haavo onapaka yaphaama,

Naari mmoharu mano.

 5 Nto awo anamusareya ni woova otokweene,

Woova yoowo ahintonkaaya woona,*

Ntakhara Muluku onahaala omwaramwaxa makhuva a yaale anoohiphela.*

Vaavaa Yehova oneereiye akookihe muloko awe wookapuroni,

Yakopo achape, Isarayeli ahakalale.

54 Khwoo Muluku, mukivuluxe moorweela wa nsina nanyu,

Nave mukaakihe* ni ikuru sanyu.

 2 Khwoo Muluku, mwiiwe nivekelo naka,

Nwiriyane masu a mwaano mwaka.

 3 Tiwi amwiicani annakivinyerya,

Nave achu oowali annaavya omaliha okumi aka.*

 4 Onani! Muluku ti mukhaviheryi aka;

Yehova ori ni yaale anakikhaviherya.*

 7 Tiwi owo onnakivuluxa wa sawuukhula soothene,

Nave kinahaala woona ovoothiwa wa amwiicani aka.

Wuukhuwa waka onnakeeriha ohimaaleleya,

Nave kiri oohaleeliheya

 3 Wa nthowa na yeeyo mwiicani onaloceiye

Ni okhinyererya wa achu aweera soonanara.

Tiwi annakuukelela makacamiho,

Nave esarasaren’ye awo annakikuherya mathowa.

 4 Murima aka ori woothanana mpuwa mwaka,

Nave woopopiha wa okhwa onnakiwerya.

 5 Woova ni othukumela sinnakirweela,

Nave othukumela wookiphwanya.

 7 Kaahaala ochawela ociiwene,

Kaahaala okayela otakhwani. (Selaha)

 8 Kaamuya mwawaakuveya o nipuro noochawelawo,

Ocai wa owali wa echeku, ocai wa echeku yawuupa.”

 9 Muwaakanyerye, khwoo Yehova, nave mwaakanyerye marehereryo* aya,*

Tiwi kohoona nlala ni owanawana mu epooma.

10 Othana ni ohiyu awo anneeceeca vasulu va ixiri saya;

Mpuwa mwaya sookhalamo sootakhala ni makacamiho.

11 Veeri vaya wookhalavo ipahu;

Ohooxiwa ni wootha hisintonko opwahavo va nipuro naya nawaaciwavo.

12 Yoole onakiruwana tahi mwiicani;

Yaari hiiha, kaahaala ovilela.

Yoole onakivinyerya tahi mwiicani;

Yaari hiiha, kaahaala wiipitha.

13 Nto ti weyaano, muchu ntoko miyo,*

Nthamwene aka, yoowo kimusuwenlaaka phaama.

14 Onthamwene wa vanikuthani waananiiwananiha,

Neeca vamoha ni muloko niyaaka o empa ya Muluku.

Ekhuruwele Mmahiye* eri akumi,

Woona wi otakhala onakhala variyari vaya ni mpuwa mwaya.

16 Nto miyo, kinamukhuwela wa Muluku;

Nave Yehova onamukivuluxa.

17 Waawiilakavo ni waasaakavo, hiiha ntoko variyari va nihiku, kinnakhala awaakanyeryeya, nave kinniicha miwiya,*

Nave owo onniiwa nsu naka.

18 Owo onamukivaha* murecele, akaakihaka* wa yaale anawana ni miyo,

Tiwi miloko sa achu sinnarwa wi iwane ni miyo.

19 Muluku onahaala wiiwa nave onahaala owaakhula,

Yoole okiranthe va munyukhu awe opacerya khalai. (Selaha)

Awo anamukhooca otoroka makhalelo aya oonanara,

Yaale ahinamoova Muluku.

20 Owo* ohaahiphela yaale yaari mmureceleni ni yoowo,

Oonanariha nlakano aapankeiye.

21 Masu awe toovyavyalaaxa ompwaha manteeka,

Nto mmurimani mwawe orimo owanawana.

Masu awe toosivaxa opwaha makhurwa,

Nto ari masipaatha ahululiwe.

22 Omvonyerye Yehova sawuukhula saa,*

Nave owo onarwa ookhaviherya.

23 Nto nyuwo, khwoo Muluku, munamweeriha wi awo ekhuruwele onlicini nawiixasa;

Achu yaala arino nthowa na nikhami ni oowoka hekhala naari mano eriyari ya mahiku aya.

 2 Amwiicani aka annakiikara nihiku noothenene;

Ancipale annawana ni miyo mmukhalelo wa wiirumiha.

 4 Mwa Muluku, yoowo masu awe kinacicimihaaka,

Mwa Muluku, kinnatikitheryamo nroromelo naka; nkinoova.

 5 Nihiku noothenene awo annananariha soochuna saka;

Muupuwelo aya ori okiphoreiha pahi.

 6 Awo anniipitha wi ekihiphele;

Annavarerya meecelo aka oothene,

Eweheryaka omaliha okumi aka.

Khwoo, mukhapelele miithori aka mu nipotoro nanyu nannyapara,

Apwanne herempwale mu liivuru anyu?

