Ovilela
Apwanne alapeli a Yehova annaphwanela ovilela?
Nnasuwela hai wi achu akina hechuna owiriyana michaka sahu naari wi enamphiyerya tho oniikara?
Mat 10:22; Yoh 15:18, 19; 2Ako 6:4, 5
Sootakiherya sookhweleya sa Mpiipiliyani:
2Pet 2:5; Map 7:23; Mat 24:37-39—Naamwi Nowa aari “mulaleeryi a sawookololowa,” ancipale hiyaamwiiwelenle, nave pahiru owo ni amusi awe tiyaakophonle wa Maahi Mancipale
2Tim 3:10-14—Murummwa Paulo aahipharihela yootakiherya awe ene ya ovilela wi amuceenyerye Timotiyu okhala oovilela
Ntakhara heeni nnanweherya wiiciwa ophiyerya ni achu a veemusini vahu?
Mat 10:22, 36-38; Luka 21:16-19
Sootakiherya sookhweleya sa Mpiipiliyani:
Map 4:3-11; 1Yoh 3:11, 12—Kayini aahimwiipha munnawe Apeli nthowa nawi miteko sawe saari soonanara nave sa munnawe saari sawookololowa
Map 37:5-8, 18-28—Vaavaa Yosefe aaleenleiye annawe yooloha yavameekhaaya yoorweela wa Yehova, awo yaahimvonyerya mukhokweni wahaarimo maahi nave emukuliha ntoko kapuro
Vaavaa nniikariwaahu, ntakhara heeni hannaphwanela woova okhwa?
Moone tho Wup 2:10
Sootakiherya sookhweleya sa Mpiipiliyani:
Tan 3:1-6, 13-18—Satraki, Mesaki ni Apeteneko yaahikhooca okokhorela yoophwaniherya naamwi mwene aawoopopinhe owiipha
Saw 5:27-29, 33, 40-42—Naamwi yoopopihiwa wi yaahaala wiiphiwa, arummwa yaanalaleerya moovilela
Tiheeni enahaala onikhaviherya otitelela ororomeleya wa Yehova ophiyerya tho vaavaa nnalakiwaahu?
Sootakiherya sookhweleya sa Mpiipiliyani:
Nam 20:9-12; Malam 3:23-28; 31:7, 8—Mulipa miririmu Mose, aahuuliheya muru vaavaa Yehova aamulankeiye yoowo nyenya naamwi hiihaa aahititelela ororomeleya ni ovilela ophiyerya omakuchuwelo
2Mam 20:12-18; 2Math 32:24-26—Vaavaa Mwene Esekiya aachenkeiye, mulipa a miririmu a Yehova aahimookolola, nto mwene aaheemererya olaka nave atitelela omurumeela Yehova moororomeleya
Ntakhara heeni onanwerya okhala woovila ovilela vaavaa akina anahiyaaya omurumeela Yehova?
Yer 1:16-19; Hap 1:2-4
Sootakiherya sookhweleya sa Mpiipiliyani:
Sal 73:2-24—Vaavaa mulipa masalmu oonneiye murecele ni oreela woopwaha wa aweera soonanara, owo aaniikoha waakhanle wi waari woochuneya otitelela ovilela mmuteko awe ntakhara Yehova
Yoh 6:60-62, 66-68—Naamwi ancipale yaahiyale omuchara Yesu, murummwa Petru aari oolakelela ovilela
Tiheeni enahaala onikhaviherya ovilela?
Otitelela omwaacamela Yehova
Malam 30:19, 20; Aro 15:5, 6; 1Ako 10:13
Ohuserya masu a Muluku ni wuupuwelela yaawo
Opaka mavekelo ookhumela vathi va murima moohihiyererya
Sootakiherya sookhweleya sa Mpiipiliyani:
Tan 6:4-11—Mulipa a miririmu Taniyeli aahititelela ovekela moohihiyererya wa Yehova, naamwi aphakaneliwe wiiphiwa
Mat 26:36-46; Ahe 5:7—Mu ohiyu awe wookuchula ahaakumve okhwa, Yesu aahivekela orweela vathi va murima nave aahaaceenyerya akina weerano emohamoha
Omulapela Yehova moohihiyererya ni annihu mmithukumanoni
Okhalano mmuupuweloni mareeliho yaawo Yehova ororomelinheiye
Olipiha osivela wahu wa Yehova, wa annihu ni wa yeeyo eri yawookololowa
Olipiha nroromelo nahu
Woona makacamiho mmukhalelo woophwanelela
Miphurelo taani nnakhalaahuno vaavaa nnavilelaahu moororomeleya?
Ninnamvaha ncicimiho Yehova Muluku
Mas 27:11; Yoh 15:7, 8; 1Pet 1:6, 7
Sootakiherya sookhweleya sa Mpiipiliyani:
Yupu 1:6-12; 2:3-5—Satana aahimootherya Yehova wi Owo onnaareeliha achu pahiru wi emulapeleke yoowo; Yupu aanaphwanela ovilela wi ooniherye wi Satana aamootha
Aro 5:19; 1Pet 1:20, 21—Moohiyana ni Atamu yoowo aahimwiiwelenle Muluku, Yesu aahivilela moororomeleya ophiyerya okhwa, ooniheryaka wi muchu oophaameya onanwerya ororomeleya wa Yehova naamwi eehiwe moopwaha mphimo
Ninnaaceenyerya akina ovilela
Ovilela onnanikhaviherya okhumelela phaama mmuteko woolaleerya
Nnahaala weemereryiwa ni Yehova nave nnamwaakhela mareeliho ororomelinheiye
Mat 24:13; Luka 21:19; 1Ako 15:58; Ahe 10:36
Moone tho Aro 2:6, 7; Tiy 1:12