Nsu wa Asitiithi

Tiivi eri yamahala yaphaamaxa munachunaanyu waavaha anamwane anyu? Awo annachuna ichu sincipale, ophitaanyerya osivela, ohoolela, ni okhapelela wanyu. Nyenya, yamahala yaphaamaxa munaphwanelaanyu waavaha ti nsuweliho na Yehova ni iparipari inaphwanyeya mu Masu awe, Piipiliya. (Yohane 17:3) Nsuweliho nenlo nnamwaakhaviherya anamwane anyu wunnuwiha omusivela waya Yehova ni omurumeela ni murima woothene, opacerya eri akhaani.​—Mateyu 21:16.

Asitiithi ancipale annasuwela wi anamwane akhaani annaakhulela phaama soohuserya ni saweera sookhuveya. Vanonto, ninnahakalala ovaha yoolaleeryiwa ela, Soohuserya Saka sa Piipiliya. Nihusiheryo nri noothene nipakiwe wi nihusihe mmukhalelo wookhweya. Iruku ni masu anacharela epakeliwe xaxaxa anamwane a iyaakha chaaru oya vathi. Miruku sa saweera soophitaanyeryiwa. Soohuserya Saka sa Piipiliya tahi echu yoothatano. Moohiyana, epakeliwe wi munaalakhanya vamoha ni anamwane anyu, munnuwihaka olocihana.

Ninnaroromela wi yoolaleeryiwa ela enahaala wookhaviheryaani waahusiha anamwane anyu eparipari ya Piipiliya ‘opacherya eri nikwiya.’​—2 Timoteo 3:14, 15.

Anninyu,

Nikhuuru Noolamulela na Anamoona a Yehova

[Eruku va epaaxina 3]