 9 Amwiicani aka anamukookela oculi mu nihiku kineeraka kikhuwele ntakhara nikhaviheryo;

Kinnaroromela ela: Muluku ori mmakupa aka.

10 Mwa Muluku, yoowo masu awe kinacicimihaaka,

Mwa Yehova, yoowo masu awe kinacicimihaaka,

11 Mwa Muluku, kinnatikitheryamo nroromelo naka; nkinoova.

12 Kiri oomakeya ni malakano kipankaaka wa nyuwo, khwoo Muluku;

Kinamoovahaani masu oothamalela.

13 Tiwi mookoopola* wa okhwa

Nave himweemerenrye wi inaani saka sikwaculiwe,

Wi keece vamiithoni va Muluku mu omwaleela wa akumi.

57 Mukooniherye mahala, khwoo Muluku, mukooniherye mahala,

Woona wi kinachawela* wa nyuwo;

Kinnachawela mmuurusi wa muuphelo anyu ophiyerya evinre makacamiho.

 2 Kinnakhuwela wa Muluku, Awiirimurimu,

Wa Muluku eeparipari, wi amalihe yaawo wa nthowa naka.

 4 Koorukureryiwa* ni amwaco,

Kinakona veeri va achu yaawo anachuna okikhuura;

Miino aya mavaka ni inyakara,

Nave nlumi naya nlema naweetha.

 5 Mucicimihiwe osulu wa irimu, khwoo Muluku;

Ovuwa wanyu okhale veelaponi yoothene ya vathi.

 6 Awo aarehererya mulapa wi eheyeno inaani saka;

Kohuurama* nthowa na wuukhuwa vancipale.

Aathipa nlici ohoolo waka,

Nto yaawo ene temorenlemo. (Selaha)

 7 Murima aka wootikitheryeya, khwoo Muluku,

Murima aka wootikitheryeya.

 9 Kinarwa koocicimihaani variyari va achu, khwoo Yehova;

Kinarwa kiipa macipo a woocicimihaani* nyuwo variyari va maloko.

10 Tiwi, osivela wanyu woororomeleya otokweene, onnaphiya wirimu,

Nave ororomeleya wanyu onnaphiya mmahurukuni.

11 Mucicimihiwe osulu wa irimu, khwoo Muluku;

Ovuwa wanyu okhale veelaponi yoothene ya vathi.

 2 Ohiya yeeyo, nyuwo munnavaanela ohookololowa mmurimani mwanyu,

Nave matata anyu annamwaryamwaxa nlala mweelaponi.

 3 Achu oonanara murima annahuwela* ovinyerya vaavaa anayariwaaya;*

Awo toomwaryeya ni awootha ovinyerya mmirimani mwa amamaaya.

 4 Esenya aya eri ntoko esenya ya inowa;

Awo aciyamaaru ntoko enowa yeeyo enaciyela iwaru saya.

 5 Eyo hewiriyana nsu na alipa a masica,

Naamwi awo epanke masica a mavyakeloxa.

 7 Awo ecakanele ntoko maahi anaweleela;

Owo areye munra ni aweerihe awo wuuwa ni mavaka awe.

 8 Awo ekhale ntoko ekhori* yeeyo enanyewa mumphironi,

Ntoko mwaana oyariwe ookhweene, yoowo ohinahaala woona nsuwa.

 9 Ipanela sanyu sihaakumve oviha ni ikhuuni sa mwiri wa miiwa,

Owo onamukusa mirai mikithi ni seiho sinavarela, ntoko ikusiwe ni echeku yawuupa.

10 Awookololowa murima onarwa ahakalala vaavaa oneereiye amoone Muluku inlaka ikuhu;

Inaani sawe sinamurapihiwa mu nikhami na achu aweera soonanara.

59 Mukoopole wa amwiicani aka, khwoo Muluku aka;

Mukikhapelele wa yaale anakivinyerya.

 2 Mukoopole wa achu aweera soonanara

Nave mukivuluxe wa achu a nlala.*

 3 Nkoonani! Awo annakiipithela wi ekiphare;*

Alopwana akuru annakihiphela,

Nto ohiya wi kirimwaarukunuwela naari waachekela, khwoo Yehova.

 6 Awo annakooka waawiilakavo,

Annuuwa ntoko anapwa nave anneeceeca mu epooma.

 7 Moone yeeyo enatekhuma* mwaano mwaya;

Iyano saya siri ntoko masipaatha,

Tiwi annaloca: “Taani oniiwa?”

 8 Nto nyuwo, khwoo Yehova, munahaala waatheya yaawo;

Munamunyemula maloko oothene.

 9 Khwoo Ikuru saka, kinamutitelela wooweheryaani;

Tiwi Muluku nipuro naka noochawelavo nookhapeleleya.*

10 Muluku yoowo onakooniherya osivela woororomeleya onamurwa wi akikhaviherye;

Muluku onamukeeriha woona ovoothiwa wa amwiicani aka.

Ni ikuru sanyu, muweerihe awo ohuwahuwa;

Mwaatolose, khwoo Yehova, eyaakiho ahu.

