Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Akostu

“Muchu ori oothene onnavekela etila emoha nari ekina. Nari achu aneemererya wi haavo Muluku annavekela yakumana ni makacamiho. Munuupuwela wi Muluku onnaakhula mavekelo oothene?” Muweherye naakhulo. Mmoonihe oculi wa A Sentinela 1 a Akostu, nave muthokororye vamoha miseelo vathi va nikoho noopacerya ni emoha ya soorepa iromoliwe. Mvahe irevista, ni mvaanele okooka wi muthokororye nikoho nnacharela.

Musuwele: Yawooniherya ela enaphwanela wooniheryiwa variyari va muthukumano wa muteko wa mmacani 3 a Akostu.

Sentinela 1 a Akostu

“Nnaxekurya mwawaakuveya ntakhara ancipale annuukhuwa vooloca sa wunlaana wa woona epwitikiri. Ancipale anuupuwela wi woona epwitikiri ti mathatelo aphaama. Moonelo anyu tuuvi? [Muweherye naakhulo.] Yesu ooloca wi nnanwerya osuwela wakhala wi echu ti yaphaama moorweela wa yawiima enakumiheryaaya. [Mwaalakhanye Mateyu 7:17.] Erevista ela enathokororya sawiima sa woona epwitikiri. Ela ennavaha tho miruku moota wa ohiya woona epwitikiri.”

Despertai! a Akostu

“Ancipale a hiyo annachuna okhala elukuluku yincipale enaweryeya. Munuupuwela wi oya vahoolo wa siyensiya enahaala weeriha wi oweryeye okhala wawiikhalelaru? [Muweherye naakhulo.] Moone yoolaiherya ela yootikiniha. [Mwaalakhanye 1 Akorinto 15:26.] Mano Muluku onahaala weerano hai yeela​—moorweela wa siyensiya nari makhalelo makina? Nave ntakhara heeni vano ninniiceliwa nave ninnakhwa? Erevista ela ennooniherya moota Piipiliya onaakhuleiye makoho yaala.”