NIKUPA 9

Paradaiso Onahaala Orwa Liini?

Makacamiho veelaponi yavathi annooniherya wi Omwene wa Muluku moohilekela onahaala weera echu. Luka 21:10, 11; 2 Timoteo 3:1-5

Makacamiho awunlaana mmahiku oomaliherya—wiiphwanyerya, ekhoco, ipahu, othowa wa yolya, ohiwiiwelela asitiithi, ni nlala

Piipiliya aaloca sa ichu sincipale seiyo sineereya olelo. Piipiliya ooloca wi achu yahaala okhala oosivela icharama, oohiwiiwelela yaawo yaayanre, amakuche nave oosivela seiyo sinatheiha muchu.

Onarwa okhalavo ocikinyeya otokotoko wa elapo, ikhoco, orama wa soolya ni ireca sawiipha. Hiihaano ichu seiya sinneereya.

Anamoona a Yehova analaleerya michaka yaphaama ya Omwene wa mulopwana mmoha

Yesu aaloca tho wi michaka yaphaama vooloca sa Omwene inarwa silaleeryiwe mu elapo yoothene yavathi.—Mateyu 24:14.

Omwene wa Muluku onahaala omaliha onanara woothene. 2 Petro 3:13

Amutakhali etolosiwaka mu Armaketo, voocharela Satana ni masololo awe annavonyeriwa muxephwani

Moohilekela Yehova onahaala waatoloxa achu oothene oonanara.

Satana ni masololo awe anahaala ohooxiwa.

Yesu okiraanthe va munyukhuni vawe nave achu a miloko miloko annahakalala

Achu yaale anamuwiriyana Muluku, anahaala okhala ni okumi mu elapo yahihano ya ekhaikhai, mummo onii ohikhalemo woova. Elapo yeeyo achu anahaalaaya ororomelana ni osivelana mukina ni mukhwaawe.