12 Awo eheiwe ni wiirumiha waya,

Wa nthowa na soocheka sa mwaano mwaya, na masu a mu iyano saya,

Wa nthowa na wuulumela ni wootha yoowo awo analocaaya.

13 Mwaamalihe yaawo mu esara anyu,

Mwaamalihe yaawo, wi ehikhaleru tho;

Nweerihe awo osuwela wi Muluku tonalamulela variyari va Yakopo ni ophiyerya weiwo elapo ekotenlaayawo. (Selaha)

14 Awo ekooke wiilakavo;

Yuuwe ntoko anapwa nave yeeceece mu epooma.

15 Awo ehuwahuwe yaavyaka echu ya olya,

Ehivone naari mano ophwanya nipuro na wiichuuwavo ohiyu.

16 Nto miyo, kinarwa kiipa vooloca sa ikuru sanyu;

Wooxixelo kinamuloca moohakalala sa osivela wanyu woororomeleya.

Woona wi nyuwo muri nipuro naka noochawelavo nookhapeleleya

Nave nipuro nenlo kinachawelaakawo vaavaa kinahoolelaaka sawuukhula.

17 Khwoo ikuru saka, kinarwa kiwiipelaani macipo oocicimiha,*

Woona wi Muluku nipuro naka noochawelavo nookhapeleleya, Muluku yoowo onakooniherya osivela woororomeleya.

 4 Mwaavahe* eneneeryo yaale anawoovaani,

Wi echawe ni orapela mavaka. (Selaha)

 5 Wi oosiveliwa anyu yoopoliwe,

Munivuluxe ni ntata nanyu noolopwana nave munaakhule.

“Kinamuhakalala, kinammukawa Sikemi ntoko yoohiyeryiwa,

Nave kinamphima mpopa* wo Sukoti.

 7 Kiliyati taaka, hiiha ntoko Manase,

Nave Efarayimu kapaseti* ntakhara muru aka;

Yuta ekopo aka ya olamulelo.

10 Tahi nyuwaano, khwoo Muluku, nyeenyu munnyanyanle,

Muluku ahu, nyeenyu muhinaahoola tho anakhoco ahu?

11 Munikhaviherye mu wuukhuwa wahu,

Woona wi nivuluxo noorweela wa achu hinnaphuriha echu.

12 Moorweela wa Muluku nnamukhalano ikuru,

Nave owo onamwaanyikalela vathi amwiicani ahu.

 2 Kinarwa kikhuwela wa nyuwo ovinyerya weiwo elapo ekotenlaayawo

Vaavaa murima aka oneeraaya ohikhaleno ewehereryo.*

 3 Tiwi nyuwo muri voochawelavo vaka,

Muconco woolipa yoowo onakikhapelela wa amwiicani.

 4 Kinahaala okhala muleco mmuxakala anyu okhala wookhala;

Kinamuchawela mu nipuro nawiipithamo na mmuuphelo anyu. (Selaha)

 6 Munahaala waaceererya mahiku a okumi wa* mwene,

Iyaakha sawe inamukhala wa muyareriwo ti muyareriwo.

 7 Owo onahaala okiraathi va munyukhu awe* okhala wookhala va miithoni va Muluku,

Mumvahe* osivela woororomeleya ni ororomeleya, wi iho imukhapelele okhala wookhala.

 8 Mwawiihiiha, kinamwiipa macipo oocicimiha* nsina nanyu okhala wookhala,

Vaavaa kinakhwaaniheryaaka malakano aka nihiku ti nihiku.

 2 Pahiru owo tori mwala aka ni nivuluxo naka, nipuro naka noochawelavo nookhapeleleya;*

Nkirwa kicikinyeya moomalela.

 4 Awo annavaanela wi emmorihe va nipuro nawe na vasulu;*

Annasiveliwa wootha.

 5 Chiryene, kinnanweherya Muluku moomaaleleya,*

Woona wi ewehereryo aka enarwa wa yoowo.

 6 Pahiru owo tori mwala aka ni nivuluxo naka, nipuro naka noochawelavo nookhapeleleya;

Nkirwa kicikinyeya.

 9 Anamwane a muchu nwiya pahi,

Anamwane a achu etheru ene.

10 Muhiroromeleke waalyela akina

Naari mano okuha ewehereryo yatheru mu wiiya.

12 Osivela woororomeleya ti wawinyu tho, khwoo Yehova,

Woona wi munnamukookiherya mmoha ti mmoha mwawiiwanana ni saweera sawe.

Hiiha ntoko muchu onakhaleiyeno nthanana na maahi,

Miyaano kookhalano nchuno ntokweene wa nyuwo.

 2 Mwawiihiiha, miyo koowoonaani mu nipuro naweela;

Kohoona ikuru sanyu ni ncicimiho nanyu.

 3 Osivela wanyu woororomeleya ti waphaama opwaha okumi,

Mwa yeeyo, iyano saka sinahaala woocicimihaani.

 4 Hiihaa, kinarwa koocicimihaani mu okumi aka woothene;

Mu nsina nanyu kinahaala oviiha matata aka.

