Okhala Ni Okumi Wawiikhalelaru Wohakalaliha Velaponi Yavathi!

Ebrochura ela erempwe wii yokhaviheryeni omusuwela taani opanke elapo ni itchu sothene iri mummo. Munahaala ohuserya wii Muluku, yowo opanke elapo, okhala ni nsina. Ninnathorihatho vaava nthowa nene Muluku ompakenliye mutchu ni mummo nyuwo munahaalanyu okhalela ni okumi wawiikhalelaru wohakalaliha velaponi yavathi.

Ninnawehererya wii iruku sinchipale inahaala wokhaviheryani woona phamene itchu hiiho. Wii mukushevo yophuchula etokwene va yeyo, munnaphwanela walakhanya sorepa sa biblia ikuhiwe okhwipi wa iruku sinchipale sa hiiho. Mwawihihaa munahaala wisalakhanyeryaka mekheinyu volocha sa malakano makina aphama a Muluku, anaphwanyeya m’Bibliani, nave volocha sa yeyo Muluku olonchiiye wii munnaphwanela werano wii mphwanye wakhwaniheryiwa wa malakano yawo.

Akhweya munnatchunatho opharihela muteko ebrochura ela wii mwakhaviherye akina. Mwakhalano anamwane, munnaphwanela opharihela muteko wii mwakhaviheryeno ohuserya etchu volocha sa Muluku. Wakhala wii munakhala mu elapo yeyo asiitokwene anchipale ahinsuwelano walakhanya, munahaala opharihelaka muteko iruku wii mwakhaviheryeno osuwela sotchuna sa Muluku, wii awotho ewerye wakhaviherya atchu achamannayano.

Ninnawehererya mohanyiherya wii yohuserya ya malakiheryo ala yooweryiheni waakhela mareliho manchipale, ni ophiyerya waathonyerya akina mummo anahaalelaya okhala ni okumi wawiikhalelaru wohakalaliha velaponi yavathi.