Ekampaanya ya Olokoha Mukonelo Enapacerya 1 a Marsu
1. Ti liini nnahaalaahu opacerya olokoha Mukonelo, nave ntakhara heeni ekampaanya ti yoorekama eyaakha yeela?
1 Naneethanu, 1 a Marsu, nnahaala opacerya ekampaanya ahu ya vayaakhani ya waawopa akina wi eye o Mukonelo ni hiyo. Mukonelo onahaala okhala 26 a Marsu, enataphulela wi ekampaanya enahaala orakama vakhaani opwaha iyaakha ivinre. Ela enahaala waavaha achu ancipale ekari ya waakhela nwopelo, xaxaxa wakhala wi awo anakhala mapuro weiwo muloko oryaayano ekulucu etokotoko.
2. Marehereryo taani a okusa miwopelo ni omaliha ekulucu?
2 Okhala ooreheryeya: Mansiau anahaala ovaha soohoolela moota wa omaliha ekulucu, ophitaanyerya wakhala wi miwopelo inaphwanela ohiiwa mu ipa ohirimo achu. Wakhala wi miwopelo soohala emanle ekampaanya ya empa ni empa, iho poti okaweliwa mu onamoona wa vanlakani. Ooweherya a muteko onaphwanela ororomela wi miwopelo soorempwa sooheliwa va balkau ya aliivuru nari irevista wi alaleeryi ekuse, nyenya miwopelo hasinaphwanela okusiwa ekwaha emoharu. Ekwaha eri yoothene nnaphwanela okusa pahiru seiyo nnahaalaahu ochuna va esumana emoha.
3. Tiheeni nnaphwanelaahu wuupuwela vaavaa nnakawaahu miwopelo?
3 Tiheeni Nnahaalaahu Oloca? Ti waphaama okhala awaakuveya, eyo enahaala oneeriha waaphiyerya achu ancipale wakhala wooweryeya. Epaaxina 6 yookhalano yawooniherya ya ntakiheryo yeeyo nnahaalaahu wiiwananiha ni ekulucu ahu. Aayi, hinnachuna waakuvela omuhiya namakhala wakhala wi ohooniherya onthamwene nari okhalano makoho. Vaavaa nnakawaahu miwopelo omakuchuwelo wa isumana, nnaphwanela tho ovaha irevista wakhala woophwanelela. 2 a Marsu, nnahaala oweiwa ni okawa miwopelo ohiya opaceryiha soohuserya sa Piipiliya.
4. Ntakhara heeni nnaphwanelaahu okhaviherye ekampaanya mwa mvai?
4 Ninnaweherya wi achu ancipale anahaala othukumana ni hiyo va Mukonelo. Mwaha onahaala otaphulela Yesu taani chiryene. (1 Akor. 11:26) Owo onahaala oloca moota okhwa wawe onanikhaviheryaaya. (Arom. 6:23) Nave onahaala ovuwiha ntakhara heeni ti wookhweleya omuupuwela owo. (Yoh. 17:3) Hankooni nikhaviherye ekampaanya mwa mvai!