 5 Kiri awaakhwaneliwa* ni makupa aphaama, oothanleliwa* phaama;

Mwawiihiiha, iyano saka inahaala wiipa macipo, eyano aka enahaala woocicimihaani.

 6 Kinnawuupuwelaani nyuwo vaavaa kinakonaaka;

Kinnuupuwelela sa nyuwo variyari va olipelela wa ohiyu.

 7 Tiwi nyuwo muri mukhaviheryi aka,

Nave kinnakhuwela moohakalala mmuuruxini wa makuphelo anyu.

 8 Miyo kinnawaakeelelaani* nyuwo;

Ntata nanyu noolopwana ninnakiphareela moolipa.

 9 Nto yaale anaavya otoloxa okumi aka*

Anamukhuruwela mmahiyeni.

10 Anamveleeliwa wa owerya wa nlema;

Awo anamukhala yoolya ya anapiili.*

Oothene yoole oni alipele mwa yoowo onamuchapa,*

Tiwi, eyano ya yaale enaloca sawootha enammaalihiwa.

 2 Mukaakihe wa ovaanela woovitheya wa achu oonanara murima,

Wa mucici wa achu aweera soonanara;

 3 Awo annanola nlumi naya ntoko nlema;

Annathoonya ni masu aya awiicela ntoko mavaka,

 4 Nave orweela mmapuro aya awiipithamo annamvonyerya oohikhalano nthowa.

 5 Awo annatitelela mu yoolakelela aya yoonanara;*

Annavaanela sa mukhalelo wa ovitha miraakho saya.

 6 Awo annaavya meerelo mavyaani a opaka yoonanara;

Aavitha meerelo aya oonanara mwa mavyakelo

Muupuwelo ni murima wa mmoha ti mmoha a yaawo ti soohisuweleya.

 7 Nto Muluku onahaala waavonyerya yaawo nivaka;

Awo anarwa ephoreihiwa mootutuxa.

 8 Nlumi naya nene nnahaala oweeriha wuuwa;

Oothene yaale anahaala woona anamucikinya muru.

 9 Voocharela, achu oothene anamukhala awoova,

Nave anamulaleya yeeyo Muluku opankeiye,

Ni wiiwexexa saweera sawe.

10 Eekhaikhai onamuhakalala mwa Yehova nave onamuchawela mwa yoowo;

Oothene yaale ari awookololowa murima anamuchapa.*

65 Ncicimiho ninnoweheryaani o Siyoni, khwoo Muluku;

Nnahaala waakhwaniherya malakano ahu wa nyuwo.

 3 Soonanara saka sinnakinyaanya,

Nto nyuwo munnakhuneela soohesa sahu.

 4 Oohakalala ti yoole nyuwo munamuthanlaanyu nave mmuruuha vakhiviru vanyu,

Wi akhaleke mmayateni mwanyu.

Nnahaala okhala awaakhwaneliwa ni ichu saphaama sa mpa mwanyu,

Empa anyu yaweela.*

 5 Nyuwo munahaala onaakhula ni saweera sootikhiniha sa wookololowa,

Khwoo Muluku a nivuluxo nahu;

Nyuwo muri Ororomela wa makupa oothene elapo ekotenlaayawo

Nave wa iphareya seiho siri woorakamela.

 6 Nyuwo mootikitherya* moolipa miyaako ni ikuru sanyu;

Nyuwo mohiiwarihela* owerya.

 7 Nyuwo munnamaaliha* owali wa iphareya,

Onyakula wa macumuxa aya ni namvutuka a maloko.

 8 Achu a mapuro oorakamela anamusareya woova wa nthowa na ineneeryo sanyu sootikhiniha;

Munahaala weeriha wi okhalevo okhuwela wa ohakalala ovinyerya weiwo nnakhumawo nsuwa ophiyerya nnaneelaayawo.

 9 Munnakhapelela elapo yavathi,

Mweerihaka eyo okhala yawuucelana vancipale* ni yooreelaxa.

Muhice wa Muluku onnachimaka osaren’ye maahi;

Nyuwo munnaavaha yaawo soolya

Ti hiiha mureherenryaanyu echaya.

10 Munnasareiha ni maahi mikoti saya, murehererya echaya aya elimmwe;

Nyuwo munnoolowiha ni epwila yawaaca, munnareeliha sawiima saya.

11 Nyuwo munnareeriha eyaakha ni mahala anyu ntoko nwarinhe korowa;

Iphiro sanyu soosareya ni ichu saphaama.*

12 Mapuro oolyihamo mihuwo a mutakhwani* aasareya,*

Nave miyaako mikhaani* soowara ohakalala.

13 Mapuro a waalyihamo axinama aasareya ni mihuwo,

Nave mipopa soosareya ni soolya

Iho sinnakhuwela moohakalala, aa, sinniipa.

Wa nthowa na owerya wanyu otokweene,

Amwiicani anyu anamusareya woova vamiithoni vanyu.

 4 Elapo yoothene enahaala okokhora vamiithoni vanyu;

Awo enanwiipelaani macipo;

Awo enamwiipela macipo nsina nanyu.” (Selaha)

 6 Owo aatatuxa ephareya ekhala echaya yawuuma;

Awo yaalapuwa muhice ni meco.

