Masololo Alipa a Wiipha!

Satana ni masololo okhalawookhala ti ootakhala ni awoopiha. Mu ilukuluku sa khalai, Satana aawiipha axinama ni arummwa a Yobu muchu ororomeleya. Vachuli vaya aawiipha anamwane khumi a Yobu eerihaka wi “echeku etokotoko” yuuwihe empa eyo yaawo yaryaayamo. Vachuli vaya Satana ahimuruhela Yobu “makhwacha onanaraxa, ovinyerya va esapala ya nnani nawe ophiyerya vasulu va murwaawe.”—Yobu 1:7-19; 2:7.

Mmahiku a Yesu masololo awo yaaheriha wi achu akina ekhale oohiloca ni eevasi. (Mateyu 9:32, 33; 12:22) Yaawo yaanamuhooxa mulopwana mmoha nave yaaneriha wi owo iisetetheke ni maluku. (Marko 5:5) Yaawo, yaamweeriha mmiravo mmoha okhuwela, nave tho envonya vachayani, nave “nimwahulasha” moowali.—Luka 9:42.

Olelo Satana ni masololo, nivano alipa a wiiphaxa. Ni sookhumelelavo, miteko saya soonanara saahaceereryeya ovinyerya vaavaa yiikariwaaya wirimu. Michaka inarweela mu elapo yoothene sinooniherya otakhala waya. Awo annaahooxa achu ni irecha. Annaachikinya achu akina ohiyu, yaayelelihaka ikhove nari oweeriha okhalano sooloha sawoopiha. Anneeriha wi achu akina ekonihaneke moohiphwanelela. Nave tho annaatatuxa akina okhala anaanepa, alipa a wiipha nari awiisipha.

Lintina, onakhala o Suriname, onnaloca wi nsololo nimoha nari munepa woonanara, noowipha achu 16 a echokwaawe nave naahimuhooxa mwiili ni mmuupuweloni mu iyaakha 18. Moovarihana ni ichu ooneiye yoowo mukhateiye, owo oriye wi, masololo “annasiveliwa waahooxa achu ophiyerya okhwa.”

Nyenya Yehova ookhalano ikuru sa owiikicha arummwaawe wa soohiphela sa Satana.—Proverpio 18:10.

[Iruku va epaaxina 11]

Khalai masololo yaahiweeriha achu akina wicheliwa, nave yaahiwuuwiha akina ewaahulaxa

[Iruku va epaaxina 12]

Masololo olelo anneeriha wi achu akina ekhale oowali; yaawo tho annaachikinya akina ohiyu eweerihaka okhalano sooloha sawoopiha