YOOHUSERYA 25

Ntakhara Heeni Ninnateka Ipa sa Omwene Nave Nnateka Hai?

Alipa awiiveleela anateka Empa ya Omwene ya o Poliviya — Poliviya

Empa ya Omwene ya Nixeriya ehaakumve oreheryiwa

Empa ya Omwene ya o Nixeriya ehaakumve oreheryiwa — Nixeriya, ehaakumve ni emanle

Empa ya Omwene enatekiwa o Tahiti — Tahiti

Ntoko enooniheryiwaaya nsina Empa ya Omwene, mahusiheryo a Piipiliya anahuseryiwa weiwo analoca sa Omwene wa Muluku yoowo waari muru wa orummwa wa Yesu.—Luka 8:1.

Awo mapuro a malapelo eeparipari. Ovinyerya mwemmo, michaka yaphaama ya Omwene sinnalaleeryiwa. (Mateyu 24:14) Ipa sa Omwene ti soohiyana wunnuwa ni makhalelo, nyenya soothene ti soophwanelela, sincipale sinaphariheliwa muteko opwaha muloko mmoha. Iyaakha ivinre hiihaanoru, nooteka Ipa sa Omwene masana masaneene (waalakhanyerya thanu vanihikuni) wi saakhwaniherye winnuwa wa miloko sahu. Eyo enaweryeya hai?—Mateyu 19:26.

Iho inatekiwa moorweela wa sooveleela ineeriwano ntakhara yeeyo. Sooveleela iho sinnarumihiwa ofiliyale wi ikhalevo ikhorowa sa okhaviherya miloko inachuna oteka naari oreherya Empa ya Omwene.

Iho inatekiwa ni achu awiiveleela oohiliveliwa oorweela mmukhalelo woothene wa okumi. Mu ilapo sincipale, Makhuuru Ooteka Ipa sa Omwene aareheryiwa. Makhuuru ooteka a arummwa ni awiiveleela annaya muloko ni muloko mpuwa mwa elapo, okhaviherya otekiwa Empa ya Omwene ya vanipuroni. Mu ilapo sikina annathanliwa anna oophwanelela wi ehoolele otekiwa ni oreheryiwa wa Ipa sa Omwene mpuwa mwa ilapo akaweliwaaya. Naamwi alipa a wiiveleela ooteka anarweela mu ilapo ikina toosuwelaxa, muteko wa anna a vamucecheni onnakhaviherya vancipale. Munepa wa Yehova ni wiilipiherya ni murima woothene wa achu awe onneeriha soothene iho weereya.—Salmo 127:1; Akolose 3:23.

Ntakhara heeni mapuro ahu a malapelo aniichaniwaaya Ipa sa Omwene?
Onaweryeya hai oteka Ipa sa Omwene veelaponi yoothene?