 8 Mmucicimihe Muluku ahu, nyuwo achu,

Nave mweerihe wi nsu nanyu noocicimiha niiweye.

 9 Owo onnakhapelela okumi ahu;*

Owo haneemererya wi nnaani nahu nikwaculiwe.*

10 Tiwi, nyuwo moonaalikhela, khwoo Muluku;

Hiihaa ntoko eparata enarehereryiwaaya, nyuwo monrehererya.

11 Nyuwo mooneeriha ovolowa mmulapa woosayano;

Moncukhuliha* mucholo woohokolaxa.*

12 Mwaahimweemererya muchu wi annyikale;*

Noovira vamooroni ni mmaahini;

Voocharela muniruuha mu nipuro nawiichuuwa.

13 Kinahaala ovolowa mpa mwanyu ni soovaha soopahiwa,

Kinamwaakhwaniherya malakano yaawo kipankaaka wa nyuwo,

14 Yeeyo iyano saka siroromelinhaaya,

Yeeyo eyano aka yaaloncaaya vaavaa kaaryaaka mu sawuukhula.

15 Kinamoovahaani sooveleela soopahiwa sa asinama ooneneva,

Ni mwiisi wa mikucho sa ipucepuche.

16 Rwaani ni nwiriyane, oothene nyuwo munamoova Muluku,

Nave kinamooleelaani yeeyo owo onakeereleiye.*

17 Kaamwiichana owo ni eyano aka

Nave kaamvuwihiwa ni nlumi naka.

18 Waakhanle wi kookuha yoonanara mmurimani mwaka,

Yehova hii akiiwe.

19 Nto mweeparipari, Muluku aahiiwa,

Owo aawiriyana moopwacha nivekelo naka.

20 Acicimihiwe Muluku, yoowo ahikhoonce nivekelo naka

Naari mano okikhwatiiherya osivela wawe woororomeleya.

67 Muluku onamunooniherya mahala nave onamunireeliha,

Onamweeriha ethoi awe onaaryela, (Selaha)

 2 Wi ephiro anyu esuweliwe veelaponi yoothene yavathi,

Saweera sanyu sa ovuluxa, variyari va maloko oothene.

 3 Achu yoocicimiheeni, khwoo Muluku;

Achu oothene yoocicimiheeni.

 4 Maloko echape nave ekhuwele moohakalala,

Tiwi munamwaathoriha achu mwaphaama.

 5 Achu yoocicimiheeni, khwoo Muluku;

Achu oothene yoocicimiheeni.

 6 Elapo enamvaha sawiima saya;

Muluku, Muluku ahu, onamunireeliha.

 7 Muluku onamunireeliha,

Orweela makupa oothene a elapo, achu anammoovaka* yoowo.

68 Muluku avinye, nave amwiicani awe emwaramwaxiwe,

Oothene yaale anamwiica echawe vamiithoni vawe.

Hiihaa ntoko epothi enatothowaaya ni mooro,

Hiihaa tho achu oonanara murima etoloxiwe vamiithoni va Muluku.

 3 Nto awookololowa murima ehakalale;

Awo etheye vamiithoni va Muluku;

Echape moohakalala.

 5 Tiithi a ikwaasuni* ni mwaakiha* a anaamukhweli

Ti Muluku mu empa awe yaweela.

 6 Muluku onnaavaha empa ya okhalamo yaale ari meekhaaya;

Owo onnaataphula achu oophariwa nave onnaweeriha wi ichu iweecele phaama.

 7 Khwoo Muluku, vaavaa mwaahoolenlaanyu* achu anyu,

Vaavaa mweencaanyu mutakhwani, (Selaha)

 8 Elapo yaacikinyeya;

Erimu yaarupiha epwila* wa nthowa na Muluku,

Mwaako Sinai waacikinyeya wa nthowa na Muluku, Muluku a Isarayeli.

 9 Mwaaheeriha epwila orupa vancipale, khwoo Muluku;

Mwaawiichuuwiha achu anyu ookhulumuwa.*

10 Awo yaakhala mmuxakala anyu;

Mu ooreera wanyu murima, mwaamvakulela oohaawa, khwoo Muluku.

11 Yehova onnavaha nlamulo;

Athiyana yaawo analaleya michaka saphaama nikhuuru ntokweene na anakhoco.

13 Naamwi mukonne variyari va mooro wa mmuxakalani,*

Anamukhalavo muuphelo a ekakaiya, ehuruweliwe ni eparata,

Vamoha ni mirekha sa ooru aphaama.*

14 Vaavaa a Ikuru Soothene aamwaramwanxeiye mamwene a elapo yeela,*

Mucarapo* waamora o Salmoni.*

15 Mwaako wo Pasa, mwaako wa Muluku;*

Mwaako wo Pasa, mwaako woothokolowa.

16 Nyuwo miyaako soothokolowa, ntakhara heeni munawehaanyu mwa nrima,

Mwaako yoowo Muluku othanlileiye* wi akhalekewo?

18 Nyuwo mwaawela osulu;

Mwaakuxa achu oophariwa;

Mukuxa samahala mmukhalelo wa achu,

Aa, ophiyerya tho achu ooturuwa murima, wi yakhaleke variyari vaya, khwoo Yehova, Muluku.

19 Acicimihiwe Yehova, yoowo nihiku ti nihiku onakuxa mucholo* ahu,

Muluku eeparipari, yoowo ori nivuluxo nahu. (Selaha)

20 Muluku eeparipari wa hiyaano, Muluku onavuluxa;

Yehova, Apwiya Ooweryaxa, onnoopola wa okhwa.

21 Aa, Muluku onamunyaanya miru sa amwiicani awe,

Ekarakasa ya muru ya oothene yoole onatitelela* mu yoohesa.

22 Yehova ooloca: “Kinamwaaruuha wanaawiili orweela o Pasa;

Kinamwaaruuha wanaawiili orweela mu ephareya yawiixa,

23 Wi weyo onaanihe inaani saa mu nikhami na amwiicani,

Nave anapwa aa elate nikhami naya.”

24 Awo annoona weeceeca wa achu anyu, khwoo Muluku,

Weeceeca wa achu anyu, Mwene aka, evolowaka mu nipuro naweela.

25 Alipa awiipa annaya ohoolo, alipa awiipa akina annoopa ikaruma sa mikoi, yaacharaka oculi waya,

Veeri vaya aakhalavo asimwali anoopa ikoma.

26 Mmiloko ithukumanne, mmucicimihe Muluku;

Mmucicimihe Yehova, nyuwo muri a ehime ya Isarayeli.

27 Weiwo, Penxami, a mukhaani, onnaalamulela yaawo,

Nave tho ahooleli a Yuta ni muloko aya annakhuwela moohakalala,

Ahooleli a Sepuloni, ahooleli a Nafitali.

29 Wa nthowa na empa anyu o Yerusalemu,

Mamwene anamooruuhelaani samahala,

30 Mwaasamele axinama awoopiha a mutakhwani,

Makhuuru a imope ni asaana aya

Ophiyerya achu yuuramme ni oruuha* ichu sa eparata.

31 Ichu sa eporonse inamuruuhiwa* orweela o Yikuputu;

Achu o Kuxi enamwaakuvela ovaha samala wa Muluku.

32 Khwoo omwene woothene wa elapo, mmwiipele Muluku,

Mmwiipele macipo* Yehova, (Selaha)

Otokweene awe ori va Isarayeli,

Nave ikuru sawe iri wirimu.*

Owo Muluku a Isarayeli,

Yoowo onavaha ikuru ni owerya wa achu.

Koomiryiwa ni maahi awiixa,

Nave maahi awuupa aakipurula.

 3 Kookoma wiichana vancipale,

Koolala va mmilo.

 4 Yaale anakiica ohirivo nthowa

Aatepa waaca opwaha miihi a mmuruni mwaka.

Yaale anachuna okiipha,

Amwiicani aka oowoka,* ancipale.

 5 Khwoo Muluku aka, nyuwo moosuwela ololo aka,

Nave nthowa naka hanri noovitheya wa nyuwo.

 6 Yaale anooweheryaani nyuwo ehuulihiwe muru wa nthowa naka,

Khwoo Pwiya Ooweryaxa, Yehova a anakhoco.

Yaale anawaavyaani ehilamwihiwe wa nthowa naka,

Khwoo Muluku a Isarayeli.

 7 Kinnahooxeya ni oruwaniwa wa nthowa nanyu,

Olamwihiwa woohuruwela ethoi aka.

 8 Kookhala mmalapo wa asinnaka,

Namarwa wa anamwane a amamaaka.

10 Vaavaa kiiyevinhaaka* kiinanelaka olya,*

Kaahiruwaniwa wa nthowa na yeeyo.

11 Vaavaa kaawanraaka soowara sa isakhwi,

Kaahikhala echu yoorohiwa* wa yaawo.

12 Yaale anakiraathi va mulako mutokweene wa epooma annakaapa,

Nave mivona sinnakipaka okhala mwaha wa macipo aya.

13 Nto nivekelo naka niphiye wa nyuwo,

Khwoo Yehova, mu elukuluku yaweemereryeya.

Khwoo Muluku, mu osivela wanyu woororomeleya wawaaca,

Mukaakhule ni saweera sanyu seeparipari sa ovuluxa.

14 Mukoopole mu ncokwa,

Muhemererye wi kineele.

Mukoopole wa yaale anakiica

Nave wa maahi awiixa.

15 Muheemererye wi maahi awuupa ekipurule,

Naari mano wiixa okimirye.

Mukivarerye, mwawiiwanana ni ikharari sanyu sawaaca,

17 Nave muhiipithihe ethoi anyu wa mulapeli anyu.

18 Mukaacamele nave mukivuluxe,*

Mukoopole wa nthowa na amwiicani aka.

Kaanweherya ookooniherya niphwanya, nto haarivo mmoharu mano;

Ookihakararya, nto nkaamphwannye.

21 Nto awo yaakinnya esenya yawiipha* ntoko yoolya,

Nave wi kiiphe nthanana awo yaakinnya eviinyu yoonyuunya wi kiwurye.

22 Mesa aya ekhale mulapa wa yaawo;

Nave muhakhu aya, okhale muraakho.

23 Miitho aya eriipihiwe wi ehiweryeke woona,

Nave mweerihe wi meco saya* sithukumeleke moohihiyererya.

24 Mwaayeherye awo onanariwa* wanyu,

Nave esara anyu yoovarela yaaphwanye.

25 Nipuro naya nookhalavo nikhale milepe,

Nave mmixakalani mwaya ohikhaliwekemo.

26 Tiwi awo annamwiikara yoole mummannaanyu,

Nave annatitelela oloca sawiicela wa yaale mwaaphoreihalaanyu.

27 Mwaaceererye nthowa va nthowa naya,

Nave muhiweere awo okhala awookololowa.

28 Ecipihiwemo mu liivuru a achu akumi,*

Nave ehirempwe vamoha ni awookololowa murima.

30 Kinahaala wiipela macipo nsina na Muluku

Nave kinamumvuwiha yoowo ni mathamalelo.

31 Ela enahaala omuhakalaliha vancipale Yehova opwaha emope yeelopwana,

Opwaha mwaasaana a emope a manyaka ni akokocopwa.

33 Tiwi Yehova onnaawiriyana oohaawa,

Nave harwa aanyemula achu awe oophariwa.

34 Erimu ni elapo yavathi imucicimihe,

Iphareya ni soothene ineeca mwemmo.

35 Tiwi Muluku onamumvuluxa Siyoni

Ni oteka wanaawiili ipooma so Yuta;

Nave awo enamukhalaka mwemmo ni enamukhala yawaya.*

36 Muyareriwo wa alapeli awe onamwaakhela yeeyo,

Nave yaale anasivela nsina nawe enamukhalaka mwemmo.

70 Khwoo Muluku, mukivuluxe;

Khwoo Yehova, murwe mwawaakuveya wi mukikhaviherye.

 2 Yaale anaavya omaliha okumi aka* yuulihiwe muru

Nave enyemuliwe.

Yaale anahakalala ni epahu aka

Ekookele muculi, elamwihen’ye.

 4 Nto yaale anawaavyaani

Echape nave ehakalale mwa nyuwo.

Nyuwo muri mukhaviheryi aka ni moopoli aka;

Khwoo Yehova, muhilekele.

 3 Mukhale nipuro noolipihiwa na vamwala wa miyo,

Weiwo kinahaalaaka ochawelakawo ilukuluku soothene.

Mulamulele wi kivuluxiwe,

Woona wi nyuwo muri mwala aka ni nipuro naka noolipihiwa.

 4 Khwoo Muluku, mukoopole mmatani mwa achu oonanara murima,

Wa owerya wa muchu oohooxa oohookololowa.

 5 Tiwi nyuwo muri ewehereryo aka, khwoo Pwiya Ooweryaxa Yehova;

Kinnoororomelaani nyuwo* ovinyerya omiravo aka.

 6 Munnakikhaviherya ovinyerya vaavaa kaayariwaaka;

Nyuwo mukikuminhe mmirimani mwa amama aka.

 8 Eyano aka yoosareya ncicimiho nanyu;

Nihiku noothene kinnaloca sa ovuwa wanyu.

 9 Muhikikhooce mu wuuluvala waka;

Muhikinyanyale vaavaa kinahaalaaka oyeleela ikuru.

10 Amwiicani aka annaloca sa miyo,

Nave yaale anaavya omaliha okumi aka* annakiphakanela,

11 Eriki: “Muluku oomunyanyala.

13 Yaale anakiica* yuulihiwe muru

Nave etoloxiwe.

Yaale anaavya makacamiho aka

Ekhuneeliwe ni munyemu ni olamwiheya.

14 Nto wa miyaano, kinahaala otitelela owehererya;

Kinahaala woocicimihakaani moohihiyererya.

15 Eyano aka enamulokoha wookololowa wanyu

Ni saweera sanyu sa ovuluxa nihiku noothene,

Naamwi sitempe waaca ni kihiiwexexaka* soothene.

16 Kinamuyawo nave kinamuloca saweera sanyu soowerya,

Khwoo Pwiya Ooweryaxa Yehova;

Kinamuloca sa wookololowa wanyu, pahiru wawinyu.

17 Khwoo Muluku, nyuwo mookihusiha ovinyerya omiravo aka,

Nave ophiyerya hiihava kinnalaleya saweera sanyu sootikhiniha.

Kiloce sa ikuru sanyu* wa muyareriwo onacharela,

Ni sa owerya wanyu wa oothene yaawo anahaala orwa.

19 Wookololowa wanyu, khwoo Muluku, onnaphiya wiirimurimu;

Moopaka ichu itokotoko;

Khwoo Muluku, taani onalikana ni nyuwo?

20 Naamwi mukeerinhe ohooxeya ni sawuukhula ni makacamiho mancipale,

Mukikookiherye okumi;

Mukikumihe mmapuro awiixa* a elapo.

21 Mwaaceererye otokweene aka,

Mukirice ni okhapelela wanyu nave mukihakararye.

22 Mwawiihiiha, kinamoocicimihaani ni ekaruma ya mikoi

Wa nthowa na ororomeleya wanyu, khwoo Muluku aka.

Kinanwiipelaani macipo* ni chakare,

Khwoo Aweela a Isarayeli.

23 Iyano saka sinahaala okhuwela moohakalala vaavaa kinawiipelaakaani,

Vawi moovuluxa okumi aka.*

24 Nlumi naka nnamuloca* sa wookololowa wanyu nihiku noothenene,

Vawi yaale anachuna otoloxa okumi aka anamuulihiwa muru ni onyemuliwa.

72 Khwoo Muluku, mumvahe mathorihelo anyu mwene,

Nave mwaana a mwene wookololowa wanyu.

 2 Aakiheke mulacu wa achu anyu mwawookololowa;

Ni wa achu anyu oohaawa, mweekhaikhai.

 3 Miyaako siruuheke murecele wa achu,

Nave miyaako mikhaani siruuheke wookololowa.

 4 Owo awaakiheke* oohaawa variyari va achu,

Aavuluxeke anamwane a achu oothoiwa

Nave aanyaanye yaale anaalyela.*

 5 Awo ananwoovakaani ilukuluku soothene vaavaa nsuwa nnaaryaaya

Ni elukuluku mweeri oryaaya wirimu,

Wa muyareriwo ti muyareriwo.

 6 Owo oni akhale ntoko epula yeeyo enarupela emaca ehaciwe,

Ntoko epula yawaaca yeeyo ennaaniha echaya.

 7 Mmahiku awe, awookololowa murima onamwaaluwa,*

Nave onamukhalavo murecele wawaaca ophiyerya ohikhalavo tho mweeri.

 9 Achu yaawo anakhala mutakhwani anamukokhora vamiithoni vawe,

Nave amwiicani awe anamulata nchupi.

11 Mamwene oothene anamukokhora vamiithoni vawe,

Nave maloko oothene anammurumeela.

12 Tiwi owo onammoopola oohaawa

Yoowo onakhuwela ntakhara nikhaviheryo.

13 Owo onamwaamorelaka ikharari oothoiwa ni oohaawa,

Nave onamvuluxa okumi wa oohaawa.

14 Owo onanwoopola* wa ohooxiwa ni nlala,

Nave nikhami naya nnamukhala nasisapo vamiithoni vawe.

Avekeleliweke moohihiyererya;

Owo areelihiweke nihiku noothene.

16 Enamukhalavo yoolya yincipale veelaponi yavathi;

Nave vasulu va miyaako inamusareyavo soolya.

Sawiima sa mwene inamwinnuwa ntoko so Lipanu,

Nave mmapooma, achu anamphuwela ntoko munyepu wa veelaponi.

17 Nsina nawe ntitelele okhala wookhala,

Ovuwa wawe olekele ntoko nsuwa.

Achu ekhaleno mareeliho moorweela wa mwene;

Maloko oothene emweere oohakalala

18 Yehova Muluku acicimihiwe, Muluku a Isarayeli,

Mmoharu yoowo onapaka ichu sootikhiniha.

19 Nsina nawe noocicimiheya nivuwihiwe okhala wookhala,

Nave ocicimiheya wawe osareye veelaponi yoothene.

 2 Wa miyo, inaani saka saahanle vakhaani ohuwela;

Saahanle vakhaani oserekuwa.

 3 Woona wi kaanaakhalela nrima achu awiikhoma,*

Vaavaa koonaka murecele wa achu oonanara murima.

 4 Tiwi awo hanoona wiicela wa okhwa;

Mwiili aya ti waphaama.*

 5 Awo hiyaano makacamiho yaawo achu akina aryaayano,

Naari mano hanahooxeya ntoko achu akina.

 6 Mwawiihiiha, wiirumiha ori ntoko kolaare wa yaawo;

Nlala ninnaakhuneela ntoko yoowara.

 7 Muhakhu aya* onneeriha miitho aya okhala awaarya;

Annakhumelelaxa phaama opwaha vaavaa murima aya waanyiheryaaya.

 8 Annaanyemula akina nave annaloca ichu soonanara;

Mwawiirumiha, annoopopiha ni ohooxa.

 9 Awo annaloca ntoko wi tavasuluxa olikana ni erimu,

Nave anneeceeca veelaponi elocaka ni nlumi naya echu eri yoothene anachunaaya.

10 Mwawiihiiha, achu a Muluku* annaachara yaawo

Nave annawurya maahi aya awaaca.

13 Mweeparipari, kaatitelenle weeliha murima aka mahaleene

Ni onyawa matata aka mu ohikhalano nthowa.

14 Kaari mmakacamiho nihiku noothene;

Wooxixelo woothene kaanalakiwa.

15 Nto waakhanle wi kooloca ichu seiha,

Kaahaala okhala oohiroromeleya wa achu anyu.*

16 Vaavaa keerenryaaka wiiwexexa soothene seiha

Kaahihaleeliheya,

17 Ophiyerya kivolowa mu nipuro ntokweene naweela na Muluku

Nave kiiwexexa omwaahiyu aya.